logo

маориф

МАОРИФ. ҶАЛБИ ОМӮЗГОРОНИ РУС БА ТОҶИКИСТОН

Шурӯъ аз соли нави таҳсил 25 омӯзгор аз Федератсияи Русия фаъолиятро дар муассисаҳои таълимии Тоҷикистон оғоз мекунанд. Онҳо 31 август ба ҷумҳурӣ ворид шуданд ва тибқи талаботи муассисаҳо ба вилоятҳои Суғду Хатлон, ВМКБ, шаҳри Душанбе ва ноҳияҳои тобеи ҷумҳурӣ тақсим мешаванд.
Аз маркази матбуоти Вазорати маориф ва илми ҷумҳурӣ иттилоъ доданд, ки ба вилояти Хатлон 5 нафар, Суғд - 7 нафар, ВМКБ - 3 нафар, шаҳри Душанбе - 6 нафар ва ба ноҳияҳои тобеи ҷумҳурӣ 4 нафар омӯзгори рус ба таълиму тадрис сафарбар шуд ва шумораи онҳо ба 52 расид.
- Татбиқи лоиҳаи мазкур аз сиёсати маорифпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма гирифта, насли наврасро бо ҷаҳони мутамаддин мепайвандад, - зикр намуд сардори маркази матбуоти Вазорати маориф ва илм Эҳсон Хушбахтов.
Комиссияи Шӯрои Федератсияи Русия, ки барои мониторинг ба Тоҷикистон омада буд, ба шароити барои муаллимон фароҳамовардашуда баҳои баланд дод.
Бино ба гуфтаи коршиносон, сатҳи донистани забони русӣ дар минтақаҳои гуногуни Тоҷикистон хеле хуб аст. Бештари мардум аз забони русӣ огоҳию донишҳои аввалияро доранд. Дар муассисаҳои таълимӣ низ барои омӯзиши забони русӣ тамоми имкониятҳо фароҳам оварда шудаанд. Омӯзгорони тоҷик дар омӯзондани ин забон аз методу усулҳои муосир кор мегиранд.
Дар ҳамин ҳол, Валентина Матвиенко, раиси Шӯрои федератсияи Маҷлиси федеролии Русия, ҳангоми ташрифаш ба Тоҷикистон изҳор дошта буд: «Аслан, пешниҳоду иқдомоти Президенти Ҷумҳурии Тоҷикистон муҳтарам Эмомалӣ Раҳмон моро дар ин кор ҳавасманд намуд. Эшон масъалагузорӣ карда буданд, ки дар замони шӯравӣ, махсусан солҳои сиюми асри ХХ ба дурдасттарин минтақаҳои Тоҷикистон омӯзгорони рус фиристода мешуданд. Имрӯз ҳам пайи чунин иқдом шавем ва насли наврасро бо забони русӣ ва бад - ин восита аз навгониҳои илмҳои муосир огоҳ созем».
- Муҳимтарин омиле, ки моро дилгарм месозад, шавқу ҳавасмандии мардуми тоҷик аст. Онҳо ба забони русӣ қаробати хубе доранд ва мехоҳанд ҳар чи бештар аз нозукиҳои ин забон огоҳ бошанд, - афзудааст Валентина Матвиенко.
Ӯ аз муваффақона амалӣ шудани лоиҳа, ки чанд сол қабл роҳандозӣ шуда буд, изҳори қаноатмандӣ намуд. Зеро аксари омӯзгорон, ки тариқи шартнома ба Тоҷикистон омада буданд, тамдиди муҳлати шартномаро хостаанд. Ҳоло аз 29 нафар омӯзгоре, ки қаблан дар кишвари мо бо таълиму тадрис машғул буданд, 21 нафарашон баргашта, фаъолиятро идома медиҳанд.
Бузургмеҳр БАҲОДУР,
«Ҷумҳурият»


Баёни ақида (0)    Санаи нашр: 03.09.2018    №: 173    Мутолиа карданд: 440
22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД

ДАРВОЗ. САҲМИ ЗАНОН ДАР РУШДИ НОҲИЯ БЕШТАР МЕГАРДАД

БОЗОРИ ТРАНСФЕРӢ. АРЗИШИ ФУТБОЛБОЗОНИ ДАСТАҲОИ ЛИГАИ ОЛӢ

ПЕШНИҲОДИ ВОХӮРИИ НАМОЯНДАҲОИ ИДМ ВА СҶТ БАРОИ МУБОДИЛАИ ТАҶРИБАИ МУБОРИЗА БО COVID – 19

ҶАҲОН ДАР ЯК САТР

ХАТЛОН. САҲМИ РАЁСАТИ КҲФ ДАР ПЕШГИРИИ COVID-19

14.05.2020


КИТОБХОНАИ МИЛЛӢ. ТАЪСИСИ МАХЗАНИ ЭЛЕКТРОНӢ


Дар сомонаҳои дигари Тоҷикистон хонед