logo

маориф

Донишкадаи давлатии тарбияи ҷисмонии ба номи Сайидмӯъмин Раҳимов узви ассотсиатсияи байналмилалӣ гардид

Чанде пеш бо даъвати Академияи варзиш ва сайёҳии Ҷумҳурии Қазоқистон дар шаҳри Алмаато Кунгураи 13-уми байналмилалии олимон, ректорони донишгоҳҳо ва донишкадаҳо, раисони кумитаҳои миллии олимпӣ ва дигар кормандони воломақоми федератсияҳои байналмилалӣ таҳти унвони «Варзиши муосири олимпӣ ва варзиш барои ҳама» баргузор гардид. Дар ин кунгура кишвари моро Шодӣ Сафаров, ректори Донишкадаи давлатии  тарбияи ҷисмонии Тоҷикистон ба номи Сайидмӯъмин Раҳимов намояндагӣ кард. Мухбирамон  Абдулқодири Раҳим бо ӯ дар ин хусус ҳамсӯҳбат шуд.

-Фикр мекунам, ки бори аввал намояндаи кишвари мо дар чунин як кунгура ширкат варзид. Албатта, аз рӯи номи чорабинӣ дарёфтан мушкил нест, ки ҳадаф аз ин ҳамоиш чӣ буд, аммо шарҳу тафсилоти Шумо мақсудро рӯшантар месозад.
-Воқеан, бори нахуст намояндаи кишвари мо дар чунин як чорабинии муҳими сиёсию варзишии байналмилалӣ иштирок дошт. 7 октябри соли равон донишкадаи мо ба узвияти Ассотсиатсияи байналмилалии донишгоҳҳо ва донишкадаҳои тарбияи ҷисмонӣ ва варзиши ҷаҳон якдилона пазируфта шуд. Ба ин ассотсиатсия олимони маъруфу шинохтаи соҳаи тарзи ҳаёти солими 53 кишвари дунё низ шомиланд. Аввалин кунгураи ассотсиатсия соли 1993 баргузор шуда буд. Ва мувофиқи низомнома ҳуқуқи иштирок дар кунгура пас аз шомил гардидан ба ассотсиатсия ба вуҷуд меояд.
-Ва чаро то ин муддат донишкада узви ассотсиатсия нашуд?  Умуман, узвият ба пешрафти таълиму тарбия ва сайқал додани маҳорат мусоидат карда метавонад?
-Албатта. Ва ба ин хотир зарур шумурдем, ки узви  ассотсиатсияи бонуфузи дунёӣ бошем.
Дуруст аст, ки аз оғоз, яъне аз соли 1993 мо бояд ба ин ассотсиатсия дохил мешудем. Хоҳиш буд, аммо имконият набуд. Биёед, вазъи иқтисодӣ ва сиёсии кишвар ва донишкадаи моро дар он сол ба хотир биёрем. Магар шомили чунин ҳамоишҳои бузурги илмию сиёсии ҷаҳонӣ гардидан ба осонӣ даст медод? Не. Ба ҷуз ин раванди таълиму тарбия ҷавобгӯи талаботи байналмилалӣ набуд, агарчи донишкада бо дастпарварону паҳлавонони номӣ шӯҳрати хоса дошт. Ҷанги шаҳрвандӣ ба соҳаи тарбияи ҷисмонӣ ва варзиш таъсири манфии худро расонид. Инчунин мақомоти идораи давлатӣ дар ин соҳа давоми солҳои охир панҷ маротиба дигар шуд. Миқдори чорабиниҳои варзишӣ кам гардид.
Хушбахтона, аз баракати истиқлоли давлатӣ, истиқрори сулҳу ваҳдат, боло рафтани иқтисоди кишвар соҳа рушду равнақи тоза ёфт. Маблағгузорӣ ба он беҳтар шуд. Баргузории чорабиниҳои байналмилалӣ кишвари моро беҳтару бештар дар ақсои олам муаррифӣ намуд. «Рӯзи дави олимпӣ» ва «Рӯзи дави миллӣ» дар мамлакат  ба ҳукми анъана даромад. Спартакиадаҳои бонувон, бозиҳои байналмилалии самбочиён, бозиҳои 5-уми кишварҳои Осиёи Марказӣ, мусобиқаҳои варзишии ҷавонону наврасон ва дигар чорабиниҳо бори дигар собит кард, ки ба варзиш дар кишвари офтобрӯя таваҷҷӯҳи хоса дода мешавад.
Боиси зикр аст, ки дар ҳамин моҳе, ки мо узви ассотсиатсия гардидем, дар шаҳри Уралски Ҷумҳурии Қазоқистон дар Ҷоми Ҷаҳон оид ба самбо донишҷӯёни мо Бобури Насимҷон ва  Ризвониддин Бурҳонов ҷойи сеюми мусобиқаро соҳиб гардиданд. Донишҷӯён Анвар Юнусов дар мусобиқаи ҷаҳон оид ба бокс дар Италия, Мурод Тӯйчиев дар мусобиқаи ҷаҳон оид ба гӯштини юнонӣ-румӣ дар Дания, Асомуддин Сангов дар чемпионати Осиё оид ба вазнбардорӣ дар шаҳри Тошканд, Умед Бобокалонов дар мусобиқаи Ҷоми Осиё дар Непал бомуваффақият иштирок намуданд.
Муҳассили дигари донишкада, устоди варзиши дараҷаи байналмилалӣ Акмалиддин Қурбонов дар мусобиқаи ҷаҳонӣ оид ба самбо, ки дар Булғория баргузор шуд, соҳиби ҷоизаи тилло ва унвони ғолиби мусобиқаи ҷаҳонӣ гардид. Донишҷӯ Айниддин Қурбонов бошад, дар ин мусобиқа танҳо дар бозии ниҳоӣ шикаст хӯрд. Яъне ӯ ба ҷойи дуюми мусобиқа баромад.
-Дар  кунгура кадом масоил баррасӣ гардиданд?
-Кумитаҳои олимпӣ, варзиши наврасону ҷавонон, мушкилоти пешбурди варзишии бонувон, ҳамкориҳо байни кумитаҳои ҷавонон, варзиши макотиби олӣ аз масъалаҳое буданд, ки дар ҳамоиш таҳлилу баррасӣ шуданд. Пешниҳод гардид, ки дар шумораҳои наздиктарини моҳномаи варзишии ассотсиатсия мақолаҳои илмии устодони соҳаи донишкадаи мо ба табъ расад. Дар ҷараёни кунгура шартномаҳои ҳамкорӣ байни Донишгоҳи миллии тарбияи ҷисмонӣ ва варзиш ва Кумитаи олимпии Ҷумҳурии Украина ба имзо расид. Чунин шартномаи ҳамкорӣ бо донишгоҳҳову донишкадаҳои тарбияи ҷисмонӣ ва кумитаҳои олимпии Русия, Қазоқистон, Молдавия, Ӯзбекистон, Муғулистон низ баста шуд. Ин имкон фароҳам меоварад, ки аз таҷрибаи ҳамдигар баҳравар шавем, олимони шинохтаи соҳаро аз дигар мамолик  ба таълим фаро хонем, машваратҳо баргузор намоем, дар навиштани китобҳои дарсӣ, рисолаҳои илмӣ ҳамкориҳо судманд дошта бошем.
-Албатта, яке аз кунгураҳо дар кишвари мо низ баргузор мегардад.
-Бале. То ин замон чунин кунгура дар Русия, Украина, Белорусия, Полша доир гардида буд. Аз ҷониби Тоҷикистон пешниҳод шуд, ки яке аз ин кунгураҳо дар пойтахти кишвари мо- шаҳри Душанбе баргузор гардад. Пешниҳодро хуш ва якдилона пазируфтанд. Оид ба ин қарори ассотсиатсия ба тасвиб мерасад.


Баёни ақида (0)    Санаи нашр:    №:    Мутолиа карданд: 1497
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед