logo

туризм

РӮШОН - ДИЁРИ ҲУНАРҲОИ МАРДУМӢ

Рӯшон диёри ҳунарҳои мардумӣ аст. Ин ҷо миёни кӯҳсорони сарбафалаккашида кам касеро бекору беҳунар меёбед. Халқ бо завқу мароқи зиёд маҳсулоти дастӣ меофаранд ва пешаи гузаштагонро аз насл ба насл интиқол медиҳанд. Намоиши  ҳунарҳои  мардумие, ки дар майдони варзишии деҳаи Деҳрӯшон ва тарабхонаи “Наим” доир  гардид, ин  фикрро  куллан исбот  намуд.
Бино ба иттилои мақомоти иҷроияи маҳаллии ҳокимияти давлатии ноҳия ин нахустин намоише буд, ки ҳамаи ҷамоатҳои деҳот ҳунарҳои мардумии худро пешкаши иштирокдорони бешумори чорабинӣ гардонданд. Маҳз ҳамин ҳамоиш ба  пешрафти кор дар  ин  самт такони тоза бахшида, пешниҳоди дастранҷи ҳунармандони мардумӣ дар бозорҳои ноҳия  ва маркази  вилоят рӯ ба афзоиш ниҳод.
Минбаъд, маъракаву чорабиниҳои вилоятӣ, ноҳиявӣ ва маҳаллиро намоиши ҳунарҳои мардумӣ зебу зиннати тоза бахшиданд. Ҳунармандони ноҳия маҳсули дасташонро ба рӯзҳои фарҳанги ВМКБ дар вилоятҳои Суғду Хатлон низ бурда, аз ҷониби тамошобинон баҳои баландро сазовор гардиданд.
Мақомоти иҷроияи маҳаллии ҳокимияти давлатии ноҳия баҳри боз ҳам ривоҷи ҳунарҳои мардумӣ соҳибкорону ҳунармандони маҳаллиро ҳамаҷониба дастгирӣ менамояд. Соли равон дар деҳаи Даржомч корхонаи хурди бофандагӣ  мавриди  баҳрабардорӣ  қарор  мегирад, ки  барои ташкили он Ҳалима Чоршанбиева соҳиби Гранти президентӣ гардид. Фаъолияти ин корхона имкон медиҳад, ки ҷӯробҳои бартангӣ, ки миёни мардум маҳбубияти хос доранд, зиёдтар истеҳсол карда шавад. Ҳадаф  аз  ташкили  чунин  корхонаҳо  на танҳо афзоиши истеҳсол, балки ташвиқи ҳунарҳои  мардумӣ мебошад. Воқеан, сайёҳони хориҷӣ ба ҷӯробҳои  бартангӣ, ки  бо  нозукиҳои  худ  аз  ҷӯробҳои дигар  минтақаҳои  Бадахшон  фарқ  мекунанд, таваҷҷуҳи махсус доранд.
Маълум  аст, ки  ноҳияи  Рӯшон дар   Бадахшон  бо боғҳои  худ, бахусус  тутзоронаш  машҳур аст. Бо  мақсади  муаррифии  бештари ин меваи лазиз ва маҳсулоти аз он таҳияшуда дар боғи марказии деҳаи Барӯшон нахустин ҷашни ин меваи биҳиштӣ - Иди тут доир гардид. Намояндагони ҷамоатҳои деҳот намудҳои гуногуни тут, маҳсулоти  хӯрокворӣ  ва  дорувории дастии аз меваи тут омодакарда, асбоби мусиқиву ашёи аз чӯби тут тарошидашударо  манзури ҳозирин гардонданд. Тантана собит сохт, ки мардуми кӯҳистон аз даврони қадим тахайюлоти бой ва истеъдоди нодиреро доро ҳастанд.
Бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  ҳунармандони тоҷик имконият пайдо намуданд, ки бо сарулибос, созу асбоби  мусиқии миллӣ, рақсу суруди мардумӣ  дар саҳнаҳои бошукӯҳи мамолики мухталифи  дунё ҳунарнамоӣ карда, дили  оламиёнро тасхир  намоянд. Президенти кишвар муҳтарам Эмомалӣ Раҳмон  азбайнравии баъзе аз ҳунарҳои бостонии халқро ба инобат гирифта, барои эҳё ва  рушди ҳунарҳои  миллӣ ташаббуси нав – Соли рушди сайёҳӣ ва ҳунарҳои мардумиро роҳандозӣ карданд.
Имрӯз дар ноҳия 72 муассисаи фарҳангӣ, аз ҷумла 10 хонаи фарҳанг, 16 клуби деҳот, 1 театри халқӣ мавҷуд мебошад, ки дар назди онҳо  маҳфилҳои рақс,  доирабазм, дафсоз,  мадҳияхонӣ, сарояндагӣ  ва дар мактаби санъати ноҳия шуъбаҳои созҳои халқӣ, синфҳои рақс, гулдӯзӣ, этнография ва санъати тасвирӣ фаъолият менамоянд. Ин муассисаҳо дар ривоҷи ҳунарҳои мардумӣ саҳми арзанда гузошта, наврасонро дар рӯҳияи  арҷгузорӣ  ба  фарҳанги  миллӣ  ва ҳунарҳои  мардумӣ  тарбия менамоянд. 
Боиси шарафмандии мардуми кӯҳистон аст, ки орзуи деринаи онҳо -  ташкили ансамбли этнографии тарона ва рақси “Навои Рӯшон” ҷомаи амал пӯшид. Акнун мардуми санъатдӯсти  ноҳия дар эҳё  ва рушди фарҳанги миллӣ саҳми бештар  хоҳад гузошт. 
Раҳмони  ГУЛЗОР, “Ҷумҳурият”

 

 


 


Баёни ақида (0)    Санаи нашр: 31.10.2018    №: 212    Мутолиа карданд: 523
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед