logo

ҳуқуқ

ПАЁМАДИ ГУМРОҲӢ. БОЗ ЯК ИФРОТӢ БА ШАШ СОЛИ ЗИНДОН МАҲКУМ ШУД

Солҳост, ки башарият ба тамоми забонҳо аъмоли ваҳшиёна, баду нангин ва фасодкоронаву ғайриинсонии гурӯҳи ба ном “Давлати исломӣ” -  ро, ки дар Ироқу Сурия  мардуми осоиштаро ба қатл расонда, занону кӯдаконро ба хоку хун кашидаанд, тавҳин менамояд. Манзараҳое мағшуш чун қатли модари хеш, даҳшатафканӣ, террору ифрот ва нобуд кардани осори гаронбаҳои тамаддуни инсоният ва ба харобазор табдил додани кишварҳои ободу зебо, ки аз ҷониби аъзои ин гурӯҳ ба анҷом расидааст, нафрати ҷомеаи ҷаҳонро ба бор овардааст.  Онҳо бо чунин аъмолашон ба дини поки мубини ислом фақат иснод меоранду халос.
Боиси таассуф аст, ки то имрӯз баъзе ашхоси бехираду ноогоҳ ва ба қавле  “нобинову ношунаво” тавассути  интернет ба доми макру ҳияли аъзои ин гурӯҳ меафтанд.
Саиджиҳод Манонов, сокини деҳаи Пешқадам-1-и Ҷамоати деҳоти Намунаи ноҳияи Панҷ,  соли 2017 ҳангоми дар шаҳри Санкт-Петербурги Федератсияи Россия қарор доштанаш, бо як узви иттиҳоди экстремистӣ - террористии “Давлати исломӣ” робитаи интернетӣ пайдо намуда, огоҳ гардидааст, ки баъзе аз шаҳрвандони  Тоҷикистон барои иштирок дар задухӯрдҳои мусаллаҳонаи мазҳабиву динӣ ва амалиётҳои ҷангӣ дар ҳудуди Сурия ба ҳайати иттиҳоди террористии “Давлати исломӣ” аъзо гардидаанд. Инчунин, ӯ мунтазам аз аъзои иттиҳод оид ба фаъолияти онҳо маълумот гирифта, ақидаи онҳоро дастгирӣ ва омодагиашро барои маблағгузории иттиҳоди террористии “Давлати исломӣ” изҳор кардааст. Сипас, ӯ бо як узви иттиҳод бо тахаллуси “Шом”, ки шахсияташ ба тафтишот номаълум аст, ба воситаи сомонаи интернетии “Zello” робита пайдо карда, аз номбурда таълимоти ифротгароёна гирифтааст.
Ӯ охирҳои моҳи августи соли 2017  дидаву дониста, ки “Шом” дар ҳайати “Давлати исломӣ” ҳамчун террорист фаъолият дорад, барои пеш бурдани фаъолияти иттиҳоди ҷиноятӣ ба воситаи низоми интиқоли маблағи электронии “Киви кошелёк” ба суратҳисоби номбурда 1000 рубли русӣ гузарондааст. Расиди онро бошад, ба воситаи телефони мобилии худ расм гирифта, ба воситаи барномаи «Zello»  ба номбурда фиристода, сипас, аз телефони мобилиаш ва барномаи «Zello» тоза кардааст. «Шом» баъди гирифтани маблағ изҳори миннатдорӣ баён карда, фаҳмондааст, ки ҷиҳоди кардаи ӯ дар «дафтари аъмол” - аш навишта мешавад.
Дар ҳақиқат, ӯ дарсҳои аъзои «Давлати исломӣ»-ро гӯш карда, мақсад доштааст, ки барои ҷиҳод ба Сурия равад. Аммо, модераторон ба ӯ гуфтаанд, ки вазъи муҷоҳидон дар Сурия бад шудааст ва хоҳиш карданд, ки ба Ҷумҳурии Исломии Афғонистон ҳозир шавад. Барои ба ин давлат рафтан, роҳ ва дигар нафаронро ҷустуҷӯ доштааст. 25 сентябри соли 2017 ӯро кормандони политсияи шаҳри Санкт - Петербург дастгир карда, бинобар нодуруст будани ҳуҷҷатҳои муҳоҷиратиаш ба Ҷумҳурии Тоҷикистон ихроҷ мекунанд, ки дар фурудгоҳи шаҳри Душанбе  аз ҷониби кормандони милитсия дастгир гардид.
Суди ноҳияи Синои шаҳри Душанбе таҳти раисии  судя Раҳмиддин Раҳимзода парвандаи ҷиноятӣ нисбат ба Саиджиҳод Маноновро баррасӣ намуда, ӯро тибқи моддаи 1792 қисми 1 Кодекси ҷиноятии Ҷумҳурии Тоҷикистон гунаҳгор дониста, ба муҳлати  6 сол аз озодӣ маҳрум кард. Ҳукми суд дар мавриди С.Манонов, ҳушдорест барои дигарон, ки худро аз доми фиреби гурӯҳҳои ифротгаро канор гиранд ва ба чунин аъмоли ношоиста, ки оқибаташ ҷуз зиндону доғдор намудани рӯзгори худ чизи дигаре нест, парҳез кунанд.
М. САФАРОВ,
«Ҷумҳурият»


Баёни ақида (0)    Санаи нашр: 22.10.2018    №: 205    Мутолиа карданд: 166

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед