logo

ҳуқуқ

НИГАРОНӢ. ҚОНУНШИКАНӢ ДАР БАЙНИ НОБОЛИҒОН КОҲИШ НАЁФТААСТ

Аз қабули Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ҳафт сол сипарӣ мешавад. Мутаассифона, то имрӯз муқаррароти қонуни мазкур аз тарафи баъзе  падару модарон ва масъулон ба пуррагӣ риоя намегардад.
Тавре Файзиддин Назаров, сардори шуъбаи ноболиғони хадамоти пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилӣ, ба рӯзномаи «Ҷумҳурият» иттилоъ дод, тибқи омори расмӣ дар 8 моҳи соли равон дар ҷумҳурӣ аз ҷониби кормандони воҳидҳои кор бо ноболиғон ва ҷавонони Вазорати корҳои дохилӣ ва зерсохторҳои он 3856 рейд ва амалиётҳои муштарак таҳти номгӯи шартии «Наврас», «Оворагард» ва «Талбанда» гузаронда шудааст. Дар натиҷа 12130 нафар ноболиғ барои ҳуқуқвайронкуниҳои гуногун, аз ҷумла оворагардӣ 3236, талбандагӣ 505, кашидани бор дар бозорҳо 352, ҷамъоварии маблағи роҳкиро дар воситаҳои нақлиёти мусофиркаш 259, шустани воситаҳои нақлиёт дар ҷойҳои муқаррарнагардида 411, дар вақти дарс машғул шудан ба бозиҳои компютерӣ 2614, ноболиғони бепарастор 89, истеъмоли нӯшокиҳои спиртӣ 25, фурӯшандагӣ дар ҷойҳои муқаррарнагардида 658, дуд додани сипанд 248 ва дигар ҳуқуқвайронкуниҳо 3727 нафар муайян шуда, ба ШВКД дар шаҳру ноҳияҳои ҷумҳурӣ ҳозир карда шуд.
Барои мисол, 24 сентябри соли 2018 тахминан соатҳои 19:00 дар асоси нақша-чорабиниҳо оид ба гузарондани амалиётҳои шабона ва рӯзона бо мақсади иҷрои талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» дар ҳудуди ноҳияи Рӯдакӣ амалиёт доир гардид. Зимни гузарондани он маълум гардид, ки шаҳрванд Сафарбек Сайфиддинов, сокини Ҷамоати деҳоти Чимтеппа, дар таҳхонаи мағозаи хӯроквории маҳаллаи Гулбутта, воқеъ дар назди МТМУ № 59, ноҳияи Рӯдакӣ маркази бозиҳои компютерӣ кушода, дар он ҷо 19 адад компютер гузоштааст, ки аксари мизоҷонаш ноболиғон мебошанд.
Аз маркази зикргардида 18 нафар ноболиғ ва ҷавон ҳангоми машғул будан ба бозиҳои дорои хусусияти зуроваридошта, ки ба майнаи кӯдакон таъсири манфӣ мерасонад, муайян шуда, ба таҳвилгоҳи ноболиғони хадамоти пешгирии ҳуқуқвайронкунӣ байни ноболиғон ва ҷавонони ВКД ҳозир карда шуд. Сипас, нисбат ба волидонашон барои вайрон намудани талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» протоколҳои маъмурӣ бо моддаи 90 Кодекси ҳуқуқвайронкунии маъмурии Ҷумҳурии Тоҷикистон тартиб дода шуд.
Тавре муайян гардид, ҳамаи ноболиғони ҳозиршуда хонандагони МТМУ № 59 ноҳияи Рӯдакӣ мебошанд. Дар рафти чорабинӣ ба соҳибмулк Сафарбек Сайфиддинов барои вайрон намудани талаботи Кодекси ҳуқуқвайронкунии маъмурии Ҷумҳурии Тоҷикистон бо моддаи 510, яъне барои беиҷозатнома фаъолият намудан, протокол тартиб дода шуд.  
Ғайр аз ин, дар 8 моҳи соли 2018 аз тарафи ноболиғон 665 ҷиноят содир гардидааст, ки нисбат ба соли сипаришуда 225 ҳолат зиёд аст. Дар 665 ҳолати ҷиноят 540 нафар  ноболиғ иштирок намудааст.
Тибқи таҳлилҳо сабабу омилҳои зиёдшавии ҷиноят дар байни ноболиғон ва ҷавонон ин аз тарбияи падар ё модар маҳрум гаштани ноболиғон, яъне ҷудо шудани оилаҳо аз ҳамдигар, дастрасии ноболиғон ба шабакаи интернетӣ тавассути телефонҳои мобилӣ ва дар кафе - интернетҳо, дар оилаҳои носолим тарбия гирифтани ноболиғон, зиёд гаштани филмҳои хусусияти ғайритарбиявидошта, ки ба насли наврас таъсири манфӣ мерасонанд ва амсоли инҳо мебошад.
Сафаргул АЛИМОВА, «Ҷумҳурият»


Баёни ақида (0)    Санаи нашр: 27.09.2018    №: 189    Мутолиа карданд: 439
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед