logo

иҷтимоиёт

КҲФ. ИҚТИДОРИ БЕШТАР КАСБ МЕКУНАД

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар шароити кӯҳсори мамлакат яке аз ниҳодҳои калидӣ дар амри пешгирии ҳолатҳои изтирорӣ ва бартараф намудани оқибати офатҳои табиат ба шумор рафта, бо дастгирии Ҳукумати ҷумҳурӣ сол ба сол иқтидори мудофиавии худро таҳким мебахшад. Раиси кумита генерал - лейтенант Рустам Назарзода андешаҳояшро дар ин бора дар суҳбат бо хабарнигори рӯзнома чунин баён намуд:
Таври маълум, бинобар тағйирёбии иқлим дар ҷумҳурии мо низ равандҳои геологию гидрологӣ, аз қабили хушксолӣ, боронгариҳои тӯлонию обхезиҳо, омадани селу ярч ва фаромадани тарма, инчунин, заминларза нисбатан бештар ба амал омада, ба аҳолӣ ва иқтисодиёти кишвар зарари ҷиддӣ ворид месозад. Чунончӣ, тӯли шаш моҳи соли 2018 дар кишвар 145 ҳолати фавқулода ба қайд гирифта шуда, аз ин шумора 18 ҳодиса ба хоҷагии халқ ба маблағи 28 миллиону 988 ҳазору 400 сомонӣ зарар расондааст. Дар натиҷа ба 1485 хона (1437 адад зарари сабук, 28 адад пурра ва 20 адад қисман), 78 адад мактаб ва муассисаҳои томактабӣ, 21 дармонгоҳ, 5 иншооти маданиву маишӣ, 11.346 км роҳи нақлиёт, 47.151 км хати интиқоли барқ, 1.588 км иншооти соҳилбандӣ, 69.75 км хати обёрӣ ва каналҳо, 74.5 км заҳбуру заҳкаш, 15.5 км селпартовҳо, 10 пойгоҳи обкашӣ ва иншооти гидротехникӣ, 26 иншооти гуногуни хоҷагии халқ, 1063 адад иншооти ёрирасон,  3836.99 гектар кишти зироатҳои хоҷагии қишлоқ зарар расидааст.
То имрӯз аз ҷониби кумита ҳаҷми зарари расида муайян гардида, ба Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода барои расондани ёрии яквақтаинаи моддӣ ирсол шудааст. Айни замон, дар ноҳияи Панҷ барои 28 оила ва дар ноҳияи Фархор барои 14 оилаи зарардида сохтмони хонаҳои истиқоматӣ идома дорад.
Лозим ба ёдоварист, ки тибқи таҳлилҳои мутахассисони кумита дар қаламрави кишвар қариб 400 минтақаи хавфнок вуҷуд дошта, бештар фаромадани тарма дар шаҳру ноҳияҳои ВМКБ ва шаҳру ноҳияҳои тобеи ҷумҳурӣ  ба назар мерасад. Фаромадани сел бошад, аз ҳама зиёд дар шаҳру ноҳияҳои вилоятҳои Суғду Хатлон ва шаҳру ноҳияҳои тобеи ҷумҳурӣ ба қайд гирифта мешавад.
Барои боз ҳам тақвият бахшидани фаъолияти кумита дар доираи дастуру супоришҳои Асосгузори сулҳу ваҳдати миллӣ -  Пешвои    миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди ҳамкорӣ бо созмонҳои байналмилалӣ дар самти паст намудани хавфи офатҳои табиат, таъминоти воситаҳои техникӣ ва таҷҳизоти зарурӣ як қатор санадҳои ҳамкорӣ ба имзо расидаанд. Аз ҷумла, бо дастгирии бевоситаи Ҳукумати ҷумҳурӣ Созишномаи байниҳукуматӣ бо Ҷумҳурии Ӯзбекистон дар самти пешгирӣ, эътино ва бартарафсозии ҳолатҳои фавқулода ба тасвиб расид, ки ҳамкориҳои дуҷонибаро дар самти пешгирии офатҳои табиат, ҳамчунин расондани ёрӣ ҳангоми бартарафсозии оқибатҳои онро дар бар мегирад.
Дар доираи лоиҳаи Созмони Милали Муттаҳид оид ба «Таҳкими иқтидор ба омодагӣ ва эътино», ки аз ҷониби Федератсияи Русия тавассути фонди Трастӣ маблағгузорӣ мегардад, аз ҷониби шарикони масъул - Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Вазорати ҳолатҳои фавқулодаи Федератсияи Русия корҳои назаррас анҷом ёфтанд. Вобаста ба татбиқи лоиҳа ҳаҷми маблағгузорӣ 1 650 000 доллари ИМА муайян гардидааст. Дар доираи маблағҳои мазкур 11 автомашинаи садамавӣ - наҷотдиҳии "Вепр", ки пурра таҷҳизонда шуда, барои вокуниши корҳои гуногуни наҷотдиҳӣ истифода мешаванд, техникаи вазнин ва махсус барои ҷузъу томҳои наҷотдиҳӣ, экскаватори борбардор харидорӣ гардиданд.
Инчунин, дар доираи лоиҳаи мазкур соли равон барои сохторҳои кумита теъдоди зиёди таҷҳизоти нави ҷустуҷӯӣ - наҷотдиҳӣ ва техникаи вазнин супурда шуд.
Айни замон, дар асоси Созишномаи ҳамкорӣ байни кумита ва фонди Шоҳ Салмони Арабистони Саудӣ сохтмони бинои 3 - ошёна дар Маркази ҷумҳуриявии таълимӣ - методии кумита оғоз гардида, айни замон, дар арафаи анҷомёбист.
Қайд кардан ба маврид аст, ки роҳбарияти кумита ба масъалаи баланд бардоштани малакаи касбии мутахассисон таваҷҷуҳи махсус зоҳир менамояд. Вобаста ба ин, бо дастгирии Ҳукумати Ҷумҳурии Тоҷикистон, инчунин, ташкилотҳои байналмилалӣ дар Тоҷикистон ва берун аз он семинару конфронсҳо, курсҳои таълимӣ оид ба бозомӯзӣ ва такмили ихтисос ташкил ва гузаронда мешаванд.
Ҳамкории мутақобила дар самти омӯзиш ва такмили ихтисос, байни кумита ва вазоратҳои корҳои дохилӣ ва мудофиаи Ҷумҳурии Тоҷикистон ба роҳ монда шудааст. Зиёда аз 70 нафар хизматчиёни ҳарбии кумита хатмкардаи Академияи Вазорати корҳои дохилӣ ва Донишкадаи ҳарбии Вазорати мудофиа буда, аз ин шумора 12 нафар дар мансабҳои роҳбарикунанда адои вазифа доранд.
Мусоҳиб Лашкар ШАРИФЗОДА,
“Ҷумҳурият”


Баёни ақида (0)    Санаи нашр: 13.09.2018    №: 180    Мутолиа карданд: 309

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед