logo

сиёсат

ВМКБ. ШИНОСОИИ МУОВИНИ САРВАЗИР АЗ РАФТИ КОРҲОИ СОХТМОНӢ

Муовини Сарвазири Ҷумҳурии Тоҷикистон Азим Иброҳим зимни  сафари навбатӣ  ба Вилояти Мухтори Кӯҳистони Бадахшон аз иншооти бунёдшавандаи маъмурӣ, истеҳсолӣ, маишӣ, фарҳангию тандурустии  шаҳру  ноҳияҳои  вилоят  дидан намуд.
Дар ин сафар муовини Сарвазири мамлакатро раиси вилоят Шодихон Ҷамшед  бо  гурӯҳи  мутахассисон  ва  роҳбарони  идораву  муассисаҳои    вилоятӣ  ҳамроҳӣ карданд. Гурӯҳи  корӣ  нахуст ба ноҳияи Роштқалъа сафар карда, бо  ҷараёни корҳои сохтмонӣ дар  бинои нави беморхонаи  вилоятии  касалиҳои рӯҳӣ  шинос гардид. Ин бино дар майдони ду гектар доман паҳн карда, дорои 129 ҳуҷра ва 84 кати хоб мебошад. Айни замон, корҳо дар иншооти мазкур 95 дарсад ба анҷом расида, бинокорон ба ороишу мумфаршкунии роҳравҳои атрофи бино, инчунин, сафолакпӯш кардани саҳни беморхона машғуланд. Бинои беморхона аз ду ошёна иборат буда, се  иншооти  ба ҳам пайвастро дар бар мегирад ва дорои шароити сатҳи баланди хизматрасонӣ мебошад. Беморхона бо лавозимоти корӣ ва техникаю таҷҳизоти муосири тиббӣ   ҷиҳозонда  мешавад. Ҳамаи  ҳуҷраҳои табибону маризон ба системаи гармидиҳии мутамарказонидашуда пайваст буда, тавассути қувваи барқ  ва ангиштсанг гарм  карда мешаванд. Муовини Сарвазири  ҷумҳурӣ  ба мутахассисон тавсия дод, ки қудрат ва тавоноии тавлиди гармии ҳар ду усулро дуруст омӯхта, усули  самарабахштарро  ба  кор  баранд. Зеро беморхона аз буҷети давлат маблағгузорӣ мегардад ва сарфа кардани маблағ  барои худи беморхона низ зарур аст.
Азим Иброҳим  аз  ҳавзи махсуси нигоҳдории  об, ки  дар  саҳни  беморхона  сохта  шуда, ҳангоми  сар  задани  сӯхтор  кормандони  хадамоти  оташнишонӣ  метавонанд  аз он истифода баранд, дидан  карда, бехатарӣ  аз  сӯхторро барои  беморхонаи  рӯҳӣ  махсус  таъкид  намуд.
Муовини Сарвазири мамлакат, ҳамчунин, аз Донишгоҳи Осиёи Марказӣ,  воқеъ  дар  як мавзеи  хушманзараи  шаҳри  Хоруғ  боздид ба амал овард. Дар ин ҷо барои донишомӯзон беҳтарин шароити таълим муҳайё аст. Дар марҳилаи аввал Донишгоҳи Осиёи Марказӣ  аз рӯи тахассуси иқтисод, заминомӯзӣ ва муҳити зист донишҷӯёнро ба таълим фаро мегирад. Ин нахустин донишгоҳ дар Тоҷикистон аст, ки таълим дар он пурра бо забони англисӣ сурат гирифта, дипломаш  дар сатҳи байналмилалӣ эътироф мешавад. Азим Иброҳим  аз ташкили факултаи иқтисод дар донишгоҳи мазкур хуш истиқбол карда, гуфт, ки воқеан, кишвари мо ба мутахассисони соҳаи иқтисод ниёз дорад. Ҳарчанд дар кишвар иқтисоддонҳои варзида зиёданд, аммо дар байни онҳо иқтисодшиносони сатҳи байналмилалӣ камшуморанд.
Пас, муовини Сарвазир ва раиси вилоят ба қисми марзбонӣ омаданд. Соли равон дар ин қисми низомӣ як қатор биноҳои таълимию фарҳангӣ ва корхонаи истеҳсолӣ ба кор андохта мешаванд.  Муассисаи таълимӣ барои 240 ҷои нишаст, кӯдакистон барои таълим ва тарбияи 120 кӯдак, кошонаи ҳусн ва сартарошхона бунёд меёбанд. Муовини Сарвазир зимни боздид аз муассисаҳои таълимию фарҳангӣ ва маишӣ изҳор намуд, ки сокинони маҳаллӣ низ метавонанд аз хизмати онҳо истифода баранд.  Ҳамчунин,  мутахассисон - омӯзгорони ҷавони    шаҳри  Хоруғ, ки алъон ҷои кор пайдо накардаанд, имкон доранд дар мактаб ва кӯдакистони  қисми  ҳарбӣ фаъолият намоянд. Дар ин қисми марзбонӣ рӯзҳои наздик маркази таълимӣ барои 640 сарбоз ифтитоҳ мегардад ва  хизматчиёни  ҳарбӣ ҳангоми хизмат   дорои ин ё он тахассус гардида, ба зодгоҳи худ бармегарданд. Дар ин ҷо  мутахассисони варзида ба сарбозон касбҳои ронандагӣ, ошпазӣ, алоқачӣ, фелдшерӣ ва амсоли инҳоро меомӯзонанд.
Муовини Сарвазир, ҳамчунин, бо ҷараёни корҳои сохтмонӣ дар иншооти дигари бунёдшаванда   шинос шуд.
Раҳмони  ГУЛЗОР, “Ҷумҳурият”

 

 

 

 

 

 


Баёни ақида (0)    Санаи нашр: 30.08.2018    №: 171    Мутолиа карданд: 315

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед