logo

иҷтимоиёт

ФЕДЕРАТСИЯИ ФУТБОЛИ МИНТАҚАИ РАШТ. ИЛҲОМИ ТОЗАИ НАСЛИ НАВ

Рӯзномаи «Ҷумҳурият» чанде пеш дар бораи баргузории конфронси ҳисоботӣ - интихобии Федератсияи футболи минтақаи Рашт дар ноҳияи Тоҷикобод иттилоъ дода буд, ки дар он раисони шаҳру ноҳияҳои Роғун, Нуробод, Тоҷикобод, Сангвор, Рашт ва Лахш иштирок доштанд. Бо ҳамовозии аъзои федератсия Ҳасан Дӯстзода раиси нави ин ниҳод интихоб гардид. Дар иртибот ба ин, мо тасмим гирифтем, ки доир ба натиҷаҳои фаъолияти федератсия  ба хонандагон маълумот диҳем.

АЗ СИНФҲОИ МАХСУС ТО МУСОБИҚОТИ БАЙНАЛМИЛАЛӢ
- Футбол яке аз намудҳои сермухлистарини варзиш буда, рушди он на танҳо барои солимии  ҷомеа, балки барои муаррифии шоистаи кишвар дар ҷаҳон мусоидат мекунад. Барои дарёфти чеҳраҳои нав ва дар ин росто таъсис додани синфи махсуси футбол дар доираи барномаи вижаи ҷумҳуриявии «Орзу – 2026» дар марҳилаи аввал 14 футболбози навраси ноҳияҳо аз ҷониби мутахассисони соҳа интихоб шуданд. Дар марҳилаи дувум боз 11 футболбози навраси болаёқат ҷалб карда мешавад, - гуфт зимни суҳбат Ҳасан Дӯстзода.
Ӯ афзуд, ки тайи ин моҳҳо ду фестивали футбол баргузор гардид, ки дар доираи онҳо аз ҷониби ФФР ба дастаҳои иштирокчӣ тӯб ва дигар лавозимоти зарурӣ тақдим шуд.
Бо пешниҳоди ФФР ва дастгириҳои президенти Федератсияи футболи Тоҷикистон Рустами Эмомалӣ дар шаҳри Роғун ва ноҳияҳои Рашту Нуробод майдончаҳои варзишии замонавӣ сохта мешаванд, ки ба рушди футбол дар ноҳияҳои дурдаст мусоидат хоҳанд кард.
- Мавриди тазаккур аст, ки дар Рашт Маркази минтақавии омодасозии футболбозон таъсис дода мешавад, ки садҳо кӯдакону наврасони ноҳия имкони иштирок дар мусобиқоти гуногуни сатҳи ҷумҳуриявӣ ва, ҳатто, байналмилалӣ пайдо мекунанд, - мегӯяд Ҳ. Дӯстзода.
Ин иқдомҳо барои минбаъд ташкил кардани дастаҳои футбол дар ин минтақа заминаи мусоид фароҳам меоварад. Ва умедворем, ки солҳои наздик аз минтақаи Рашт низ дастаҳоро дар чемпионати лигаҳои якум ва олӣ хоҳем дид.

МУСОБИҚАИ ЛИГАИ ДУЮМИ ФУТБОЛИ МИНТАҚАИ РАШТ
Бояд гуфт, ки дар се мавсими сипаригардидаи Лигаи дуюми Тоҷикистон дар минтақаи Рашт аз панҷ то шаш дастаи футбол ширкат варзида, ду маротиба тими «Меҳргон» - и Нуробод ва як дафъа дастаи «Рашт» - и Рашт ғолиб омада буданд.
Ин мавсим бошад, шаш даста – «Меҳргон» - и Нуробод, «Ҷавонон»-и Роғун,  «Чашма» - и Тоҷикобод, «Хингоб» - и Сангвор ва «Сурхоб» - и Лахш байни ҳам рақобат карданд ва дар ин қувваозмоиҳо тими «Чашма» - и Тоҷикобод пирӯз гашта, соҳиби унвони чемпионӣ гардид.
Дар робита ба ғалабаи дастаи «Чашма», раиси ноҳияи Тоҷикобод Нодираи Маҳмадисо, ҳамзамон муовини раиси ФФР, зимни суҳбат иброз дошт, ки басо сарфарозем, ки дастаамон бори аввал дар мусобиқаи Лигаи дуюм миёни дастаҳои минтақаи Рашт унвони чемпиониро ба даст овард. Солҳои аввали таъсиси даста мушкилиҳо кам набуданд. Мо онҳоро бо дастгирии соҳибкорон тадриҷан бартараф кардем. Имсол бошад, барои ба бозиҳои сафарӣ рафтани даста онро бо нақлиёт таъмин намудем.

МАРКАЗИ НАВИ ФУТБОЛ ТАШАККУЛ МЕЁБАД
Дар ҳамаи ноҳияҳои минтақа мактабҳои варзишӣ фаъолият доранд, ки дар онҳо кӯдакону наврасон ба машқу тамрин фаро гирифта шудаанд. Барои дарёфти чеҳраҳои нав айни замон мусобиқаи минтақавии «Тӯби чармин» ҷараён дорад, ки охири моҳ ҷамъбаст хоҳад гашт.
Чуноне Усмоналӣ Сафаров афзуд, барои ҷалби шумораи бештари кӯдакону наврасон ба ин риштаи варзиш қариб дар тамоми ҷамоатҳои шаҳраку деҳот майдончаҳои футбол бунёд шуда истодааст.
- Фаъолияти босамари имсолаи футболи тоҷик, бавижа бо натиҷаи камназир баргаштани наврасони тоҷик аз Чемпионати Осиё - 2018 ва пеш аз ҳама аз тарафи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қадрдонӣ гаштани онҳо футболбозони ҷавони моро боз ҳам рӯҳу илҳоми тоза бахшид, - афзуд Ҳасан Дӯстзода.
Оғози фаъолияти федератсияи нав моро бар он умедвор мекунад, ки Рашт ба маркази рушди футбол табдил хоҳад ёфт ва истеъдодҳои тозакашф дар рушди минбаъдаи ин намуди варзиш ҳиссаи шоиста мегузоранд.
Маҳмуд ҶӮРАЕВ,
Бузургмеҳри БАҲОДУР,
«Ҷумҳурият»

 


 


Баёни ақида (0)    Санаи нашр: 23.10.2018    №: 206    Мутолиа карданд: 288
27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД


Дар сомонаҳои дигари Тоҷикистон хонед