logo

иқтисод

ШАҲРИ ТУРСУНЗОДА. СОЛИ ФАРОВОНҲОСИЛӢ

Кишоварзони шаҳр бо истифода аз имкониятҳои фароҳамшуда заминро ҳамчун воситаи муҳими таъмини амнияти озуқаворӣ истифода мебаранд. Соли равон онҳо  пурсамар фаъолият намуда, ҳосили дилхоҳу фаровон рӯёнданд. Самараи меҳнати деҳқонони шаҳр боиси фаровонии маҳсулот дар бозорҳои он гашт.
Ҷаҳонгир Равшанов, сардори раёсати кишоварзии шаҳр, гуфт, ки деҳқонони заҳматпешаи шаҳри мо дастуру ҳидоятҳои Сарвари давлатро сармашқи кори худ намуда, дар нуҳ моҳи соли ҷорӣ ба дастовардҳои назаррас ноил гаштанд. Ҳаҷми маҷмӯи маҳсулоти кишоварзӣ дар ин давра ба зиёда аз 43 миллион  сомонӣ расонда шуд, ки нисбат ба соли гузашта 110,9 дарсад афзудааст.
Васеъ намудани майдони зироатҳои кишоварзӣ ва дар ин замина боло бурдани ҳаҷми истеҳсолот дар баланд гардидани сатҳи зиндагии мардуми он  мусоидат намуд.  Соли ҷорӣ дар натиҷаи сари вақт ва  бо сифати баланд гузарондани кишти зироатҳои тирамоҳию баҳорӣ хоҷагиҳои шаҳр қариб 21 ҳазор гектар зироатҳои гуногун кишт намуданд. Аз баракати меҳнати кишоварзони шаҳр соли ҷорӣ истеҳсоли пахта ба 4100 тонна, ғалла 30222, картошка 8122, сабзавот наздики 76 ҳазор, полизӣ 3394, меваҷот 2396, ангур 15449,  гӯшт 3203, шир беш аз 20 ҳазор,  пилла 12, пашм 60, асал 14 тонна ва тухм ба 2589 ҳазор дона расид, ки нисбат ба соли гузашта истеҳсоли бештари маҳсулот афзудааст.
Яке аз омилҳои асосии тақвияти пешрафти иқтисодиёти кишвар соҳаи пахтакорӣ ба ҳисоб меравад. Бо ин мақсад олимон ба деҳқонон навъҳои нави серҳосили пахтаро пешниҳод менамоянд. 
- Имсол аз рӯи дурнамо кишоварзони шаҳр майдони кишти пунбадонаро ба 2264 гектар расонданд. Корҳои агротехникӣ дар пахтазор тибқи технологияи нави парвариш сурат гирифта, то имрӯз 4100 тонна  пахта рӯёнда шуд. Барои афзоиши истеҳсоли пахта ва таъмини корхонаҳои саноатӣ бо ашёи хоми маҳаллӣ кишоварзон ба тухмиҳои хушсифат рӯ оварданд. Соли ҷорӣ 373 тонна тухмии пумбадонаи навъҳои «ИрамR2», «Флора R2», «Зуҳал», «ДП-5111R2», «Дӯстӣ», «Ориёӣ» дар заводи пахтатозакунии «Утаган-КА» коркард ва захира карда шуд, - мегӯяд Ҷ. Равшанов.
Дар ҳудуди шаҳр аз ҷониби сокинон ва кормандони шуъбаи ҳифзи муҳити зист ба кабудизоркунӣ низ таваҷҷуҳи ҳамаҷониба зоҳир мегардад. Ин давра аз ҷониби аҳолии ҷамоатҳои деҳот ва корхонаву ташкилотҳо 50129 бех ниҳол, аз ҷумла сояафкани ороишӣ, мевадиҳанда ва гулҳои садбаргу мавсимӣ шинонда шуд. 
Боғу токпарварӣ  низ соҳаи даромадноки шаҳр аст. Дар ҳудуди шаҳр 1089 гектар боғ ва  3119 гектар токзор мавҷуд буда,  сафи боғпарварони ботаҷриба рӯз то рӯз афзуда истодааст. Танҳо дар нуҳ моҳи соли равон  11,5 гектар боғу токзори нав бунёд ёфтааст.  Аҳли хоҷагиҳои “Боғи Сомон”, “Ватан” ва “Ҳоҷӣ Неъмат” - и шаҳр ҳамасола дар натиҷаи заҳмату талошҳои шабонарӯзӣ  ҳосили дилхоҳ ба даст меоранд ва дар таъмини бозорҳои дохилӣ, ҳамчунин, содироти меваҳои хуштаъму серхарид ба мамолики дуру наз- дик саҳми назаррас мегузоранд.
Боздиди меҳмонони олиқадр  Асосгузори сулҳу ваҳдати миллӣ - Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон ҳамроҳ  бо сарварони  ҷумҳуриҳои Ӯзбекистон муҳтарам Шавкат Мирзиёев ва Беларус муҳтарам Александр Лукашенко  27-29 сентябр аз боғоту токзори шаҳр аз пешрафти соҳа дар ин ҷо шаҳодат медиҳад. Дар ин рӯзҳо мизбонон зиёда аз 70 тонна маҳсулоти хоҷагии қишлоқ, 2000 дона гултубакҳои ҳархеларо дар шакли манора ба намоиш гузошта, меваҳои шаҳдбори Ватанро ба меҳмонони гиромиқадр пешкаш намуданд.
Кишоварзони шаҳр, ҳамчунин, саҳми намоёни худро дар ярмарка - фурӯши маҳсулоти кишоварзии ҷумҳурӣ гузошта, маҳсули дастранҷи худро бо нархи нисбат ба бозор арзон пешкаши сокинон  мегардонанд.
М. ШАРИПОВА, “Ҷумҳурият”


Баёни ақида (0)    Санаи нашр: 03.12.2018    №: 237    Мутолиа карданд: 218

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед