logo

иқтисод

ТОҶИКОБОД ХУРРАМТАР АЗ ИМРӮЗ МЕШАВАД

Корҳои ободониву созандагӣ дар ноҳияи Тоҷикобод, чун дигар шаҳру ноҳияҳои мамлакат, вусъати нав касб карда, бахшида ба 30 - солагии Ҷашни Истиқлолияти давлатии Ҷумҳурии Тоҷикистон бунёди 74 иншооти таъйиноташ гуногун ба нақша гирифта шудааст. Боздиди мо аз ин гӯшаи зебоманзари диёр нишон дод, ки, воқеан, корҳои сохтмонӣ дар иншооти ҷашнӣ босуръат идома доранд.
Ба гуфтаи Маҳмадтоир Назризода, муовини раиси ноҳия, феълан бо ташаббуси Маҳмадтоир Зокирзода, муовини Сарвазири мамлакат ва Хол Карим Иброҳим, директори генералии ҶСК «Тоҷиктрансгаз», корҳои сохтмонӣ идома дошта, дар он кормандони сохторҳои гуногуни мақомоти иҷроияи маҳаллии ҳокимияти давлатӣ ва мардум низ ба тариқи ҳашар саҳмгузорӣ менамоянд.
Дар доираи корҳои ободонӣ бо маблағгузории Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон бунёди қасри фарҳанг оғоз ёфта, бунгоҳи тиббӣ дар деҳаи Капалӣ ва бинои суди ноҳия сохта ба истифода дода шудаанд.
То кунун бо иқдоми Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бинои шуъбаҳои бемориҳои дарунӣ ва кӯдаконаи беморхонаи марказии ноҳия таъмиру таҷдид гардида, барои бунёди бинои дуошёнаи муассисаи кумаки аввалияи тиббию санитарии ноҳия санги асос гузошта шудааст.
- Аз ҷониби Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон барои мумфарш ва чароғон намудани кӯчаҳои маркази ноҳия 8 миллион сомонӣ ҷудо гардида, қарор аст, дар марҳилаи аввал, яъне соли ҷорӣ, 814 метр роҳ мумфарш ва 2614 метри дигар чароғон карда шаванд, -  мегӯяд М. Назризода.
Дар нақша – чорабиниҳо бо маблағгузории буҷети маҳаллӣ сохтмони бинои маъмурии Ҷамоати деҳоти ба номи М. Шогадоев, маркази назорати давлатии санитарию эпидемологии ноҳия ва мақомоти иҷроияи маҳаллии ҳокимияти давлатии ноҳия ворид гардидааст.
Соҳибкор Ҷалолиддин Орзуев азм дорад, ки дар шаҳраки Тоҷикобод майдончаи варзиширо сохта, мавриди баҳрабардории сокинони ноҳия қарор диҳад. Зикрулло Фатҳуллоев соҳибкори дигар тасмим гирифтааст, то дар маркази ноҳия коргоҳи истеҳсоли маҳсулоти шириро бунёд созад. Оилаи Идиевҳо бошанд, барои сохтмони ду бинои ҳозиразамони хизматрасонӣ дар маркази ноҳия камари ҳиммат бастаанд. Ҳамчунин, соҳибкори дигар Рустам Исроилов дар шаҳраки Тоҷикобод то соли 2021 коргоҳи дӯзандагӣ бунёд хоҳад кард.
Ҳамин тавр, барномарезии бунёди сохтмони иншооти гуногуни ҷашнӣ дар ҳамаи ҷамоатҳои деҳоти ноҳияи Тоҷикобод идома доранд. Аз ҷумла, бо дастгирии соҳибкорону сокинон дар деҳаи Фатҳобод сохтмони майдончаи варзишӣ, таваллудхона ва нуқтаи хатна ба нақша гирифа шудааст. Дар деҳаи Нӯшори Поён бошад, бо ташаббуси соҳибкорон ва фаъолон майдончаи варзишии замонавӣ сохта хоҳад шуд. Аҳолии деҳаи Шарқиён тарҳи бунёди бунгоҳи тиббӣ, китобхона ва маркази хизматрасониро рӯи даст гирифтаанд.
Бо ҳиммати соҳибкор Тағдир Каримов дар деҳаи Сабзазор сохтмони майдончаи варзишӣ оғоз ёфтааст. Соҳибкор Неъматулло Собиров дар ҳамин деҳа бунёди хонаи модару кӯдак ва нуқтаи хатнаро ба нақша гирифтааст. Аҳолии деҳаҳои Мазори Боло, Лангари шоҳ ва Ғуломон дар назди чанд муассисаи таълимӣ синфхонаҳои иловагӣ месозанд.
Дар деҳаи Гулистони ноҳия бо иқдоми сокинон бунёди майдончаи варзишӣ ба нақша гирифта шуда, соҳибкор Мусаллам Асоев маркази хизматрасонии маишӣ бунёд хоҳад кард.
Бузургмеҳр БАҲОДУР,
Маҳмуд ҶӮРАЕВ, «Ҷумҳурият»

 


 


Баёни ақида (0)    Санаи нашр: 09.10.2018    №: 199    Мутолиа карданд: 272

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед