logo

сиёсат

ПЕШВО БА МО ШАРАФ БАХШИДУ ИФТИХОР

Эмомалӣ Раҳмон – Пешвои милат, Пешво ва раҳнамое, ки миллат назирашро намедонад. Оре, ӯ сарварест, ки оташи фурӯзони ҷангро хомӯш кард. Сарварест, ки чандин ҳазор гурезаро ба Ватан баргардонд. Миллату давлати дар вартаи нестӣ афтодаро наҷот дод. Кишвари харобро обод намуд. Мамлакат туфайли сарварияш рӯ ба тараққӣ ниҳод. Маориф, илм, фарҳанг, тиб ва ҳамаи соҳаҳо рушди тоза пайдо карданд.
Воқеан, бахту саодату фирӯзмандии миллат ба  Сарвару роҳбари он вобастагӣ дорад. Аз ин рӯ, чунин шахсиятҳо бо корномаҳои бузургу ҳидоятҳои дурусташон ба сони Хуршед медурахшанд ва бе дареғ нуру гармӣ мебахшанд.
Дӯстдориву эҳтироми хос гузоштан ба ӯ муҳаббату гиромидошт ба миллат ва давлат аст. Ин як ҳақиқатест, ки ба ҳеҷ гуна далелу исбот ниёз надорад. Мардум онро хуб дарёфта. Ва ҳам медонанд, ки ба камолу балоғати маънавиву моддӣ расидани миллат дар раванди таърихи навини тоҷикон, ки муддате заҳри талхи азхудбегонагиро чашида буд, самараи азхудгузаштагиву ҷасорати Пешвои миллат мебошад.
Ин сифатҳои неку волои Сарвари давлат баъдҳо ё худ ҳамасола афзуданду такомул ёфтанд. Магар метавон аз хотир ё саҳифаи таърих зудуду пок намуд, ки барои истиқрори сулҳ, ҳифзи Истиқлолияти давлатӣ, ҷонро гарав гузошт, сипар кард? Албатта, не.
Пешвои миллат нахустин Сарвари давлатест, ки ҷомеаи ҷаҳониро аз хавфу хатар ва таҳдиди терроризм ҳушдор дод. Ва ҳам ӯ аввалин шахсиятест, ки изҳор дошт: "Террорист Ватану дину мазҳаб надорад". Ба ин васила таъкид намуд, ки ин амалу афродро ба ислом, дини мубину пок қасдан напайванданд.
Вазъи мураккаби ҷаҳонро метавон бас рӯшану возеҳ бо таҳлили дурусту амиқ ҳамасола аз паёмҳояшон дарёфт. Ба ин васила, мо - шаҳрвандони кишварро огоҳ месозад, ки онро хуб бишносем ва роҳи дурустро интихоб карда тавонем. Аз ҷумла, изҳор медорад: «Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносибати байналмилалӣ таъсиргузор мебошанд». Дар ин сурат, яъне дарёфти воқеият, ҳатман чунин пурсише ба миён меояд, ки оқибати ин таҳдиду хатарҳо ба чӣ меанҷомад. Посухро мо аз идомаи таъкидҳояш, ки фаҳмову ҳадафрасанд, дармеёбем: «Идомаи минбаъдаи ин ҳолат метавонад боиси амиқ гардидани таҳдиду хатарҳои сиёсиву иқтисодӣ, амниятӣ ва башариву фарҳангӣ дар минтақаҳои гуногуни олам гардад». Вокуниши кишвари мо дар ин марҳала бояд чӣ гуна бошад? «Дар марҳалаи кунунӣ кишвари мо бо мақсади вокуниши саривақтӣ ба таҳдиду хатарҳои ҷаҳонӣ дар раванди ташаккули иқтидори муносиби дохилӣ ва хориҷӣ тадбирҳои муассир меандешад».
Боиси нигаронии Пешвои миллат аз раванди бартариҷӯӣ ва мусаллаҳшавии бошитоб дар дунё мебошад. Ва низ аз пайдо шудани нишонаҳои марҳалаи нави «ҷанги сард». Моро ин Паём, ин эҳсос, дарк, фаҳмиш, таҳлили дурусту амиқи вазъи ҷаҳони мураккаб аз ҷониби Сарвару раҳнамоямон умед мебахшад, ки ӯ худ дар ин маврид тадбиру роҳи ҳалро меёбад. Таъкидҳои пайвастааш дар ин хусус ба он хотир аст, ки миллат дар ғафлат намонад, роҳро дуруст бишносад ва ҳамеша муттаҳид бошаду дар ҳифзи Истиқлолияти давлатӣ, пешрафту тараққиёти кишвар бо тамоми ҳастӣ масъулият эҳсос бикунад. Бешак, вазифаи шаҳрвандӣ ва инсонии мо дар он аст, ки сиёсати дурусту дурандешонаи ӯро дастгирӣ бикунем ва дар атрофаш сарҷамъ бошем. Ба ин хотир, Пешвои миллат бо дилпурӣ изҳор медорад, ки ба қудрати созандаи халқи азизаш бовар ва итминони комил дорад.
Ӯ ҳамзамон, мехоҳад, ки сатҳи зиндагии халқаш аз имрӯза дида, баландтар бошад. Танҳо бо хостан қонеъ намешавад. Барои амалӣ гардидани ин хоста нахуст тамоми шароити рушду пешрафтро ба вуҷуд меорад. Ҳолиё, агар сатҳи зиндагиямонро бо солҳои пеш қиёс бинамоем, мебинем, ки он ба чандин маротиб беҳтар гардидааст. Дастовардҳо дар ҳамаи соҳаҳои муҳим он қадар зиёданд, ки дигар дар шумор овардани онҳо бас душвор мебошад.
Миллату давлатро туфайли заҳматҳои шабонарӯзӣ ва ин ҳама муваффақиятҳои бадастовардаашон дар дунё бештару беҳтар шинохтанд ва эътироф карданд. Пешвои миллат ба ин васила барои ҳар сокини кишвар шараф бахшиду ифтихор.
Саидислом АБДУҶАББОРЗОДА,
муовини сардори раёсати Агентии назорати
давлатии молиявӣ ва мубориза бо
коррупсияи Ҷумҳурии Тоҷикистон


Баёни ақида (0)    Санаи нашр: 17.10.2018    №: 203    Мутолиа карданд: 350

28.01.2020


Иқтидори энергетикии кишвар рӯ ба афзоиш дорад

Азнавбақайдгирӣ. Ҷараёни иҷро нигаронкунанда боқӣ мемонад

Тоҷикистону Эрон. Ҳамкориҳои гумрукӣ таҳким меёбанд

Ноҳияи Рӯдакӣ. Саноатикунонӣ дар мадди аввал

СММ ИМА ва Россияро ба тамдиди созишномаи ССҲ-3 даъват намуд

Аксарияти нафароне, ки мубталои коронавирус шуданд, аз 60 - сола боло мебошанд

Дар Қазоқистон бо офияти занҳое машғул мешаванд, ки аз Сурия баргаштанд

Ҳамлаи малах ба Африқои Ҷанубӣ боиси нигаронии сахти СММ шуд

Ҷаҳон дар як сатр

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст


Дар сомонаҳои дигари Тоҷикистон хонед