logo

иқтисод

РОҲ НИШОНИ ОБОДИЮ ШУКУФОӢ

Бунёду азнавсозии роҳҳои нақлиётӣ ва, дар маҷмӯъ, аз бунбасти коммуникатсионӣ раҳо бахшидани кишвар аз самтҳои муҳими стратегӣ маҳсуб меёбад. Ба ҳамин хотир, ҳанӯз соли 2000 – ум Стратегияи махсуси рушди комплексии нақлиёт то соли 2025 қабул гардида буд, ки имрӯз самари чашмрас ба бор меорад.

Маҳз дар ҳамин давра дар асоси 14 созишномаи дуҷониба ва 12 созишномаи бисёрҷониба бо 33 кишвари дуру наздик алоқаи автомобилӣ (бору мусофиркашонӣ) ба роҳ монда шуд. Ҳамзамон, ҷиҳати рушди равобити байналмилалии Ҷумҳурии Тоҷикистон дар самти нақлиёти автомобилӣ 9 конвенсияву созишномаҳои байналмилалӣ ба имзо расиданд, ки ба ҳамлу нақли байналмилалӣ мусоидат намуданд. Ҳоло дар ҷумҳурӣ 27 ширкати нақлиёти автомобилӣ барои ҳамлу нақли бор дар миқёси байналмилалӣ фаъолият доранд.
Тавре Суҳроб Мирзоев, муовини якуми вазири нақлиёти кишвар, зимни суҳбат бо хабарнигори рӯзнома гуфт, ҳамкориҳои Ҳукумати Ҷумҳурии Тоҷикистон дар бахши инфрасохтори нақлиётӣ бо давлатҳои донор ва созмонҳои байналмилалии маблағгузор (шарикони рушд), аз ҷумла Бонки осиёии рушд, Бонки исломии рушд, Бонки аврупоии таҷдид ва рушд, Фонди кувайтии рушди иқтисод, Фонди ОПЕК, Фонди Абу Дабӣ, Фонди рушди Саудӣ, Бонки ҷаҳонӣ, хуб ба роҳ монда шудаанд ва натиҷаҳои самарабахш медиҳанд.
Дар комплекси нақлиётии ҷумҳурӣ 44 лоиҳаи давлатии сармоягузорӣ бо маблағи беш аз 12 миллиард сомонӣ татбиқ гардид ва зиёда аз 2 ҳазор километр роҳи мошингард, 31 километр нақб, 200 пул ва 173,2 километр роҳи оҳан бунёду навсозӣ шуданд. Ба гуфтаи С. Мирзоев, роҳҳои автомобилгарди дар сатҳи байналмилалӣ бунёд ва навсозишудаи Душанбе – Данғара – Кӯлоб -  Қалъаихумб – Хоруғ - Мурғоб - Кулма,   Душанбе - Қӯрғонтеппа - Данғара - Кӯлоб, Ҷиликӯл - Панҷи Поён, Душанбе – Рашт - сарҳади Қирғизистон, Душанбе – Хуҷанд - Чанак - сарҳади Ӯзбекистон, Қӯрғонтеппа – Ҷиликӯл, Душанбе - Данғара, Душанбе - Турсунзода - сарҳади Ӯзбекистон, Айнӣ - Панҷакент - сарҳади Ӯзбекистон, Рашт – Навобод, ҳамчунин, даҳҳо пул, аз ҷумла пулҳои байналмилалии байни Тоҷикистону Афғонистон дар ноҳияҳои Ишкошим, Дарвоз, Ванҷ, Шамсиддин Шоҳин, Ҷайҳун, шаҳри Хоруғ, нақбҳои «Истиқлол», «Озодӣ», «Дӯстӣ», «Шаҳристон», «Хатлон», имкон доданд, ки ҳадафи стратегии давлату Ҳукумати Тоҷикистон иҷро гардида, мамлакат аз бунбасти коммуникатсионӣ барояд.
Соли 2017 лоиҳаҳои сохтмони роҳи автомобилгарди Кӯлоб – Қалъаихумб (қитъаи Шамсиддин Шоҳин – Шоҳон), роҳҳои автомобилгарди Восеъ - Ховалинг ва Сайрон - Қарамиқ ба истифода дода шуданд. Ҳамзамон, ҳамин сол бунёду азнавсозии қитъаҳои Кӯлоб - Шамсиддин Шоҳин ба маблағи 51,1 миллион доллари ИМА бо дарозии 32 километр ва Шкев - Қалъаихумби роҳи автомобилгарди Кӯлоб - Қалъаихумб ба маблағи 46,6 миллион доллари ИМА бо дарозии 26 километр оғоз ёфт.
Дар доираи татбиқи лоиҳаҳои сармоягузорӣ дар роҳҳои автомобилгарди Хуҷанд - Исфара, Душанбе – Турсунзода корҳои сохтмонӣ идома доранд. Қитъаи чорроҳаи маҳаллаи 82 дар арафаи рӯзи Истиқлолияти давлатӣ аз ҷониби Сарвари давлат ба истифода дода шуд. Корҳои созандагӣ дар масири Душанбе - Қӯрғонтеппа, Душанбе – Турсунзода, Балҷувон – Сари Хосор ва Кангурт - Балҷувон - Ховалинг идома доранд. Маблағгузории нигоҳдории роҳҳо аз ҳисоби буҷети давлатӣ соли 2018 ба 60 миллиону 846 ҳазор сомонӣ расид. Ин нишондиҳанда соли 2010 34 миллион сомониро ташкил медод.
 Дар арафаи Ҷашни 25 - солагии Истиқлолияти давлатии Ҷумҳурии Тоҷикистон роҳи оҳани Душанбе - Бохтар – Кӯлоб (қисмати Ваҳдат – Ёвон) ба истифода дода шуд ва шабакаи ягонаи роҳҳои оҳани  кишвар ташаккул ёфт, - гуфт дар хотимаи суҳбат С. Мирзоев.
Шаҳбоз АБРОР, «Ҷумҳурият»


Баёни ақида (0)    Санаи нашр: 19.09.2018    №: 185    Мутолиа карданд: 289

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед