logo

сиёсат

ИСТИҚЛОЛИЯТ. ОЗОДӢ ВА АРЗИШҲОИ ДИНӢ

Дар давоми 27 - соли Истиқлолияти давлатӣ таҳти роҳбарии хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сиёсати дохиливу хориҷии кишвари мо муваффақиятҳои беназир ба даст омаданд. Кулли бахшҳои хоҷагии халқи мамлакат рӯ ба рушд ниҳода, саодати рӯзгори мардум таъмин гардид.
Истиқлолияти давлатӣ имкон дод, ки мардуми шарафманди тоҷик дар бахши дину диёнат низ аз озодиҳои фаровон бархӯрдор бошанд ва фароизи диниро бе ҳеҷ монеа иҷро намоянд. Агар ба рақамҳо таваҷҷуҳ намоем, шароити мусоиди диндорӣ дар Тоҷикистон ба сурате шакл гирифтааст, ки дар дигар давраҳои таърихӣ вуҷуд надошт. Аз ҷумла, агар замони шӯравӣ дар тамоми қаламрави Тоҷикистон 17 масҷид амал мекард, имрӯз ин рақам дар мамлакат наздик ба чаҳор ҳазор аст, ки қобили мулоҳиза мебошад.
Бояд ёдовар шуд, ки дар замони қабл аз истиқлолият дар Тоҷикистон таълими динӣ қариб вуҷуд надошт. Танҳо баъд аз ба даст овардани Истиқлолияти давлатӣ Донишкадаи исломии Тоҷикистон созмон ёфт, ки феълан садҳо толибилм дар ин боргоҳи таълимӣ ҳам илми динӣ меомӯзанду ҳам улуми дунявӣ. Бо ташаббуси Пешвои муаззами миллат Қуръони карим ба забони тоҷикӣ тарҷума ва нашр шуда, дастраси мардум гардид. Гузашта аз ин, даҳҳо китобҳои динӣ, аз ҷумла тафсири Қуръон, Ҷоми – ус - Саҳеҳи Имом-ал-Бухорӣ, китобҳои фиқҳӣ ва ақидавии аҳли суннат ба нашр расиданд, ки мардуми Тоҷикистон имрӯз дар масоили динӣ ва мазҳабии худ аз ин китобҳо истифода мебаранд.
Ба ҷойгоҳ ва мақоми шоистаи уламои ислом таваҷҷуҳи махсус зоҳир мегардад, ки дар садри чунин арҷгузориҳо Президенти маҳбуби кишвар қарор доранд. Аз ҷумла, бо ташаббуси бевоситаи Сарвари давлат соли 2009 дар Тоҷикистон Соли бузургдошти Имоми Аъзам- пешвои мазҳаби мо эълон гардид, ки ин иқдом боиси эҳтироми зиёди олами ислом ба Тоҷикистон гардид.
Мардуми шарифи тоҷик хуб медонанд, ки дар замони шӯравӣ аз Тоҷикистон як нафар ба сафари ҳаҷ мерафт, ҳатто баъзе солҳо ҳамон як нафар ҳам рафта наметавонист. Ҳоло бошад, ҳар сол аз Тоҷикистон зиёда аз шаш ҳазор зоирин барои адои маносики ҳаҷ ва зиёрати равзаи Расулуллоҳ (с) ба Маккаи мукаррама ва Мадинаи мунаввара сафар мекунанд. Қабл аз истиқлолият мардум ду намози идро дар ҳавлиҳо ё оромгоҳҳо бо тарсу ҳарос мехонданд. Вале, имрӯз Иди саиди Фитр ва Қурбон дар қонунгузории мамлакат ҳамчун иди расмӣ эътироф шуда, рӯзи истироҳат эълон гардидааст, ки нишони эҳтиром ба арзишҳои динӣ мебошад.
Аз ин рӯ, ҳар яки мо, бахусус ходимони динро зарур аст, ки ба қадри ин неъматҳо бирасем ва дар ин замони пурошӯб бо дастгирӣ аз сиёсати давлату Ҳукумати ҷумҳурӣ арзишҳои истиқлолият ва ваҳдати миллиро ҳифз намоем.
Ҳ. МӮСОЗОДА, шаҳри Хуҷанд


Баёни ақида (0)    Санаи нашр: 05.09.2018    №: 175    Мутолиа карданд: 265

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед