logo

иҷтимоиёт

ЭСТАКАДА. СОХТМОНИ КАМНАЗИР ДАР МИНТАҚА

Дар доираи омодагиҳо ба 27-умин солгарди Истиқлолияти давлатии Ҷумҳурии Тоҷикистон дар қатори дигар иншооти ҷашнӣ даҳаи аввали моҳи сентябр дар роҳи ҳалқавии маҳаллаи 82 - и пойтахт эстакада (чорсӯи нақлиётии сесатҳа) мавриди баҳрабардорӣ қарор мегирад. Ҳоло тибқи нақша 26 август дар назди маркази савдои «Саодат» таваққуфгоҳ барои мошинҳои сабукрав ба кор шурӯъ кард. Қабати аввали эстакада ҳанӯз аз 30 майи соли ҷорӣ мавриди истифода қарор дорад.
- То имрӯз ҳамаи иншооти барои мукаммалсозии эстакадаи буриши хиёбони Бобоҷон Ғафуров бо хиёбони Нусратулло Махсум сохта ба истифода дода шуданд, - иброз дошт Аброр Музаффаров, менеҷери лоиҳа аз тарафи фармоишгар.
Ба гуфтаи ӯ, таваққуфгоҳи назди маркази савдои «Саодат» аз ҷумлаи иншоотҳое мебошад, ки алҳол аз он мошинҳои сабукрав истифода мебаранд. Ғайр аз ин, ҳамаи системаҳои муҳандисии зеризаминии мавҷуда мавриди корбарӣ  қарор доранд.
Бояд гуфт, ки дар Душанбе бори аввал эстакада сохта шуд. Чорсӯи нав аз се сатҳ иборат буда, дар буриши хиёбонҳои Нусратулло Махсум ва Бобоҷон Ғафуров ҷой гирифтааст. Тибқи  лоиҳа, дар сатҳи дувуми эстакада роҳи давродавр бо радиуси 30 метр бунёд гаштааст, ки  ҳаракати нақлиёт дар он тавассути чароғакҳо идора мешавад. Дар сатҳи сеюм аз самти шарқ ба ғарб пули 125 - метра мегузарад, ки танҳо рӯйпӯш намудани қабати болоии он бо асфалт боқӣ мондааст.
Тибқи маълумоти Аброр Музаффаров, барои ба итмом расидани иншооти мазкур, ки калонтарин дар минтақа ба ҳисоб меравад, рӯзҳои башумор мондаанд.
Аз ҷумла, сохтмони иншооти зеризаминӣ ба охир расид. Аз самтҳои шимол, ҷануб, шарқ ва ғарб роҳҳои зеризаминӣ бунёд ёфтанд. Гузаргоҳҳои зеризаминии самтҳои шарқу ғарб 72 - метрӣ ва самти ҷанубу шимол 54 - метрӣ мебошанд.
Корҳои сабзкорӣ, шинондани дарахтони ороишӣ, таъмини об, равшанидиҳӣ пурра ба анҷом расида, кашидани хатҳои нави троллейбус ва шаҳраки бехатар идома дорад. 
Тибқи лоиҳа, инчунин, сохтмони  роҳ бо пул дар ду сатҳ дар буриши хиёбони Н. Махсум бо кӯчаи Маяковский, сохтмони роҳ бо пул дар ду сатҳ дар буриши хиёбони Н. Махсум бо кӯчаи Баҳоваддинов ва таҷдиди роҳ дар назар аст. Бинобар ин, баистифодадиҳии роҳҳои маҳаллаҳои 91 ва 102 - и пойтахт то ба итмом расидани марҳилаи дуюми иншоот тамдид меёбад. Сохтмони пулҳо ба марҳилаи дуюми эстакада дохил мешаванд.
Дар ҳамин радиф, тавре иттилоъ дода будем, дар буриши роҳи ҳалқавии маҳаллаи Қарияи Болои шаҳри Душанбе эстакадаи дуюм бунёд меёбад. Сохтмони он аз 26 феврали соли ҷорӣ оғоз гашта буд. Он бояд давоми ду сол сохта шавад.
Ш. ҚУРБОН, «Ҷумҳурият»

 


Баёни ақида (0)    Санаи нашр: 28.08.2018    №: 170    Мутолиа карданд: 295

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед