logo

фарҳанг

ШОМИ ШАНБЕ

ЧАПЛИН: "ДАРСЕ, КИ АЗ ПАДАР ГИРИФТАМ"
Вақте ки наврас будам, як бегоҳӣ ҳамроҳи падарам ба театр рафтем. Дар навбат барои билет харидан пеш аз мо як хонаводаи серфарзанд - падару модар ва шаш кӯдаки аз 12 - сола пойин истода буданд. Онҳо дасти ҳамдигарро гирифта, пушти падару модарашон қарор доштанд ва байни ҳам бо ҳаяҷон дар бораи саҳнаҳое, ки бояд доир шаванд, гап  мезаданд. Ҳарчанд либосашон куҳна бошад ҳам, вале тозаю озода буд.
Вақте ки навбаташон расид, падари хонавода гуфт:
- Лутфан, ду билет барои калонсолон ва шаш билет барои кӯдакон диҳед.
Билетфурӯш баъди андаке сарашро боло карда гуфт:
- 20 доллар.
Ногаҳон чеҳраи  мард тағйир ёфт ва маъюсона ба ҳамсараш нигоҳ кард. Маълум буд, ки ӯ пули кофӣ надошт ва намедонист, ки чи кор кунад ва ба кӯдаконаш, ки дер боз мунтазири ворид шудан ба толор буданд, чи гӯяд.
Ин вақт падарам аз кисааш як 20 - доллараро берун оварда, онро ба замин партофт, сипас, хам шуда пулро гирифту ба китфи он мард даст расонда гуфт:
- Бубахшед ҷаноб, пулатон афтидааст. Мард, ки дарҳол лутфи падарамро дарк кард, ашк дар чашмонаш ҳалқа зад ва маънидорона ташаккур гуфт. Он лаҳза барои он ки назди фарзандонаш хиҷолат нашавад ва онҳоро ноумед накунад, кумаки падарамро қабул намуд.
Баъд аз он ки онҳо билет гирифтанд, ману падарам оҳиста аз саф ҷудо шудем ва ба хона баргаштем. Аз ҳамон вақт ман бо доштани чунин падар ифтихор мекардам. Он бегоҳ ман барои худ як дарси бузург гирифтам.
Таҳияи Ф. АЛИШЕР

СУД
ДАЪВОҲОИ ҒАЙРИОДИИ ИНСОНҲОИ ОДӢ
А+
Брайан Делекта дар маркази ҳуқуқие, ки як муддат мехонд, барномаи махсуси таълимиро аз худ карда, сазовори баҳои рейтингии А+ гардид. Аммо, дар мактабе, ки писарбача таҳсил мекунад, баҳои ӯ ба А табдил ёфт. Ҳарчанд дар барномаи таълимии Амрико А баҳои аз ҳама баланд ҳисобида мешавад, Брайан бо нишони эътироз барои ҳимояи ҳуқуқҳои худ (ба ӯ баргардондани А+) ва ҷорӣ кардани маҳз чунин баҳои рейтингӣ дар мактаб ба суд муроҷиат кард ва, аҷиб ин аст, ки  ғолиб омад.
Таҳияи Оҳистамоҳи ВАФОБЕК


Андарз
ЯК САТИЛ СЕБ
Як мард ҳавлие харид калону зебо ва боғе дошт сермева. Дар шафат бошад, дар ҳавлии фарсуда ҳамсояи ҳасуде мезист, ки шабу рӯз бо амалҳои зишт табъи ӯро хира кардан мехост: гоҳ ифлосӣ зери дараш мепартофт, гоҳи дигар бо ангишт деворашро сиёҳ мекард, ҷониби дарахтҳояш санг меандохт...
Субҳе мард бо табъи болида бедор шуда, рӯи ҳавлӣ баромад, ки аз накҳати гулҳои рангоранг муаттар буд. Ин вақт чашмаш ба сатили партов афтод, ки дар назди дарвоза меистод.
Мард сатилро холӣ ва то дурахшидан тоза кард. Баъд онро аз беҳтарин себҳои боғаш пур намуду хонаи ҳамсояаш рафт. Ҳамсоя тақ-тақи дарро шунида, бо заҳрханд аз дил гузаронд: «Оқибат ба ҷонаш расондам…». Ва бо умеди хархаша дарро кушод, ки ҳамсояи нав бо табассум сатили себро ба ӯ дароз карда гуфт: «Ҳар кас аз рӯи ҳимматаш!».
Тарҷумаи Хуршеди ҶОВИД


КӢ ЗӮРТАР?
Сангтароше зери нурҳои офтоби сӯзон бо машаққати зиёд аз кӯҳ пораҳои калони сангро канда, худ ба худ шикоят кард:
- Аз чунин зиндагӣ хаста шудам. То кай ҳаёти ман бо кӯҳканӣ мегузарад? Офтоби сӯзон мағзи сарамро об кард. Кош, ман ҳам дар осмон мисли офтоби дурахшон ба атроф нур мепошидам. Аз боло ҳама чиро назора карда, ҳокими тамоми мавҷудот мешудам.
Дуояш мустаҷоб шуд. Акнун ӯ дар само Офтоб буду аз чунин толеъ хушнуд. Вале хурсандиаш зиёд давом накард, зеро абрҳо қабат – қабат пеши нурҳояшро гирифтанд. Сангтарош ба хашм омад:
- Агар абрҳои муқаррарӣ пеши нури маро мегирифта бошанд, пас, онҳо аз Офтоб қавитаранд. Ман бояд абр шавам. Ин орзуяш низ  амалӣ  гашт. Инак, вай дунёро сайр карда, ба ҳама ҷо борон медод. Вале дар ин ҳангом аз куҷое шамол вазиду ӯро парешон кард. «Оҳ, ин шамоли беамон. Аз куҷо пайдо шуду маро парешон кард. Пас, маълум мешавад,  ки шамол пурқувваттар аст. Ман бояд шамол шавам», - гуфт ӯ. Орзуи сангтарош амалӣ мешаваду ӯ мисли шамол ба чор тараф мевазад. Ҳангоми сайру гашт шамол ба деворе бармехӯрад. Ба девор назар карда мебинад, ки он кӯҳи азиме аст. Ба азамати кӯҳ ҳасад бурда, орзу мекунад, ки кӯҳ бошад. Ин орзуяш низ амалӣ мешавад.
Инак, ӯ мисли кӯҳи азимҷусса ва қавӣ дар олам қомат афрохта, бо бузургиаш фахр мекард. Дар назари ӯ тамоми мавҷудот заиф буданд. Вале ҳис мекунад, ки чизе ӯро аз дарун нороҳат карда истодааст. Аз ҷисми азимаш пораҳои сангинро меканданд. Қӯҳ дарк кард, ки кадом як махлуқи қавитаре ӯро заиф мекунад. Назар карда мебинад, ки он як сангтарош аст.
Таҳияи Лашкар ШАРИФ


СУРУДХОНӢ КОР НЕСТ?
Боре Фёдор Шаляпин, яке аз машҳуртарин сарояндагони операи Русия,  баъди намоиш аз Театри калон ба кӯча баромада, ба  фойтун менишинад. Фойтунчӣ баробари ба роҳ баромадан, аз ӯ мепурсад:
- Шумо чикораед?
- Суруд мехонам,- мегӯяд Шаляпин.
- Мебахшед, ман дигар чизро дар назар дорам, ҷаноб. Сурудро ҳама мехонанд, ман ҳам ғамамро бо ашӯлахонӣ мебарорам. Ман мепурсам, ки шумо чӣ кор мекунед. Сурудхонӣ кор нест-ку, охир?
Аз русӣ тарҷумаи М. ОДИНАЕВА

 

ИНТЕЛЕКТ
1 СОЛ БО «ИНТЕЛЛЕКТ»
Як сол мешавад, ки рубрикаи «ИНТЕЛЛЕКТ» саҳифаи фарҳангӣ – фароғатии «Шоми шанбе» - ро оро медиҳад. Кроссворди навбатиро ба ин муносибат тартиб додем, ки бо ному насабҳои ғолибони ин рубрика пур карда мешавад. Ному насаби ғолибонро аз саҳифаҳои рӯзнома ёфта метавонед. Чӣ тавре ки мегӯянд: «Ҷӯянда ёбанда аст!».
Масъули рубрика Зулола БОБОРАҶАБОВА  (238-53-40, 93-547-00-05, Вайбер, Bzm_701@mail.ru
(Аз соати 800 то 1700)


ИНТИХОБ КУНЕД:
Ё ЧЕМПИОН МЕШАВЕД Ё ХИЗМАТИ ҲАРБӢ МЕРАВЕД

Ҳукуматдорони Кореяи Ҷанубӣ ба футболбозонашон ваъда доданд, ки ба ивази чемпион шудан дар 18 - умин Бозиҳои осиёӣ дар шаҳрҳои Ҷакарта ва Палембанги Индонезия аз хизмати ҳарбӣ озод мешаванд. Футолбозон аз ин пешниҳод рӯҳу илҳоми тоза гирифта, то ба финали мусобиқа  баромаданд. Онҳо дар финал бо мунтахаби Ҷопон бозӣ карданд. 90 дақиқаи вақти асосӣ бидуни гол анҷом ёфт. Баъд аз оғози қисмҳои иловагӣ онҳо дар дақиқаи 93 – юм ҳисобро кушоданд. Дар дақиқаи 101-ум бошад, як голи дигар заданд. Ҷопониҳо танҳо бо як гол ҷавоб гардонда тавонистанд. Ҳамин тавр, бозигарони Кореяи Ҷанубӣ бо ҳисоби 2:1 ғалаба карда, худашонро аз хизмати ҳарбӣ озод намуданд. Миёни онҳо футболбози бошгоҳи «Тоттенхэм»-и Англия Сон Хён Мин ҳам буд.
Таҳияи Маҳмуд БАҲРОМ


1000 ФАКТИ ҲАЙРАТАНГЕЗ
САЁҲАТИ КАЙҲОНӢ БЕ КАФОЛАТ
Ширкати «Люкс орбис» - и Мюнхен ҳисоб карда баромад, ки ба сафари кайҳон баромадан барои як сайёҳ тақрибан 250 000 марка лозим аст. Раёсати парвозҳои кайҳонии Русия, ки бо он соҳибмулки «Люкс орбис» Сантяго де Кристос алоқа барқарор кард, омода аст имкониятҳои то ҳол махфии худро барои дӯстдорони саёҳати кайҳонӣ пешниҳод созад, аммо барои амалӣ намудани чунин лоиҳаҳои гаронбаҳо дарёфти маблағгузорон хеле душвор будааст. Ба ин нигоҳ накарда, хоҳишмандони саёҳати кайҳонӣ метавонанд дар ширкати «Люкс орбис универс супрем» номнавис шаванд. Маблағи пардохти сафар 590 марка буда, баргардонда намешавад. Аллакай садҳо нафар маблағ пардохта, дар навбат истодаанд, аммо оғози сафар маълум нест.
Қурбон МАДАЛИЕВ, тарҷума аз русӣ


ҶАНГАЛИ ШИЛИН
 200 МИЛЛИОН СОЛ ПЕШ ПАЙДО ШУДААСТ
Ҷангали сангии Шилини музофоти Юннан ҳазорҳо сахраи гуногуншакл дорад, ки шабеҳи паранда, даранда, манора, дарахт, мавҷудоти афсонавӣ ва одаманд. Гумон мекунӣ, ки ин ҳайкалҳои ғароиб рост аз замин рӯида бошанд. Масоҳати  ҷангали ғайриодӣ ниҳоят калон – беш аз 350 километр аст. Шилин қадимтарин муъҷизаи табиат мебошад, ки таърихи беш аз 200 миллионсола дорад.
Қаблан дар ҷои он баҳр буд. Тадриҷан оҳаксанг ба қаъри он фурӯ рафта, қабатҳои бисёрметра ба вуҷуд овард. Заминҷунбиҳо дар навбати худ ин маҳалро дигаргун сохтанду бузургиҳои азим аз оҳаксанд пайдо шуданд. Шамолу борон тӯли садсолаҳо аз ин харсангҳои бешакл ва сахраҳои нӯгтез суробҳои ғароиб офариданд, ки имрӯз барои тамошои ин эъҷози шигифтангези табиат ҳазорҳо сайёҳон аз тамоми ҷаҳон меоянд.
Аз ин рӯ, тасодуф нест, ки ҷангали Шилини Чин аз нодиракориҳои мероси ҷаҳонии ЮНЕСКО маҳсуб меёбад.

Таҳияи Сафаргул АЛИМОВА

 

5 ОДАМЕ, КИ БОРҲО АЗ МАРГ НАҶОТ ЁФТААНД
1. Фране Селак
Фране Селаки хорватӣ, омӯзгори фанни мусиқӣ, дар зиндагӣ  се маротиба дучори ҳодисаҳои нохуш шуда, ҳар бор аз чанголи марг раҳо меёфт.  Бори аввал бо қатора ба Дубровник мерафт. Қатора ба садама рӯ ба рӯ шуд ва ба дарёи яхбаста афтод.  Аз байни тамоми мусофирон  Фране зинда монд. 
Дафъаи дувум, вақте ӯ аз Загреб ба Риек бо  тайёра парвоз мекард, баногоҳ дари тайёра кушода шуда, мусофирон  ба поён сарозер шуданд. Аммо бо ҳукми тақдир,  ин марди толеъбаланд ба болои  ғарами коҳ афтида, ҷароҳати на чандон  вазнин бардошт ва зинда монд. 
Бори сеюм, вақте мошини сабукраваш оташ гирифт, ӯ моҳирона худро ба берун партофта, наҷот ёфт.
Боз ҳам аҷибаш, Фране  дар синни 81 - солагӣ дар бозии лотерея 600 000 фунт  маблағ ба даст оварда, вирди забонҳо шуд.
Таҳияи Иронбӣ МӮСОЗОДА

 

ЧАНД ФАКТИ ҶОЛИБ ДАР БОРАИ  ФУТБОЛ

20 марти соли 1976 футболбози дастаи «Астон Вилла» Крис Николл дар бозӣ муқобили дастаи «Лестер Сити» ду гол ба дарвозаи ҳариф ва дуголи дигар бар дарвозаи худ зада ба номаш чор гол сабт кард. Бозӣ бошад, бо ҳисоби 2:2 анҷом ёфт.
* * *
Зудтарин худгол (автогол) дар миёнаҳои солҳои 60-уми асри XX аз ҷониби ҳимоятгари дастаи итолиёвии «Бершиа» Масси дар сонияи 38-ум муқобили тими «Мантова» зада шудааст.

Таҳияи Маҳмуд ҶӮРАЕВ


ГАРОНТАРИН ВА АРЗОНТАРИН
Сингапур соли сеюм аст, ки пайиҳам дар рӯйхати қиматтарин шаҳрҳои ҷаҳон садрнишин аст.
Сюрих (Швейтсария) ва Ҳонконг ҷойҳои дувуму сеюмро мегиранд. Ҷойҳои минбаъдаро дар ин рӯйхат Женева, Париж, Лондон, Ню-Йорк, Копенгаген, Сеул ва Лос-Анҷелес ишғол кардаанд.
Мутахассисон ҳангоми тартиб додани рӯйхат арзиши 160 номгӯи маҳсулоту хизматрасониҳо, аз қабили хӯрокворӣ, либос, ашёи рӯзгор, косметика, иҷораи манзил, хароҷоти нақлиёт, маблағи таҳсил ва ғайраро ба инобат гирифтаанд. Тибқи рейтинги мазкур, хароҷоти нақлиёт барои сокинони Сингапур нисбат ба сокинони Ню-Йорк 2,5 маротиба қиматтар будааст.
Арзонтарин шаҳр барои зиндагӣ пойтахти Замбия - шаҳри Лусака дониста шуд. Воқеан, Лусака бародаршаҳри Душанбе аст. Шаҳрҳои Бангалору Мумбай (Ҳиндустон), Алмаато, Алҷазоир, Ченнай, Деҳлӣ, Димишқ ва Каракас шаҳрҳои арзонтарин маҳсуб меёбанд.

Таҳияи Р. КАРИМОВ


10 КИШВАРИ  СЕРТАМОШОБИНИ  ДУНЁ
3. АМРИКО
Иёлоти  Муттаҳидаи  Амрико дар рӯйхати кишварҳои тамошобоби олам ҷойи сеюмро ишғол намояд ҳам, аз ҷиҳати воридоти маблағ аз ҳисоби сайёҳӣ пешсаф аст. Ҳамасола аз ин кишвари мутараққии олам ҳазорон сайёҳ дидан мекунад ва маблағи воридшуда  зиёда аз 200 миллиард долларро ташкил медиҳад. Амрико дорои табиати афсункор, иқлими мусоид ва маданияти бою рангин буда, диққати дӯстдорони сайру саёҳатро кайҳо ба худ ҷалб намудааст. Хусусан, соҳилҳои ҷазираҳои Гавая ва бешазору ҷойҳои касногузари Аляска, инчунин, марказҳои дилхушии шаҳри Лас – Вегас, ки чун «шаҳри шаб» машҳур гардидааст, барои ҷалб ва истироҳати сайёҳон аз тамоми гӯшаю канори олам заминаи мусоид фароҳам меорад. 
Таҳияи Гулнисои САЪДОНШО 


ҲУҚУҚДОН
Корманде ба ҳуҷраи кории раис даромада мегӯяд:
- Раис, шумо аз шартномаи бастаамон 200 сомонӣ камтар ба ман музд додед, ин чӣ маъно дорад?
Раис дар посух мегӯяд:
- Медонам, аммо моҳи гузашта 200 сомонӣ бештар пардохт кардам ва ҳеҷ шикояте накардӣ.
Корманд бо ҳозирҷавобӣ мегӯяд:
- Бале, лекин ман иштибоҳро як бор мебахшам, агар он такрор ёбад, маҷбурам аз ҳуқуқи худ дифоъ кунам.


10 ВАРЗИШГОҲИ  АЗИМИ  ОЛАМ
1. «ВАРЗИШГОҲИ ЯКУМИ МАЙ»
Шояд бовар накунед, аммо азимтарин варзишгоҳи ҷаҳон дар пойтахти Ҷумҳурии Халқии Демократии Корея – Пхенян ҷойгир аст. Ғунҷоиши ин нодиракории меъморӣ ақлнопазир аст - 150 000 ҷойи нишаст. Масоҳаташ 207 ҳазор метри мураббаъ, баландияш 60 метр мебошад. Онро барои гузарондани Фестивали ХIII ҷавонону донишҷӯён дар муҳлати рекордии дую ним сол сохта, 1 майи соли 1989 ба истифода доданд. Имрӯз дар он тими мунтахаби миллӣ оид ба футбол бозиҳои худро мегузаронад.
Таҳияи Маҳмуд ҶӮРАЕВ


800 ДОЛЛАР АРЗИШИ 1 ГУЛ
Дар шаҳри Кинабал гулеро парвариш карданд, ки арзиши гарон дорад. Соли 2011 ин гулро рустанишиносон «Королева ночи» («Шаҳбонуи шаб») номгузорӣ карда, ҳамон сол ба яке аз сокинони ҳамин шаҳр ба маблағи 800 доллари амрикоӣ фурӯхтанд. Соли 2013 ин гули гаронарзиши ҷаҳонро ба «Китоби рекордҳои Гиннес» дохил карданд. Ҳамон сол дар озмуни «Chelsea Flover Shov» гул ҷойи аввалро мегирад. Ранги  он асосан сабз ва сурхи баланд аст.
Таҳияи Кароматулло АТО


Баёни ақида (0)    Санаи нашр: 14.09.2018    №: 181    Мутолиа карданд: 141

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед