logo

иқтисод

ФАРХОР. Зиндагӣ ранги тоза мегирад

Меҳнати бардавому муваффақона ва ташкили дурусти кору масъулиятшинос будани ҳар фарди баномуси Ватан дар иҷрои вазифаҳои худ кишварро ободу зиндагии сокинонро рӯ ба беҳбудиву осоиш меорад. Заҳматкашони ноҳияи Фархор низ дар радифи дигар шаҳру навоҳии вилояти Хатлон баҳри он саъю талош меварзанд, ки бо меҳнати садоқатмандона ба натиҷаҳои баланд ноил гардида, рӯзгорашонро обод созанд.
Тавре Сулаймон Вализода, раиси ноҳияи Фархор, ҳангоми суҳбат ба хабарнигори рӯзнома иброз намуд, мақомоти иҷроияи маҳаллии ҳокимияти давлатии ноҳия давоми нуҳ моҳи соли ҷорӣ дар самти рушди соҳаҳои иқтисодию иҷтимоӣ корҳои муайянро анҷом додааст. Аз ҷумла, нақшаи андоз пурра иҷро гардида, ба буҷети маҳаллӣ 19 миллиону 894 ҳазор сомонӣ маблағ ворид шуд. Гардиши савдои чакана дар соҳаи савдо 89 миллиону 251,8 ҳазор сомониро ташкил дод, ки нисбат ба ҳамин давраи соли гузашта 10 миллиону 102,4 ҳазор сомонӣ зиёд мебошад.   
Барои бо ҷойи кори доимӣ таъмин кардани аҳолии ноҳияи Фархор шуъбаи агентии меҳнат ва шуғли аҳолӣ дар маркази ноҳия 10 маротиба ярмаркаи ҷойҳои нави корӣ ва вазифаҳои озод баргузор намуда, 94 шаҳрванд соҳиби ҷойи кор шуд. Инчунин, бо корбарии масъулони соҳа 270 нафар ба курсҳои бозомӯзии касбҳои гуногун фаро гирифта шуда, ба 1730 нафар ҷойи кор муҳайё гардид.
Дар ин давра бо дастгирии аҳолӣ ва шахсони саховатпеша дар 25 деҳа 22,22 километр роҳ ба маблағи 666600 сомонӣ таъмиру азнавсозӣ шуда, бо ташаббуси соҳибкор Ҷамолиддин Сафаров дар деҳаи Себи Сурхи Ҷамоати деҳоти Ватан чароғон ва мумфаршкунии 2 километр роҳи деҳа ба маблағи 1280 ҳазор сомонӣ ба анҷом расид. Иншооти дорои аҳамияти иҷтимоиву иқтисодӣ низ, аз ҷумла муассисаи таҳсилоти миёнаи умумӣ барои 100 хонанда дар мавзеи Ӯртабузи Ҷамоати деҳоти Фархор, 2 синфхонаи иловагӣ барои 40 хонанда бо маблағи 50 ҳазор сомонӣ дар деҳаи Золи Зар, хати оби ошомиданӣ дар деҳаҳои Гулистон ва Арча бо арзиши умумии 230 ҳазор сомонӣ, трансформатори 250/6 кВт ва 160/6 кВт дар деҳаҳои Гулшан ва Саховат ба истифода дода шуданд. Дар доираи татбиқи лоиҳа бо маблағгузории Бонки ҷаҳонӣ 4 маркази саломатӣ дар ҷамоатҳои деҳоти Ватан, Дарқад, Ғайрат ва Деҳқонариқ мавриди истифода қарор гирифта, то охири сол сохтмони маркази саломатӣ дар деҳаи Тоҷикистони Ҷамоати деҳоти Ғайрат ба анҷом мерасад. Сохтмони муассисаи таҳсилоти миёнаи умумии № 2 дар маркази шаҳраки Фархор, муассисаи таҳсилоти миёнаи умумии № 4 дар деҳаи Аловуддини Ҷамоати деҳоти Фархор, инчунин, дорухона, бунгоҳи тиббӣ ва марказҳои савдо мувофиқи лоиҳа идома доранд.
Соҳаи кишоварзӣ яке аз соҳаҳои муҳими хоҷагии халқ ба ҳисоб меравад. Кишоварзони ноҳия дар майдони 12572 гектар замин ғалладона ва дар 10880 гектар зироатҳо киштанд. Истеҳсоли полизиҳо дар ноҳия ба 25432 тонна расида, нисбат ба ҳамин давраи соли сипаришуда 1019 тонна зиёд мебошад. Барои истеҳсоли маҳсулоти ниҳоӣ кишоварзон ба корхонаҳои коркард то ба имрӯз 7500 тонна пахта супурданд. Истеҳсоли пилла низ 10 ҳазору 100 килоро ташкил дода, ба 101 дарсади нақша баробар аст.
Чорводорони ноҳия бошанд, дар давоми нуҳ моҳ 3359 тонна гӯшт, 18406 тонна шир, 169 тонна пашм, парандапарварон 1774,4 ҳазор дона тухм ва дигар заҳматкашон 21,5 тонна моҳӣ ва 34,3 тонна асали хушсифат истеҳсол карданд. Барои аз фасли сармо солим баровардани чорво то 1 октябри соли ҷорӣ беш аз 55565 тонна хошоки дурушт ва дигар ғизоҳои ширадор захира карда шуд. Аз ҷониби идораи давлатии беҳдошти замин ва обёрии ноҳия тоза кардани шабакаи заҳкашҳо аз тагшин ба дарозии 48,6 километр ва шабакаи обрасонӣ ба дарозии 84 километр ба анҷом расид. 
Чунин муваффақиятҳо, албатта, натиҷаи заҳмату талошҳои давлату Ҳукумат, бевосита Президенти мамлакат муҳтарам Эмомалӣ Раҳмон ба хотири пешрафти соҳаҳои афзалиятноки ҷумҳурӣ мебошад. Саҳми ҷавонону наврасони ояндасози миллат низ, ин ҷо кам нест. Барои ин     бахши кор бо ҷавонон ва варзиши ноҳияи Фархор дар байни наврасону ҷавонон 68 суҳбату вохӯриҳо, 70 чорабинии варзишӣ ва фарҳангию омӯзишӣ баргузор намуд. Варзишгарони ноҳия дар мусобиқаҳои байналмилалию ҷумҳуриявӣ ва минтақавӣ фаъолона иштирок намуда, 74 медали тилло, 49 медали нуқра ва 46 медали биринҷӣ, дар маҷмӯъ 169 медал ба даст оварданд ва ин ҳанӯз натиҷаҳои аввали кор аст.
Мақомоти иҷроияи маҳаллии ҳокимияти давлатии ноҳияи Фархор барои вусъат додани корҳои ободонию созандагӣ, ноил шудан ба беҳтарин нишондиҳандаҳои истеҳсолӣ, баланд бардоштани сатҳи зиндагии мардум ва орому муътадил нигоҳ доштани вазъи сиёсию иҷтимоии аҳолӣ аз тамоми шароит ва имконияти мавҷуда самаранок истифода бурда, чораҳои зарурӣ роҳандозӣ менамояд.
Муҳаммадзоиршоҳ ШАРИФЗОДА,
“Ҷумҳурият”


Баёни ақида (0)    Санаи нашр: 19.10.2018    №: 204    Мутолиа карданд: 210

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед