logo

ҳукумат

Дар кишвар 280 ҳазор тонна пахта ҷамъоварӣ шудааст

16 ноябр  Президенти Ҷумҳурии Тоҷикистон Эмомалӣ Раҳмон бо масъулони Ҳукумати мамлакат ва Дастгоҳи иҷроияи Сардори давлат, роҳбарони аксари вазорату идораҳо ва дигар шахсони дахлдор машварати корӣ доир намуд.

Дар машварат масоили вобаста ба ҷамъоварии ҳосили пахта ва киштукори тирамоҳӣ, таъминот бо газу барқ ва гузаштан ба истифодаи лампаҳои каммасраф ва масъалаи иҷрои буҷети давлатӣ баррасӣ шуданд.
Дар бораи рафти ҷамъоварии ҳосили пахта ва оғози киштукори тирамоҳӣ ахбори муовини сарвазири мамлакат Муродалӣ Алимардон шунида шуд. Зикр гардид, ки ҳосилнокии пахта имсол нисбат ба чанд соли пешин хеле зиёд аст ва то имрӯз дар мамлакат 280 ҳазор тонна ҳосил ҷамъоварӣ шудааст.
Сардори давлат Эмомалӣ Раҳмон дастур дод, ки баҳри ҷамъоварии саривақтӣ ва беталафи ҳосили фаровони рӯёндаи деҳқонон аз тамоми имкону захираҳои мавҷуда истифода баранд, то ки дар мӯҳлати 10 рӯзи оянда ҳосили пахта ҷамъоварӣ шавад. Таъкид гардид, ки маблағи чиниш ҳамарӯза пардохт гардад, то ҳавасмандии пахтачинон афзояд. Ҳамзамон бо ин қатъиян таъкид гардид, ки мактаббачагон ба пахтачинӣ ҷалб нашаванд.
Президенти мамлакат Эмомалӣ Раҳмон ҳамчунин таъкид намуд, ки баҳри тезондани киштукори тирамоҳӣ аз ҳар рӯзи офтобӣ ва обу ҳавои мусоид пурсамар истифода баранд.
Оид ба таъминоти мардум ва хоҷагии халқи мамлакат бо газу нерӯи барқ ва гузаштан ба истифодаи лампаҳои каммасраф муовини якуми сарвазир Асадулло Ғуломов ва дигар шахсони дахлдор гузориш доданд. Аз ҷумла зикр гардид, ки баъди аз шабакаи ягонаи Осиёи Марказӣ ҷудо шудани Ҷумҳурии Ӯзбекистон муддати 15 рӯз аст шабакаи энергетикии Тоҷикистон ба таври мустақил фаъолият дорад. Таъкид гашт, ки сарфи назар аз мушкилоти зиёди вобаста ба ин ҳолат,  шабакаи энергетикии Тоҷикистон қодир аст, ки ба қадри имконоти мавҷуда мардум ва хоҷагии халқи мамлакатро бо нерӯи барқ таъмин намояд.
Сардори давлат Эмомалӣ Раҳмон баҳри пурра мутобиқ намудани шабакаи дохилии энергетикии кишвар ба ин ҳолат, аз ҷумла бунёди хатҳои нави интиқоли нерӯи барқ ва бунёди як қатор нерӯгоҳҳои дигари обӣ ва ҳамчунин кам кардани талафоти барқ дар назди масъулон вазифаҳои мушаххас гузошт. Аз ҷумла дастур шуд, ки дар ҳудуди Тоҷикистон ҳарчи зудтар фурӯши лампаҳои тасфон манъ шавад.
Доир ба рафти иҷрои буҷети давлатӣ вазири молия Сафаралӣ Наҷмиддинов ва роҳбарони дигар сохторҳои дахлдор ҳисобот доданд. Аз ҷумла зикр гардид, ки дар зарфи 10 моҳи соли равон қисми даромади буҷети давлатӣ дар ҳаҷми 95% иҷро шуд ва имкону захираҳо барои таъмини иҷрои пурраи нақшаи даромадҳои буҷет мавҷуданд.
Президенти мамлакат Эмомалӣ Раҳмон баҳри иҷрои саривақтӣ ва пурраи буҷет ва пардохти маошу нафақа ва кӯмакпулиҳо ба масъулони дахлдор супоришҳои мушаххас дод.
Дар баробари ин дастур дода шуд, ки саҳмияҳои Нерӯгоҳи барқи обии Роғун ҳарчи зудтар омода гарданд, то ки аз рӯзҳои аввали соли 2010 онҳо баҳри ҷалби сармояи иловагӣ ба сохтмони ин иншооти тақдирсоз ба фурӯш бароварда шаванд.
Бо боварӣ таъкид гардид, ки ҳар як шаҳрванди баору номуси Тоҷикистон имрӯз омода аст дар бунёди нерӯгоҳи Роғун саҳми арзандаи худро гузорад, зеро ҳамагон хуб медонанд, ки бе бунёду ба кор даровардани ин иншооти муҳими энергетикӣ бартараф намудани норасоии нерӯи барқ ва таъмини пешрафти минбаъдаи иҷтимоию иқтисодии мамлакат аз имкон берун аст.


Баёни ақида (0)    Санаи нашр:    №:    Мутолиа карданд: 831

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед