logo

иқтисод

МОИ: 10 соли ташаккул ва пешрафт

Дар кохи фарҳанги шаҳри Хуҷанд, ба муносибати даҳсолагии таъсиси нахустин минтақаҳои озоди иқтисодии Тоҷикистон, ҳамоиши байналмилалии иқтисодии “Суғд - 2018” баргузор гашт. Дар он намояндагони МОИ Россия, Ӯзбекистон, Қазоқистон ва Қирғизистон низ иштирок доштанд.
 
ТОҶИКИСТОН СОДИРКУНАНДАИ БАРҚ ДАР МИНТАҚА
Дар маросими ифтитоҳи ҳамоиш, раиси вилояти Суғд Раҷаббой Аҳмадзода ва муовини вазири рушди иқтисод ва савдои ҷумҳурӣ Тоҷиддин Ҷӯразода аз нақши калидии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арзи ҳастӣ кардани шакли барои иқтисоди миллӣ комилан нав - ташкили  минтақаҳои озоди иқтисодӣ ва рушди онҳо, пиёдасозии сиёсати истеҳсолоти воридотивазкунанда, тақвияти неруи содиротии кишвар, ташкили ҷойҳои нави кор сухан карданд. Барои ҳозирон тоҷикӣ ҳарф задани сафири Ҷумҳурии Украина дар Тоҷикистон Виктор Никитюк гуворо буд, ки дар манзари мавзӯи ҳамоиш ба ҳамкориҳои судманди ду кишвар, хосса дар соҳаи энергетика, дахл намуд. Ӯ зикр кард, ки қариб 70 дарсади таҷҳизоти энергетикии дар неругоҳҳои барқи обии Тоҷикистон истифодашаванда дар Украина истеҳсол шудаанд ва ин ҳамкорӣ зимни бунёди НБО Роғун бомуваффақият идома дорад. НБО Роғун на танҳо нишони истиқлолияти  энергетикии Тоҷикистонро дорад, ин иншооти нодир кишварро, ҳамчунин, ба содиркунандаи тавонои неруи барқ табдил медиҳад.
Роҳбари бахши иқтисодии дафтари барномаҳои САҲА дар Душанбе Эдвард Сафарян, намояндаи барномаи рушди СММ дар вилояти Суғд Мақсуд Орипов аз саҳми ин ниҳодҳои байналмилалӣ дар пешрафти МОИ дар мамлакат ёдовар шуданд.
 
“ДАНҒАРА” ВА “СУҒД” ПЕШ РАФТААНД
Коршиносон зимни ҳамоиш дар баромади хеш фаъолияти минтақаҳоро ба таҳлил кашиданд. Ба гуфтаи онҳо, ташкили минтақаҳои озоди иқтисодӣ иқдоми саривақтӣ ва судманди  Роҳбарияти олии кишвар ҷиҳати рӯи кор овардани шаклҳои муосири роҳандозии истеҳсолоти саноатӣ, дастгирии давлатии соҳибкорону сармоягузорони ватанию хориҷӣ ба ҳисоб меравад. Даҳ соли фаъолияти минтақаҳо бо натиҷаҳои баланд дурустии сиёсати нави иқтисодиро, ки бо ташкили МОИ “Суғд” ва “Панҷ” шурӯъ шуд, собит намуд. Соли 2011 ду минтақаи дигар “Данғара” ва “Ишкошим” арзи ҳастӣ кард. Худи ҳамон сол Пешвои миллат дар маросими ифтитоҳи нахустин субъекти МОИ “Суғд” корхонаи муштараки Тоҷикистону Туркия “Силкоат Бойя” иштирок карданд. Зимнан, солҳои минбаъда низ калонтарин корхонаҳо бо иштироки Сарвари давлат мавриди истифода қарор гирифтанд. Чунин анъанаи фотеҳаи неки Пешвои муаззами миллатро гирифтан дар МОИ “Данғара” низ идома ёфт. Ин амал аз он шаҳодат медиҳад, ки Сарвари давлат бевосита ба фаъолияти минтақаҳо чун омили муҳими рушди иқтисоди миллӣ таваҷҷуҳи хосса доранд ва супоришу маслиҳатҳояшон боиси пешрафти пайвастаи онҳо ва ҳалли мушкилоти мавҷуда  мегардад.
Дар ин  давра аз буҷети давлатӣ барои бунёди инфрасохтор ва нигоҳдории маъмурияти минтақаҳо қариб 30 миллион сомонӣ ҷудо гардидааст. Бо ташаббуси Ҳукумат субъектҳои МОИ аз кулли андозҳо ва боҷи гумрукӣ озод карда шуда, воридоту содироти мол бидуни боҷ сурат мегирад. Дар натиҷаи тадбирҳои андешидашуда ва фароҳам овардани шароити мусоиди фаъолият айни замон теъдоди ширкатҳо, аз ҷумла корхонаҳои муштарак, дар чор минтақа аз 60 адад гузаштааст. Дар ин муддат беш аз 1000 нафар бо ҷои кор ва маоши хуб таъмин гашт. Аксари ҷойҳои кор дар ду минтақа - “Данғара” (беш аз 500 ҷои кор) ва “Суғд” (416) ташкил карда шудаанд.
Агар соли 2011 дар МОИ “Суғд” ҳамагӣ 11,4 миллион сомонӣ маҳсулот истеҳсол шуда бошад, соли гузашта он ба беш аз 80 миллион сомонӣ расонда шуд. Дар маҷмӯъ, маъмурияти “Данғара” қариб 1,5 миллиард сомонӣ, “Суғд” 51,4 миллион сомонӣ ва “Панҷ” 9,4 миллион сомонӣ сармоя ҷалб кардаанд. Афзалияти яқини МОИ “Данғара” аз он бармеояд, ки дар ин ҷо корхонаи азими коркарди нафт “ТК Ойл” бунёд меёбад. Ду минтақаи пешсаф “Суғд” ва “Данғара” ба буҷети давлат мутаносибан 7,9 миллион ва 10,2 миллион сомонӣ андоз, инчунин, 44,9 миллион ва 2,1 миллион сомонӣ боҷи гумрукӣ ворид намудаанд. Яъне хароҷоте, ки давлат барояшон кардааст, барзиёд ҷуброн шудааст.
Дар ҳамоиш зикр шуд, ки минтақаҳои озоди иқтисодии “Панҷ” ва “Ишкошим” низ ояндаи нек доранд.
Хуршеди ҶОВИД,       
Ҷовиди АШТӢ, “Ҷумҳурият” 


Баёни ақида (0)    Санаи нашр: 19.10.2018    №: 204    Мутолиа карданд: 213

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед