logo

иҷтимоиёт

АВИАТСИЯИ ГРАЖДАНӢ. ТОҶИКИСТОН КИШВАРИ ТРАНЗИТӢ ХОҲАД ШУД

3 сентябри соли 1924 нахустин ҳавопаймо дар Душанбе фуруд омад. Аз ҳамон рӯз ин сана ҳамчун Рӯзи авиатсияи граждании Тоҷикистон таҷлил мегардад. Дар остонаи ҷашни касбӣ бо хоҳиши хабарнигори рӯзнома директори Агентии авиатсияи граждании назди Ҳукумати Ҷумҳурии Тоҷикистон Икром Субҳонзода вазъ ва дурнамои соҳаро шарҳ дод.
Авиатсияи тоҷик дар амалисозии се ҳадафи асосии стратегии Ҳукумати Ҷумҳурии Тоҷикистон, хусусан барои баромадан аз бунбасти коммуникатсионӣ, ҳамчун яке аз соҳаҳои нақлиёт нақши муайян ва ҳиссаи арзандаи худро гузошт ва Тоҷикистонро бо қитъаҳою давлатҳои ҷаҳон пайваст. Айни ҳол авиатсияи граждании кишвар сол ба сол рушд меёбад. Домони  ҷуғрофияи парвозҳо аз Тоҷикистон ба давлатҳои манотиқи гуногун васеъ гардида, сатҳи хизматрасонӣ ба стандартҳои эътирофшудаи байналмилалӣ расонда шудааст. Айни замон дар доираи ҳамкориҳои байналмилалӣ кишвари мо бо 26 давлати хориҷи дуру наздик, аз ҷумла 9 кишвари ИДМ (Русия, Беларус, Украина, Озарбойҷон, Туркманистон, Қазоқистон, Қирғизистон, Арманистон ва Ӯзбекистон), 5 кишвари Аврупо (Люксембург, Олмон, Австрия, Чехия ва Латвия) ва 12 кишвари Осиё (Туркия, Эрон, Афғонистон, Ҳиндустон, Хитой, Покистон, Таиланд, Арабистони Саудӣ, Баҳрайн, Қатар, Кувайт ва Кореяи Ҷанубӣ) оид ба алоқаи ҳавоӣ созишномаҳо ба имзо расондааст. Лоиҳаи созишномаҳо оид ба алоқаи ҳавоии Тоҷикистон бо Финляндия, Фаронса, Шри - Ланка, Ветнам, Малайзия, Гурҷистон, Молдова, Амороти Муттаҳидаи Араб, Салтанати Уммон, Британияи Кабир ва Ирландияи Шимолӣ дар сатҳи баррасӣ қарор дорад.
Баъд аз танаффуси 26 - сола бо эҳтимоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз нав алоқаи ҳавоӣ бо давлати дӯсту ҳамсоя - Ҷумҳурии Ӯзбекистон барқарор гардид. Байни Тоҷикистону Ӯзбекистон дар самтҳои Душанбе - Тошканд - Душанбе, Душанбе - Самарқанд - Душанбе ва Душанбе - Бухоро - Душанбе  хатсайрҳо фаъол гаштанд.
Агентии авиатсияи граждании  назди Ҳукумати Ҷумҳурии Тоҷикистон, ки 29 декабри соли 2017 бо Қарори Ҳукумати Ҷумҳурии Тоҷикистон таъсис ёфт, фаъ-олияти хешро маҳз ба рушди соҳа ва фаъолияти самараноки корхонаву ширкатҳои авиатсионӣ равона намудааст. Яке аз вазифаҳои асосии агентӣ ин танзиму назорати соҳа, таъмини амният ва  бехатарии  парвозҳо  мебошад. Ба фаъолият пардохтани терминали боркашонии муосири ҶСК «Фурудгоҳи байналмилалии Душанбе» (25 июни соли 2018), ки дар таърихи авиатсияи граждании кишварамон нахустин мебошад, ба хеле беҳтар шудани сатҳи хизматрасонӣ ба мусофирон, ҳамлу нақли бор тавассути нақлиёти ҳавоӣ, ҳамчунин, оғози парвозҳои транзитии ҳавопаймоҳои боркаши ширкатҳои хориҷӣ тавассути Фурудгоҳи байналмилалии Душанбе ва рушди соҳаҳои иҷтимоиву  иқтисодии ҷумҳурӣ мусоидат намуд.
Бо мақсади ба кишвари транзитӣ табдил додани Тоҷикистон дар фурудгоҳи Душанбе сохтмони толори нави пешвозу гусели намояндагони расмӣ (толори ВИП) оғоз гардида, бо назардошти талаботи замони муосир ва стандартҳои нави байналмилалӣ барои таъмини амнияти парвозҳо, бехатарии авиатсионӣ, баланд бардоштани сифати хизматрасонӣ ва муътадил нигоҳ доштани ҳавасмандии мусофирон ба парвоз тавассути нақлиёти ҳавоӣ ворид намудани ҳавопаймоҳои миёнаҳаҷми муосир, технологияҳои нав-тарин, татбиқи лоиҳаҳои бунёди инфрасохтори фурудгоҳ, аз ҷумла сохтмони манораи назоратӣ - диспетчерии КВД «Тоҷикаэронавигатсия» дар «Фурудгоҳи байналмилалии Душанбе», азнавсозии парки ҳавопаймоҳҳо ва дастгоҳҳои КВД «Тоҷикаэронавигатсия», сохтмони толорҳои транзитӣ дар фурудгоҳҳои байналмилалии Душанбе ва Хуҷанд ҷараён доранд.
Чун Рӯзи авиатсияи гражданӣ дар арафаи Ҷашни Истиқлолияти давлатӣ таҷлил мегардад, аз фурсати муносиб истифода бурда, ҳамаи кормандони соҳаи авиатсияро бо фарорасии иди касбӣ ва кулли мардуми кишварро бо 27 - умин солгарди Истиқлолияти давлатии Ҷумҳурии Тоҷикистон табрик гуфта, барояшон тамоми хушиҳои зиндагиро таманно дорам.
Шаҳбоз АБРОР, «Ҷумҳурият»


 


Баёни ақида (0)    Санаи нашр: 03.09.2018    №: 173    Мутолиа карданд: 672
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶАНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед