logo

иқтисод

«ТОҶИКСТАНДАРТ». ҲАМКОРИҲОИ БАЙНАЛМИЛАЛӢ БА РУШДИ СОДИРОТ МУСОИДАТ МЕКУНАНД

Дар  доираи  сафари  давлатии Асосгузори сулҳу ваҳдати  миллӣ - Пешвои  миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Ӯзбекистон, ки  17 - 18 августи соли равон ҷараён гирифт,  26 санади нави ҳамкорӣ, аз ҷумла Созишнома оид ба ҳамкорӣ байни Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон («Тоҷикстандарт») ва Агентии стандартизатсия, метрология, сертификатсияи Ҷумҳурии Ӯзбекистон («Узстандарт») ба имзо расид. Бо дархости хабарнигори рӯзнома директори Агентии «Тоҷикстандарт» Қудрат Давлатзода доир ба ин санад, инчунин, аҳамият, вазъ ва дурнамои ҳамкориҳои байналмилалӣ дар ин бахш чунин ибрози назар кард:

- Созишномаи мазкур барои бартараф намудани монеаҳои техникӣ дар муносибатҳои иқтисодӣ ва тиҷоратӣ, ҳимояи ҳуқуқҳои истеъмолкунандагон ва таъмини амнияти озуқаворӣ мусоидат хоҳад кард. Дар доираи созишнома «Тоҷикстандарт» барои таҳияи стандартҳои байналмилалӣ бо мақсади тақвияти рушди содироти маҳсулоти кишоварзӣ, аз ҷумла меваи хушк ва сабзавот, ба кишварҳои Аврупо имкони бештар пайдо менамояд. Ҷуғрофияи ҳамкориҳо бо ҷумҳуриҳои ҳамсоя васеъ шуда, содирот низ бештар ба роҳ монда мешавад. Алҳол содироти зардолуи хушк ба кишварҳои Аврупо ба роҳ монда шудааст. Дар назар аст, ки рӯзҳои наздик иҷозати содироти олуи сиёҳ ва маҳсулоти хушки онро низ гирем.
 Агентии  «Тоҷикстандарт» ҳамчун мақоми миллии соҳаи стандартонии кишвар дар созмонҳои  байналмилалии соҳаи стандартикунонӣ Тоҷикистонро муаррифӣ менамояд. Ҳоло «Тоҷикстандарт» бо мақомоти стандартизатсияи Русия, Беларус, Озарбойҷон, Туркманистон ва Ӯзбекистон созишномаҳои ҳамкорӣ ба имзо расонда, инчунин, бо институтҳои  стандартизатсияи Туркия ва Олмон ҳамкории судмандро ба роҳ мондааст.
Дар доираи ҳамин ҳамкориҳо 25 - 27 июни соли равон дар шаҳри Женеваи Швейтсария оид ба таҳияи стандартҳои маҳсулоти меваи хушк ва мавзӯи «Чормағз ва меваҳои хушк» ҷаласаи махсуси Комиссияи иқтисодии аврупоии Созмони Милали Муттаҳид (КАИ СММ)  доир гардид. Дар ҷаласаи гурӯҳи корӣ оид ба стандартҳои сифати КАИ СММ дар баробари намояндагони кишварҳои Иттиҳоди Аврупо, Туркия, Ҷумҳурии Мардумии Чин, намояндагони мақомоти дахлдори ҷумҳуриҳои Тоҷикистон, Қирғизистон, Ӯзбекистон ва ташкилотҳои байналмилалии соҳавӣ, ширкат доштанд. Масъалаҳои асосии рӯзномаи ҷаласаи гурӯҳи корӣ асосан таҳия ва пешниҳоди стандартҳои байналмилалии «Олуи сиёҳ», «Харбуза» (хушк), «Писта», «Чормағз», «Кокос» ва «Бодом» буд.
Дар доираи ҳамкориҳои “Тоҷикстандарт” бо Комиссияи аврупоии иқтисодии Созмони Милали Муттаҳид (UNECE) аз ҷониби коршиносони агентӣ ду лоиҳаи стандарти UNECE оид ба меваҳои тару тоза (хурмо ва биҳӣ) таҳия ва пас аз баррасӣ дар ҷаласаҳои гурӯҳи корӣ ва дастгирии давлатҳои аъзо қабул гардид.
Ҳамзамон, дар самти дастгирии соҳибкорӣ бо дархости ҶДММ “Баракат Исфара” аз тарафи Агентии “Тоҷикстандарт” стандартҳои КАИ СММ “Себи хушк” ва “Олуи хушк” ҳамчун стандарти миллӣ қабул карда шуданд. Ин ба корхона ва дигар содироткунандагони себу олуи хушк имконият медиҳад, ки маҳсулоти худро бе монеа ба бозорҳои Аврупо ворид намоянд.
Дар доираи амалӣ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон 27 - 29 июн гурӯҳи кории “Тоҷикстандарт” дар таҳия ва муаррифии стандартҳои меваи хушк ва зардолуи хушк дар сесияи КАИ СММ дар шаҳри Женева ва 12 - 14 июл дар шаҳри Тошкент иштирок карданд ва боиси хушнудист, ки пешниҳоди Тоҷикистон аз ҷониби ин созмони бонуфузи байналмилалӣ қабул гардид. Мавод барои пешниҳод бо иловаҳо ба стандарти “Зардолуи бедонак” дар Тоҷикистон таҳия гашта, аҳамияти байналмилалӣ дорад ва ҳамаи корҳои таҳлилӣ ва ташхисии водии Фарғонаро дар бар мегирад, аз ин рӯ, онро намояндагони Ӯзбекистон ва Қирғизистон низ дастгирӣ намуданд.
Ҳамкориҳои байналмилалии «Тоҷикстандарт»  имкон фароҳам меоранд, ки маҳсулоти кишоварзии ватанӣ бе монеа ба мамлакатҳои наздику дур содирот шавад. Таҷрибаи байналмилалии андухтаи «Тоҷикстандарт» ба рушди соҳаҳои стандартизатсия ва баҳодиҳии мутобиқати сифат дар кишвар, ҳамчунин, иҷрои уҳдадориҳои Ҷумҳурии Тоҷикистон дар назди Созмони умумиҷаҳонии савдо мусоидат мекунад.
Шаҳбоз АБРОР,
«Ҷумҳурият»


Баёни ақида (0)    Санаи нашр: 17.09.2018    №: 182-183    Мутолиа карданд: 442
01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД

ҶАҲОН ДАР ЯК САТР

25.06.2020


COVID – 19. ДАР ТОҶИКИСТОН 4194 СИРОЯТЁФТА СИҲАТ ШУД

24.06.2020


ХУШХАБАР. ДАР ТОҶИКИСТОН 73,8 ДАРСАДИ МУБТАЛОЁНИ КОРОНАВИРУС ШИФО ЁФТАНД

АРАБИСТОНИ САУДӢ ҲАҶРО БАРОИ ЗОИРИНИ ХОРИҶӢ МАНЪ КАРД

ҶАҲОН ДАР ЯК САТР

23.06.2020


ТОҶИКИСТОН. БОЗ 44 СИРОЯТШУДА СИҲАТ ШУД

АШТ. ОҒОЗИ МУМФАРШКУНИИ РОҲИ ШАЙДОН - ПОНҒОЗ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

ТАБИБОН НИШОНАҲОИ АСОСИИ КОРОНАВИРУСРО ДАР КӮДАКОН МУАЙЯН НАМУДАНД

ЛИГАИ НАВРАСОН ФАРДО БО ИШТИРОКИ 9 ТИМ ОҒОЗ МЕШАВАД

ИҚТИСОДИ ҶАҲОНӢ АЗ ПАНДЕМИЯ КАМАШ $126 МИЛЛИАРДРО ТАЛАФ ДОД

ҶАҲОН ДАР ЯК САТР

22.06.2020


ХУШХАБАР. 72,4 ДАРСАДИ СИРОЯТШУДАГОНИ COVID – 19 ДАР ТОҶИКИСТОН ШИФО ЁФТАНД

ҚУБОДИЁН. БОЗДИДИ ҚУРБОН ҲАКИМЗОДА АЗ КОРХОНАИ ИСТЕҲСОЛИ ЯХМОС

ЧЕМПИОНАТИ ТОҶИКИСТОН – 2020. АВВАЛИН БОХТҲОИ "ФАЙЗКАНД" ВА "ХАТЛОН"

СУТ: «МО ШОҲИДИ ҚАҲРАМОНӢ ВА ФИДОКОРИИ ПИЗИШКОНИ ТОҶИК БУДЕМ»

ҶАҲОН ДАР ЯК САТР

ТОҶИКИСТОН. 71,2 ДАРСАДИ ГИРИФТОРОНИ КОРОНАВИРУС СИҲАТ ШУДАНД

НУРОБОД. МАЙДОНИ КИШТИ КАРТОШКА ТАВСЕА МЕЁБАД

ЧЕМПИОНАТИ ОСИЁ – 2020. ДАСТАҲОИ МИЛЛИИ ТОҶИКИСТОН (U-16) ВА (U-19) БА КАДОМ ГУРӮҲ ШОМИЛ ШУДАНД?

18.06.2020


ХАТЛОН. ҶАЛАСАИ СИТОДИ ВИЛОЯТӢ ОИД БА ПУРЗӮР КАРДАНИ ТАДБИРҲОИ ЗИДДИЭПИДЕМИЯВӢ


Дар сомонаҳои дигари Тоҷикистон хонед