logo

ҳуқуқ

АВБОШӢ. ҶИНОЯТКОР БА ПАНҶ СОЛИ ЗИНДОН МАҲКУМ ШУД

Пойтахти кишвари азизамон шаҳри Душанбе тайи солҳои охир ба як шаҳри ободу зебо мубаддал гардидааст, ки назираш дар олам кам аст. Бахусус, аз лиҳози бехатарӣ ва риояи тартиботи ҷамъиятӣ назар ба солҳои қаблӣ садҳо маротиба хубтару беҳтар гардидааст. Сокинону меҳмонони пойтахт дар кадом ғояте, ки набошад, дилпурона ба ҳар куҷое, ки хоҳанд мераванд. Амният ва оромӣ беҳтарин неъмат аст, ки дар ин самт хидмати мақомоти ҳифзи ҳуқуқ назаррас аст. Мутаассифона, кирдори баъзе сокинон доғест бар авроқи сафеди шаҳр.
Фаридун Қурбонов бегоҳии 15 июли соли равон ҳангоми дар хиёбони Рӯдакии шаҳри Душанбе қарор доштанаш шаҳрванд Алиакбари Мамадро, ки бо сагаш сайругашт мекард, вомехӯрад. Баъдан ба шиносаш Акобир Ғафуров занг зада дархост менамояд, ки саги мувофиқ пайдо кардааст ва мехоҳад онро бо саги ӯ ҷанг андозад. Бо гирифтани розигӣ ӯ ҳамроҳи Алиакбари Мамад ва Далер Солиев ҳамон рӯз ба назди кӯли «Ҷавонон», воқеъ дар кӯчаи Ҳофизи Шерозӣ рафта, дар ҷойи ҷамъиятӣ сагҳоро ба ҳам ҷанг меандозанд. Дар ин вақт муҳофизи кӯл Даҳмурод Шарифов бо саги худ ҳозир шуда, аз онҳо тарк кардани ҳудуди кӯлро талаб мекунад. Ба ин дархост Ф. Қурбонов аҳмият надода, баръакс талаб мекунад, ки ӯ ба хотири халал надодан ба ҷанги сагон саги худашро гирифта, аз он ҷо равад. Вале муҳофизи кӯл инро рад намуда, тарк кардани ҷойи ҳодисаро талаб мекунад. Фаридун Қурбонов ба ғазаб омада, муҳофизро дашномҳои қабеҳ дода, аз ҷайбаш кордро бароварда, ба тарафи ӯ ҳуҷум мекунад. Ин лаҳза бачаҳои дар он ҷо буда, садди роҳи ӯ мегарданд. Аз ҷумла, Шариф Исоев муҳофизро як тараф тела медиҳад. Фардун Қурбонов аз ҷаҳолат ҳаракатҳои авбошонаашро идома дода, бо корди дар даст доштааш ба рони пои чапи Шариф Исоев зарба зада, ӯро  маҷрӯҳ месозад. Ин навбат Акобир Ғафуров аз пеш Ф. Қурбоновро медорад, вале ӯ бо корд ба рони пойи рост ва панҷаи дасти чапи ӯ низ ҷароҳатҳои ҷисмонӣ мерасонад. Ҷинояткор бо дарки нодурустии рафтор ва дастгир нашуданаш, то ҳозир шудани кормандони милитсия ҷойи ҳодисаро тарк намуда, кордро ба ҷойи номаълум мепартояд.
Дар натиҷаи ҳаракатҳои авбошонаи Ф. Қурбонов тартиботи ҷамъиятӣ дағалона вайрон шуда, нисбат ба атрофиён беҳурматии ошкоро зоҳир мегардад ва бо истифодаи силоҳ дар намуди корд ба ду нафар ҷароҳатҳои ҷисмонӣ расонда мешавад. Мувофиқи хулосаи экспертизаи судӣ - тиббӣ ҷароҳатҳои бардоштаи ҷабрдидагон бо аломатҳои ноҷурии кӯтоҳмуддат ба муҳлати на зиёда аз 21 рӯз маҳсуб ёфта, ба зарари сабук мансуб мебошанд.
Суди ноҳияи Исмоили Сомонӣ таҳти раёсати судя Ғайрат Сангинзода дар мурофиаи ошкорои судӣ 2 октябри соли 2018 парвандаи ҷиноятиро нисбат ба Фаридун Қурбонов баррасӣ намуда, ӯро бо моддаи 237 қисми 3 банди «а» Кодекси ҷиноятии Ҷумҳурии Тоҷикистон гунаҳгор донист. Нисбат ба ӯ бо ҳукми суд ҷазои маҳрум сохтан аз озодӣ ба муҳлати 5 сол бо нигоҳ доштан дар колонияҳои ислоҳии дорои низомаш пурзӯр таъйин карда шуд.
Мунаввари САФАР,
«Ҷумҳурият»

 

 

 
 


Баёни ақида (0)    Санаи нашр: 12.11.2018    №: 219    Мутолиа карданд: 159

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед