logo

туризм

ТИМОФЕЙ БАЛИКО: "ТАШАККУР БА ПРЕЗИДЕНТИ ҶУМҲУРИИ ТОҶИКИСТОН ЭМОМАЛӢ РАҲМОН"

Муаллими таърих, сайёҳ, муҳаққиқ, нависанда ва суратгири рус Тимофей Балико, ки моҳи августи соли 2018 аз Тоҷикистон дидан намудааст, аз тамошои ин минтақаи АвруОсиё ба ваҷд омада, баъди бозгашт ба Президенти Ҷумҳурии Тоҷикистон Эмомалӣ Раҳмон нома навишт. Нома ва аксҳои ин сайёҳро, ки дар шабакаи ҷаҳонии  Фейсбук ва сомонаи «Маркази Лев Гумилёв» ҷой дода шудааст,   бознашр мекунем.

«Салом, муҳтарам Президенти Ҷумҳурии Тоҷикистон Эмомалӣ Раҳмон!
Ба ман, муаллими таърих, ҷомеашиносӣ ва кишваршиносии  мактаби миёнаи № 16 - и ноҳияи Шелковскийи вилояти Москваи Федератсияи Русия моҳи августи соли 2018 муяссар гардид, ки бо мақсади тадқиқоти этнографӣ ба кишвари дилфиреби Шумо сафар намоям ва ҳоло мехоҳам ба Шумо барои меҳрубонӣ ва меҳмоннавозии мардуми одии тоҷик, меҳнаткашони Тоҷикистон самимона изҳори сипос намоям. Тайи даҳ соли охир банда бо мақсадҳои тадқиқотӣ ба минтақаҳои гуногуни сайёраамон — Чин, Ҳиндустон, Мексика, Осиёи Ҷанубу Шарқӣ, Африқо, Исроил, Фаластин, Эрон ва дигар кишварҳо сафар кардам. Ба ақидаи ман, Тоҷикистон, бешубҳа, кишвари аз ҳама дӯсту қарин   барои сайёҳон мебошад. Оид ба хайрхоҳӣ ва меҳрубоние, ки зоҳир карда шуд, мисолҳои зиёде овардан мумкин аст. Одамони ношинос дар Душанбе вақте фаҳмиданд, ки ман аз Русия омадаам, борҳо аз кору бор  ва хатсайрҳои худ раҳо шуда, маро гирд мегирифтанд ва нисбат ба Русия барои дӯстии  дерина  дар ҳолатҳои душвор ва мушкил изҳори сипос менамуданд; тоҷикон мудом кӯшиш менамуданд, ки маро бо таомҳои миллӣ меҳмондорӣ кунанд ва меҳрубонию омодагии кумак зоҳир менамуданд.
Муносибати аз ҳама барҷаста нисбат ба сайёҳон ин аст, ки мардуми Тоҷикистон, тоҷирон,  дар маҷмӯъ, ба  меҳмонон мол ва хизматрасониро  бо нархҳои дучанда ё сечанда гарон, ки ин дар бисёр кишварҳои дунё қабул шудааст, пешкаш намекунанд. Чунин муносибат нисбат ба меҳмонон эҳсоси бовар ба кишварро зуд ба бор овард ва  ман дар Тоҷикистон қисме аз роҳро бепул бо мошинҳои роҳгузар тай намуда, бори дигар аз меҳрубонии аҳолӣ ба ҳайрат афтодам. Ронандагон омода буданд, ки самти роҳи худро тағйир дода, маро ба нуқтаҳои дурдасти Тоҷикистон бубаранд, то ки тамоми зебоии кӯҳҳо ва кӯлҳои  баландро  нишон диҳанд. Ин бисёр гуворо буд.
Шубҳа надорам, ки ин ҳама аз доштани таърихи қадимаву бой ва пайравӣ ба анъанаҳоест, ки мардуми Тоҷикистон дар кишвари Шумо тавонистанд ҳифз кунанд. Русия  дар ин маврид  бояд аз Тоҷикистон биомӯзад.
Дар осорхонаҳо ва аз шаҳрвандони одӣ банда барои худ ба таври муфассал доир ба таърихи қадимаи тоисломии Тоҷикистон, давлатдории суғдиён ва даврони шӯравӣ маълумот гирифтам.
Бо мақсади таҳкими дӯстии халқҳо ман, аллакай, ба вазири  маорифи Федератсияи Русия О. Ю. Василева бо пешниҳоди омӯхтани имконияти афзоиши шумораи соатҳои дарсӣ дар барномаҳои таълимии макотиби Русия барои омӯзиши таърихи Тоҷикистон,  чун дигар ҳамсоякишварҳои тамаддуни АвруОсиё,  нома ирсол доштам.   Бо рӯҳбаландии беандоза ба рушди лоиҳаҳои гуманитарӣ миёни Русия ва Тоҷикистон, ки дар доираи онҳо муаллимон аз Русия дар Тоҷикистон рафта, фаъолият мекунанд, менигарам. Хушҳолам, ки фаъолияти  ташкилотҳо ва иттиҳодияҳои ҷамъиятии ғайритиҷоратӣ ба ҳамкории наздики давлатҳоямон  мусоидат мекунад.
Ташаккури зиёд ва самимона ба Шумо барои яке аз кишварҳои беҳтарини сайёра - Тоҷикистон!».


Баёни ақида (0)    Санаи нашр: 10.09.2018    №: 177-178    Мутолиа карданд: 285

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед