logo

иқтисод

САНГВОР. АВҶИ РӮҲБАХШИ СОЗАНДАГӢ

Дар доираи омодагиҳои ҳамаҷониба барои истиқболи сазовори Ҷашни  30 - солагии Истиқлолияти давлатии Ҷумҳурии Тоҷикистон дар ноҳия корҳои ободонию созандагӣ, аз ҷумла  бунёди иншооти соҳаҳои маорифу тандурустӣ, иҷтимоию фарҳангӣ, таъмиру тармими роҳу пулҳо ва ободонию сабзкории кӯчаю гузаргоҳҳо вусъати тоза пайдо кардаанд. Давоми нуҳ моҳи соли равон қисми даромади буҷети ноҳия ба ҷои 3 миллиону 51 ҳазору 749 сомонии нақшавӣ  3 миллиону 268 ҳазору 624 сомонӣ, яъне  107 дарсад иҷро гардид.
Дар ин муддат  2 лоиҳаи давлатии сармоягузорӣ дар соҳаи кишоварзӣ амалӣ шуд, ки маблағи умумии онҳо 328 ҳазор сомониро ташкил медиҳад. Аз ҷониби филиали № 21 – и Бонки давлатии амонатгузории “Амонатбонк” ба шаҳрвандон 361,5 ҳазор сомонӣ, аз ҷумла барои рушди соҳаи картошкапарварӣ 319 ҳазор сомонӣ ва занбӯриасалпарварӣ 42 ҳазору 500 сомонӣ, қарзҳои кӯтоҳмудат дода шуданд. 
Дар натиҷаи пешрафти соҳаҳо маҷмӯи маҳсулоти дохилии ноҳия ба 100 миллиону 200 ҳазор сомонӣ баробар гардид, ки аз ин ба соҳаҳои кишоварзӣ 77,1 миллион, савдо 18 миллион,  хизматрасонии пулакӣ 4,7 миллион  ва саноат 394,7 ҳазор сомонӣ  рост меояд.
Бо истифода аз имкониятҳои фароҳамовардаи Ҳукумат кишоварзони ноҳия дар нуҳ моҳ 5 ҳазору 197 тонна ғалла,  1 ҳазору 537 тонна сабзавот ва 17 ҳазору 692 тонна картошка истеҳсол намуданд. Дар муқоиса ба соли пешӣ истеҳсоли  ғалла 13 тонна, сабзавот 467 тонна ва картошка 3 ҳазору 614 тонна афзуд.
Сохтмон соҳаи муҳими ноҳия ба шумор меравад. Соли ҷорӣ танҳо барои сохтмони бинои мақомоти иҷроияи ҳокимияти давлатии ноҳия аз ҳисоби  буҷети маҳаллӣ 500 ҳазор сомонӣ пешбинӣ гардид. Дар назди муассисаҳои таълимии №№ 2, 8, 11, 15, 21, 31, 54 ва 57 синфхонаҳои иловагӣ, дар Ҷамоати деҳоти Вахё бинои хонаи фарҳанг, нуқтаи фурӯши сӯзишворӣ ва  дар Ҷамоати деҳоти Чилдара маркази савдои боҳашамат сохта ба истифода дода шуданд. Бунёди 5 майдончаи варзишии замонавӣ дар Ҷамоати деҳоти Вахё идома дорад. Сохтмони ҳаммому сартарошхона ва инфрасохтори дигари сайёҳӣ дар маркази ноҳия, пулҳои пиёдагузар дар деҳаҳои Лайрони Болою Дашти Шер, сангфарш намудани роҳҳо дар деҳаҳои Арғанкӯл, Зувай, Миёнаду, Дараи Себак, Убара ва Ҷур ба нақша гирифта шуда, бо дастгирии соҳибкорону аҳолии ноҳия то ҳол 50 дарсади корҳои сохтмонӣ  анҷом ёфтанд.
Дар асоси Нақшаи генералии маркази ноҳия, ки бо қарори Ҳукумати Ҷумҳурии Тоҷикистон тасдиқ шудааст, бунёди иншооти дигари муҳими иҷтимоию иқтисодӣ ва фарҳангию фароғатӣ бо маром идома дорад. Тибқи нақша сохтмони пули мошингузари деҳаи Пағула ва таъмиру таҷдиди роҳи деҳаи Зуғара итмом ёфту бунёди коргоҳи қаннодӣ ва тарабхона дар деҳаи Тавилдара,  бунгоҳи тиббӣ ва ҳаммом дар деҳаи Сариҷангал,  нуқтаи таъмири мошинҳо дар деҳаи Лангар, маркази савдо ва  ошхона дар деҳаи Чилдара, коргоҳи коркард ва банду басти мева дар деҳаи Дашти Ғурк ба анҷом расонда мешаванд.
Ба 35 нафар маъюб, оилаҳои камбизоат ва нафақагирон 17 ҳазору 600 сомонӣ  ҳамчун кумаки яквақтаина дода шуд. Инчунин, ба маъюбони садамаи Чернобил барои табобат 28 ҳазору 174 сомонӣ пардохт гардид.
Бо мақсади таъмини шаҳрвандон бо шуғли муносиб  ва ҷалб намудани онҳо ба соҳибкорӣ аз ҳисоби маблағҳои бахши Агентии меҳнат ва шуғли аҳолии кишвар дар ноҳия ба 63 нафар барои фаъолияти соҳибкорӣ  210 ҳазору 360 сомонӣ қарзи бефоиз дода шуд. Ҳамчунин, дар маркази таълими калонсолони ноҳия 125 сокини маҳаллӣ ба омӯзиши касбу ҳунар, аз ҷумла бофандагию дӯзандагӣ фаро гирифта шуданд. Дар доираи курсҳои кӯтоҳмуддати “Агроаксияи Олмон” барои 15 бону тариқи грант таҷҳизот дастрас гардид.
Мардуми меҳнатдӯсти ноҳия ҷиҳати дар амал татбиқ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон талош меварзанд. Ва бовар дорем, ки сокинони сарбаланди ноҳия чорабинии муҳими сиёсӣ -  Ҷашни 30 - солагии Истиқлолияти давлатии ҷумҳуриро дар сатҳи баланд ва бо дастовардҳои назарраси меҳнатӣ истиқбол мегиранд.
Зарифхӯҷа ШОҲИЁН,
раиси ноҳияи Сангвор

 

 


Баёни ақида (0)    Санаи нашр: 17.10.2018    №: 203    Мутолиа карданд: 221
01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД

ҶАҲОН ДАР ЯК САТР

25.06.2020


COVID – 19. ДАР ТОҶИКИСТОН 4194 СИРОЯТЁФТА СИҲАТ ШУД

24.06.2020


ХУШХАБАР. ДАР ТОҶИКИСТОН 73,8 ДАРСАДИ МУБТАЛОЁНИ КОРОНАВИРУС ШИФО ЁФТАНД

АРАБИСТОНИ САУДӢ ҲАҶРО БАРОИ ЗОИРИНИ ХОРИҶӢ МАНЪ КАРД

ҶАҲОН ДАР ЯК САТР

23.06.2020


ТОҶИКИСТОН. БОЗ 44 СИРОЯТШУДА СИҲАТ ШУД

АШТ. ОҒОЗИ МУМФАРШКУНИИ РОҲИ ШАЙДОН - ПОНҒОЗ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

ТАБИБОН НИШОНАҲОИ АСОСИИ КОРОНАВИРУСРО ДАР КӮДАКОН МУАЙЯН НАМУДАНД

ЛИГАИ НАВРАСОН ФАРДО БО ИШТИРОКИ 9 ТИМ ОҒОЗ МЕШАВАД

ИҚТИСОДИ ҶАҲОНӢ АЗ ПАНДЕМИЯ КАМАШ $126 МИЛЛИАРДРО ТАЛАФ ДОД

ҶАҲОН ДАР ЯК САТР

22.06.2020


ХУШХАБАР. 72,4 ДАРСАДИ СИРОЯТШУДАГОНИ COVID – 19 ДАР ТОҶИКИСТОН ШИФО ЁФТАНД

ҚУБОДИЁН. БОЗДИДИ ҚУРБОН ҲАКИМЗОДА АЗ КОРХОНАИ ИСТЕҲСОЛИ ЯХМОС

ЧЕМПИОНАТИ ТОҶИКИСТОН – 2020. АВВАЛИН БОХТҲОИ "ФАЙЗКАНД" ВА "ХАТЛОН"

СУТ: «МО ШОҲИДИ ҚАҲРАМОНӢ ВА ФИДОКОРИИ ПИЗИШКОНИ ТОҶИК БУДЕМ»

ҶАҲОН ДАР ЯК САТР

ТОҶИКИСТОН. 71,2 ДАРСАДИ ГИРИФТОРОНИ КОРОНАВИРУС СИҲАТ ШУДАНД

НУРОБОД. МАЙДОНИ КИШТИ КАРТОШКА ТАВСЕА МЕЁБАД

ЧЕМПИОНАТИ ОСИЁ – 2020. ДАСТАҲОИ МИЛЛИИ ТОҶИКИСТОН (U-16) ВА (U-19) БА КАДОМ ГУРӮҲ ШОМИЛ ШУДАНД?

18.06.2020


ХАТЛОН. ҶАЛАСАИ СИТОДИ ВИЛОЯТӢ ОИД БА ПУРЗӮР КАРДАНИ ТАДБИРҲОИ ЗИДДИЭПИДЕМИЯВӢ


Дар сомонаҳои дигари Тоҷикистон хонед