logo

иқтисод

НУРОБОД. МАРҲИЛАИ НАВИ СОЗАНДАГӢ

Зери таваҷҷуҳи бевоситаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳия давоми соли равон сохтмони корхонаҳои саноатию хизматрасонӣ  ва таъмини аҳолӣ бо маҳсулоти маҳаллӣ вусъати тоза гирифтанд.
Ҳасан Дӯстзода, раиси ноҳия, иброз дошт, ки аз тарафи мақомоти иҷроияи маҳаллии ҳокимияти давлатии ноҳия барои соҳибкорон ҷиҳати сохтани корхонаҳои хурду бузурги саноатӣ имконияту шароити зарурӣ муҳайё гардидааст. Аз соли 2012 то кунун 14 корхона ва коргоҳҳои саноатӣ ба фаъолият пардохтанд. Аз ҷумла, корхонаи хишти “Ёнур”, ки аз соли 2012 то имрӯз бо иқтидори солонаи 750 000 дона фаъолият менамояд, дар пешбурди кори бунёди иншооти шаҳраки Дарбанд ва дар маҷмӯъ, ноҳияи Нуробод саҳми калон дорад. Хишти корхона босифату арзон буда, сари вақт ба мизоҷон дастрас мегардад. Корхонаҳои асфалтбарории деҳаҳои Чорсада, Сари Пул ва корхонаи хурди истеҳсоли сангу шағал дар деҳаи Комсомолобод низ бо фаъолияти пурсамари худ ба ободонӣ ва асфалтпӯш кардани шоҳроҳи байналмилалӣ ва роҳҳои маҳаллӣ мусоидат менамоянд. Корхонаҳои истеҳсолии  “Симо-1”, хишти сементӣ дар деҳаҳои Тухчӣ, Хумдон, Обилурд, дару тирезаҳои пластикӣ дар деҳаи Обилурд ва коргоҳҳои хурди коркарди чӯб дар деҳаҳои Комсомолобод, Хумдон, Ҳакимӣ ва Муҷихарф баҳри беҳбудии корҳои сохтмонӣ роҳандозӣ шудаанд.
Корхонаи истеҳсолии маҳсулоти ширии ҶДММ «Шири Нуробод», дар деҳаи Лаби Ҷар 50 сар чорвои калон, 100 сар асп, 400 сар гӯсфанд, 100 оила занбӯри асал ва 1 гектар ҳавзи моҳипарварӣ дар ихтёр дошта,  аҳолии ноҳия ва ҳам ноҳияҳои Рашт, Тоҷикобод, Сангвор ва Лахшро бо маҳсулоти ширӣ таъмин менамояд. Дар назди корхонаи мазкур коргоҳи бандубасти равғани рустанӣ низ фаъолият намуда, дар  як шабонарӯз 10 тонна маҳсулотро дар зарфҳои гуногуни пластикӣ бандубаст намуда, ба аҳолии минтақа пешниҳод менамояд.  Дар арафаи Ҷашни 27- солагии Истиқлолияти давлатии Ҷумҳурии Тоҷикистон, корхонаи парандапарварӣ бо иқтидори 5000 сар дар Ҷамоати деҳоти Комсомолобод аз тарафи соҳибкори маҳаллӣ сохта, ба истифода дода шуд.
Илова ба коргоҳҳои мавҷуда, аз тарафи соҳибкорони маҳаллӣ мавриди баҳрабардорӣ қарор гирифтани корхонаҳои нави истеҳсолӣ дар ҷамоатҳои шаҳраку деҳоти ноҳия ба нақша гирифта шудааст. Аз ҷумла, корхонаҳои парандапарварӣ дар ҷамоатҳои деҳоти Хумдон, Сафедчашма, истеҳсоли нон ва маҳсулоти он дар Ҷамоати шаҳраки Дарбанд, коркарди шир ва фермаи зотпарварӣ дар Ҷамоати деҳоти Хумдон, коркарди чӯб дар Ҷамоати шаҳраки Дарбанд ва, ҳамчунин, бунёди 2 коргоҳи хурди истеҳсоли хиштҳои сементӣ идома дорад.
Барои истифодаи босамари имкониятҳои мавҷуда дар самти коркард, бандубаст ва афзоиши содироти меваю сабзавот низ дар ноҳия як зумра корҳои назаррас ба сомон расонда шудаанд. Соли равон бо дастгирии Бонки ҷаҳонӣ як адад таҷҳизоти мева ва сабзавотхушккунак ба Ассотсиатсияи хоҷагиҳои деҳқонии ноҳия тақдим гардид, ки ба пешрафти  кори хоҷагиҳо мусоидат намуд. Ҳамчунин, аз ҷониби соҳибкорони ватанӣ хариди таҷҳизоти хурди коркард ва бандубасти маҳсулоти кишоварзӣ дар назар аст.
- Вобаста ба бунёди корхонаву коргоҳҳои истеҳсолӣ, инчунин, ворид намудани технологияҳои инноватсионӣ нақша - чорабиниҳо иборат аз 8 банд таҳия ва бо қарори раиси ноҳия аз 1 феврали соли 2018, таҳти рақами 29 тасдиқ гардидааст. Ҷиҳати бунёди коргоҳҳои истеҳсолӣ ба соҳибкорону сармоягузорон ва дигар шахсони саховатпеша дар ноҳия фазои мусоид фароҳам оварда шуда, иқдоми созандаи онҳо аз ҷониби бахшҳои давлатӣ ҳамаҷониба дастгирӣ меёбад, - гуфт Ҳасан Дӯстзода, раиси ноҳияи Нуробод.
Дилшод АМИРОВ, “Ҷумҳурият”


Баёни ақида (0)    Санаи нашр: 03.12.2018    №: 237    Мутолиа карданд: 217

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед