logo

иқтисод

ПАРАНДАПАРВАРӢ. СОҲАИ РӮ БА РУШД

Парандапарварӣ аз соҳаҳои муҳиму заҳматталаби кишоварзӣ ба ҳисоб рафта, барои таъмини аҳолӣ бо маҳсулоти хушсифат, аз ҷумла тухм ва гӯшти парҳезӣ, нақши калидӣ дорад.
Шароиту имтиёзҳои фароҳамовардаи Ҳукумати ҷумҳурӣ, аз ҷумла дастгирии ҳамаҷониба, аз андоз,  аз  арзиши  иловашуда  ва пардохтҳои гумрукӣ озод намудани соҳибкорону тоҷирон ҳангоми воридоти технология, таҷҳизот ва маводи дигар, инчунин, роҳандозӣ кардани тадбирҳои дигари ҳавасмандгардонӣ майли соҳибкоронро ба ин соҳаи муҳим бештар гардонда, ба рушди соҳа такони ҷиддӣ бахшид. Тадбирҳои саривақтӣ имкон фароҳам оварданд, ки шумораи корхонаҳои парандапарварӣ афзоиш ёфта, саршумори паранда ва ҳаҷми истеҳсоли гӯшту тухм ба маротиб зиёд гардад. Ҳоло, мувофиқи маълумоти оморӣ, шумораи корхонаҳои парандапарварӣ ба 94 адад расидааст. Танҳо тайи ҳашт моҳи соли равон 19 корхонаи нав ба фаъолият пардохт. Саршумори паранда дар 6 моҳи соли ҷорӣ ба 5 миллиону 608 ҳазору 387 сар расид, ки нисбат ба ҳамин давраи соли гузашта 48 дарсад зиёд аст. Дар шаш моҳ, истеҳсоли тухм 164,8 миллион дона (дар муқоиса ба ҳамин давраи соли гузашта - 142,5 дарсад) ва гӯшти паранда  8235,9 сентнер (176,8 дарсад) - ро ташкил дод.
Имрӯз корхонаҳои ватанӣ бозорҳои кишварро бо маҳсулоти хушсифати аз ҷиҳати экологӣ тоза  таъмин намуда истодаанд. Ин имкон фароҳам овард, ки воридоти тухми пастсифат бамаротиб коҳиш ёбад. Аз хориҷи кишвар дар ин давра ба бозори истеъмолии кишвар 21,8 миллион дона тухм ворид шудааст, дар ҳоле ки давоми 6 моҳи соли қаблӣ 69,7 миллион дона тухм ворид гардида буд.
Тибқи  иттилои Машокир Назаров, сардори КВД  «Саноати парандапарварӣ», айни ҳол дар вилоятҳои Суғд 59, Хатлон ҳамагӣ  5 корхона ва як кооперативи  истеҳсолӣ ва дар ноҳияҳои тобеи ҷумҳурӣ 17 корхонаю хоҷагиҳои хусусии парандапарварӣ фаъолият доранд.
Бо мақсади  парвариш  ва қабули чӯҷаи мурғи гӯштӣ дар ҶДММ «Баҳори пурфайз» - и шаҳри  Ваҳдат сехи забҳи паранда ва сардхона ба кор даромад. Дар ин ҷо тайи шаш моҳ 790 сентнер гӯшт истеҳсол гардид. Айни ҳол таъмири асосии 7 сехи валангор идома дорад. Дар ҶСК «Парандапарварии  Шаҳринав» 10 ҳазор сар чӯҷаи мурғи тухмдеҳ ворид намуданд. Корхона ба миқдори 300 ҳазор тухми инкубатсионӣ истеҳсол карда, 150 ҳазор чӯҷаи якрӯзаи  мурғони тухмдеҳро ба фурӯш баровард.
ҶДММ «Тарз» - и шаҳри Ваҳдат бо таҷҳизоти ҳозиразамони истеҳсоли Туркия муҷаҳҳаз гардонда шуд. Дар корхонаи мазкур паранда бо истифодаи технологияи нави муосир нигоҳубин карда мешавад. Риояи дурусти парвариш  имкон дод, ки дар ин корхона саршумори умумии паранда ба 189292 сар, истеҳсоли тухм ба 13258540 дона расонда шавад. Бо мақсади фаъолияти пурсамари корхона  аз Русия чӯҷаҳои хушзот, аз Полша таҷҳизоти ҳозиразамон, ки дар як соат 10 тонна ва дар як шабонарӯз 200 тонна хӯроки омехтаи паранда тайёр менамояд, оварда шуд. Айни ҳол коргоҳи хӯроктайёркунӣ  ба кор шурӯъ карда, корхонаро бо хӯрока таъмин намуда истодааст.
Қобили зикр аст, ки корхонаи аз фаъолият бозмондаи  «Мурғи  Ҳилол» ҳоло бо номи «Ганҷи Ҳилол» бо саршумори 235821 сар  паранда аз нав ба фаъолият шурӯъ кард. Роҳбарияти корхона тасмим гирифтааст, ки дар оянда саршуморро ба 500 ҳазор сар  расонда, шуҳрати пешинаи корхонаро боз барқарор намояд. 
Корхонаҳои истеҳсолии «Раҳмонҷон» - и ноҳияи Данғара, «Шайхи Холмаҳмад», «Душанбе» - и ноҳияи Рӯдакӣ  ва  «Парандапарварии  Хуҷанд» - и  ноҳияи Бобоҷон  Ғафуров имрӯз  ба кабк  ва бедонапарварӣ машғуланд. Айни ҳол дар ин корхонаҳо зиёда аз 30000 сар бедона парвариш ёфта истодааст.
Ба таъкиди мутахассисони соҳаи кишоварзӣ, барои истеҳсоли маҳсулоти ба стандартҳо ҷавобгӯй дар соҳаи парандапарварӣ таъминот бо хӯроки серғизо ва истифодаи тавсияи олимон нақши муҳим дорад. Дар робита ба ин КВД «Саноати парандапарварии Тоҷикистон» бо Академияи илмҳои кишоварзии Вазорати кишоварзии ҷумҳурӣ ҳамкории густурдаро ба роҳ монда истодааст.
Барои таҳким бахшидан ба рушди соҳа бо корхонаҳои парандапарварии Русия, Украина, Беларус, Олмон, Чин, Туркия, Қазоқистон, Полша, Покистон ва Аргентина ҳамкориҳо ба роҳ монда мешаванд. Мутахассисон ва кормандони соҳа дар семинар - машваратҳои байналмилалӣ ширкат варзида, таҷрибаи истифодаи таҷҳизоти навро меомӯзанд. Дар заминаи ин ҳамкориҳо дар нимсолаи аввали соли равон аз хориҷи кишвар зиёда аз 840 ҳазор дона тухми нутфадор, 712,5 ҳазор сар чӯҷаи якрӯза, 22345,7 тонна хӯроки паранда ва 92 тонна таҷҳизот барои нигоҳдорӣ ва парвариши паранда ворид гардидааст.
Ҳоло бо мақсади  рушди  минбаъдаи  соҳа барномаи нави «Рушди соҳаи парандапарварӣ барои  солҳои  2018 – 2022»  таҳия шуда истодааст.
Мутаассифона, дар қатори дастовардҳо камбудию мушкилиҳое ҷой доранд, ки ба пешрафти соҳа халал мерасонанд. Корхонаҳои истеҳсоли хӯроки омехтаю серғизо талаботи корхонаҳои парандапарвариро ҳанӯз пурра қонеъ намуда наметавонанд ва соҳибкорон маҷбуранд онро бо нархи гарон аз хориҷа ворид созанд.
Воридоти чӯҷаҳои хушзот низ барои парандапарварон гарон меафтад, зеро такрористеҳсолкунӣ хуб ба роҳ монда нашудааст. Ҳамчунин, на ҳамаи корхонаҳои соҳа бо дастгоҳу таҷҳизоти муосир муҷаҳҳазанд.
Ҳарчанд имкониятҳои рушди парандапарварӣ дар Хатлон - калонтарин вилояти ғаллакори мамлакат хеле зиёданд, мутаассифона, дар ин ҷо истеҳсоли маҳсулоти паранда назар ба минтақаҳои дигари мамлакат кам аст. Дар вилоят ҳамагӣ 6 корхонаи парандапарварӣ  фаъолият дорад, ки дар муқоиса бо вилояти Суғд қариб даҳ баробар кам аст.
Умед аст, ки парандапарварони мамлакат аз таҷрибаи ғанӣ ва дастовардҳои илми муосир истифода намуда, рушди босуботу босуръати соҳаро таъмин месозанд.
Матлубаи АБДУҚАҲҲОР,
«Ҷумҳурият»

 

 


Баёни ақида (0)    Санаи нашр: 01.10.2018    №: 192    Мутолиа карданд: 528
09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ


Дар сомонаҳои дигари Тоҷикистон хонед