logo

иқтисод

1300 РӮЗИ ОБОДОНӢ. НОҲИЯИ ДЕВАШТИЧ СИМОИ ТОЗА МЕГИРАД

Даъвати Асосгузори сулҳу ваҳдати миллӣ – Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон дар бораи вусъат бахшидани  корҳои ободонию бунёдкорӣ ҷиҳати  сазовор истиқбол гирифтани  Ҷашни 30 - солагии Истиқлолият давлатии Ҷумҳурии Тоҷикистон дар байни сокинони ноҳияи Деваштичи вилояти Суғд ҳамовозии гарму ҷӯшон ба амал овард.
Барои сазовор истиқбол гирифтани ин ҷашни бузурги миллӣ дар қаламрави вилоят  “1300 рӯзи меҳнати зарбдор ба истиқболи 30 - солагии Истиқлолияти давлатии Ҷумҳурии Тоҷикистон” эълон гардида, дар ин радиф дар ноҳияи Деваштич низ корҳои ободонию бунёдкорӣ вусъат ёфтаанд.
Бо  дастгирии Ҳукумати мамлакат сохтмони хати оби Даҳкатсой – Даҳанасой, ки барои рушди иқтисодии ноҳия  аҳамияти бесобиқа дорад, оғоз гардид. Дарозии хати оби Даҳкатсой – Даҳанасой мувофиқи лоиҳа 33,4 километр буда, дар масофаи умумии 31 километр об бе истифодаи неруи барқ ҷорӣ мешавад.  Арзиши лоиҳаи мазкур 64 миллион сомониро ташкил медиҳад.
Иншооти дигар, ки сокинони ноҳия ба бунёди он ниёз доранд, бинои таваллудхонаи маркази ноҳия мебошад. Бинои мазкур барои  100  кат пешбинӣ шуда, аз шуъбаҳои таваллуду физиологӣ, аворизи ҳомиладорӣ, амрози  занона, навзодон ва қабул иборат мебошад.  Сохтмони ин бинои дуошиёна соли 1991 оғоз гардида, то соли 1995 идома ёфт. Минбаъд сохтмон муваққатан боздошта шуда буд.
Алҳол 85 фоизи корҳои сохтмонӣ дар ин иншоот ба анҷом расидаанд. 
Шахси саховатпеша, сокини деҳаи Далёни Поёни Ҷамоати деҳоти Далёни Боло Садрӣ  Файзиев ба маблағи 1 миллиону 217 ҳазор сомонӣ дар деҳа барои 40 кат беморхонаи нав сохта  истодааст.  Беморхонаи  нав аз ду ошёна ва таҳхона иборат буда, шуъбаҳои ҷарроҳӣ, таваллудхона, касалиҳои дарунӣ ва бачагонаро дар бар мегирад.
Бинои нави дуошёнаи нозироти андози ноҳия аз 10 ҳуҷраи корӣ, маҷлисгоҳ, ошхона ва дигар хуҷраҳои ёрирасон иборат мебошад ва  бо маблағгузории Кумитаи андози назди Ҳукумати Ҷумҳурии Тоҷикистон бунёд меёбад.
Дар деҳаи Яхтани Ҷамоати деҳоти Яхтани ноҳия  муассисаи томактабӣ  барои 240 кӯдак, боғи фарҳангӣ - фароғатӣ бо нимпайкараи Қаҳрамони Иттиҳоди Шӯравӣ  Ӯрунбек  Ёқубов ва маркази саломатӣ бунёд гардида, муассисаи таҳсилоти миёнаи умумии № 17 - и деҳа куллан таъмиру навсозӣ мешавад.
Ҳоло дар ноҳия таъмиру мумфаршсозии қисмати роҳ аз шоҳроҳи Душанбе – Хуҷанд – Бӯстон - Чанак  то  маркази ноҳия - шаҳраки Ғончӣ оғоз гардидааст. Дарозии роҳ 16,4 км ва паҳноии он 8, дар баъзе ҷойҳо то 10 метр аст. Роҳ бо маблағи 25 миллион сомонӣ аз ҷониби  Дирексияи  сохтмонии иншооти ҳукуматии Дастгоҳи иҷроияи Президенти Ҷумҳурии Тоҷикистон пурра азнавсозӣ гардида, ҳамчунин, чароғонкунии маҳаллаҳои аҳолишини назди роҳ ба нақша гирифта шудааст.
Даҳҳо иншооти маърифатӣ, фарҳангӣ  ва хизматрасонӣ ба воситаи ҳашару саҳмгирии аҳолӣ бунёд мешаванд. Дар арафаи Ҷашни 27 - умин солгарди Иситиқлолияти давлатии Ҷумҳурии Тоҷикистон дар деҳаҳои Хуштоири Мухлон, Далён ва Метк се маркази саломатӣ бунёд гардид.  Бинои маркази саломатии деҳаи Хуштоири Мухлон ба маблағи 1 миллиону 300 ҳазор сомонӣ сохта  шуда, аз 7 ҳуҷраи корӣ, хонаи хатна, таваллудхона ва қабулгоҳ иборат аст ва бо системаи  гармидиҳии барқию офтобӣ таъмин мебошад. Дар дигар деҳаҳои ноҳия  низ бунёди чунин биноҳо идома дорад.
Дар Ҷамоати деҳоти Ғазантарак  бо ташаббуси мардуми деҳа сохтмони майдони варзишӣ ба роҳ монда шудааст.  Корҳои ташкилиро раиси маҳаллаи деҳаи Ғазантарак Ҷумъабой Маъмуров ва имомхатиби деҳа Бозорбой Ҳакимов  ба зимма гирифтаанд. 
Соҳибкор Тӯйчӣ Абдуллоев муассисаи таҳсилоти миёнаи умумии № 13   ба номи Исматулло Юлдошеви деҳаи Зарнисорро, ки сарвараш Таҳмина Абдуллоева мебошад, таъмир намуд.  Муассисаи мазкур соли 1983 бунёд ёфта, то ин замон таъмир нашуда буд. Саҳни роҳравҳои мактаб ба масоҳати 124 метри мураббаъ сафолакпӯш, дарвозаи мактаб куллан нав, гирди мактаб панҷарапӯш ва бино пурра таъмиру рангубор карда шуд.
Ҳамчунин,  фарши толори варзиш, ҳуҷраи таълими меҳнат, як синфхона, хуҷраи шоҳмот ва ошхона пурра таъмир гардиданд. Толори варзиш баъди таъмир бо таҷхизоти варзишии замонавӣ муҷаҳҳаз гардонда мешавад.  Соҳибкор Тӯйчӣ Абдуллоев барои таъмири МТМУ № 13 наздики 300 ҳазор сомонӣ маблағгузорӣ намуд. Аз ҳисоби кумитаи волидон ва сарпарастони деҳа дар саҳни мактаб ҳавзи об сохта шудааст.
Раванди ободонию созандагӣ, бунёди корхонаҳои истеҳсолӣ, мактабу кӯдакистон, муассисаҳои соҳаи тандурустӣ,  марказҳои савдо ва хизматрасонӣ,  сартарошхона, кошонаи ҳусн, ҳаммом (дар тамоми деҳаҳои ноҳия), таъмиру таҷдиди роҳҳо, кашидани хатҳои обу барқ ва сохтмони иншооти дигари иҷтимоию фарҳангӣ, ки вусъати тоза касб намудаанд, аз эҳсоси баланди ватандӯстии сокинони ноҳия дарак медиҳанд.
Маратҷон  ҶАББОРОВ


Баёни ақида (0)    Санаи нашр: 28.09.2018    №: 190-191    Мутолиа карданд: 247

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед