logo

иқтисод

ҚУБОДИЁН. ФАРДО АЗ ИМРӮЗ БЕҲТАР ХОҲАД ШУД

Дар ҷамоатҳои шаҳрак ва деҳоти ноҳия корҳои ободониву бунёдкорӣ идома дошта, барои некуаҳволии сокинон ва рушди иқтисоди он тадбирҳои зарурӣ роҳандозӣ шуданд. Яке аз муҳаррикони асоси пешрафт – қабули Барномаи  рушди иҷтимоию иқтисодии ноҳия барои солҳои  2016 - 2020 мебошад. Барномаи мазкур такмили механизмҳои таъминкунандаи рушди бемайлони бахшҳои гуногуни ҳаёти ҷомеаро фаро мегирад.
- Ҳадаф аз қабули барнома рушди босуботи иҷтимоию  иқтисодӣ, беҳбудии сатҳи зиндагии мардум, бунёди корхонаҳои нави истеҳсолӣ ва, ба ин васила, ташкили ҷойҳои нави корӣ, баланд бардоштани сифати хизматрасониҳои иҷтимоӣ ва беҳтар намудани ҳифзи муҳити зист аст, - иброз дошт Абдумалик Пошоқулов, мудири бахши иқтисод ва савдои мақомоти иҷроияи маҳаллии ҳокимияти давлатии ноҳия.
Иттилоъ дода шуд, ки барнома 103 лоиҳаро ба маблағи 108 миллион сомонӣ дар бар гирифта, аз он ба бахшҳои иқтисодӣ 40 лоиҳа, иҷтимоиёт 41, инфрасохтор 16,  ҳифзи муҳити зист ва ҳолатҳои фавқулода 2  ва ба бахши таъминоти захиравӣ 4 лоиҳа тааллуқ дорад.
Барои татбиқи барнома сарчашмаҳои маблағгузорӣ ва воситаҳои молиявӣ ҷалб шудаанд. Маблағгузории барнома аз ҳисоби  буҷети ҷумҳуриявӣ беш аз 59 миллион сомонӣ, буҷети вилоят як миллион, буҷети маҳаллӣ наздики 4 миллион, сармояи хориҷӣ беш аз 12 миллион, маблағҳои ихтиёрии аҳолӣ, хоҷагиҳои деҳқонӣ, соҳибкорон қариб 10 миллион ва маблағҳои ташкилоту идораҳои ҷумҳуриявӣ 23 миллион сомониро дар бар мегирад.
- Ба ҳолати 1 ноябри соли ҷорӣ 21 лоиҳа ба маблағи қариб нуҳ миллион сомонӣ амалӣ гардида, татбиқи 28 лоиҳаи дигар  ба  маблағи қариб 30 миллион сомонӣ ҷараён дорад, - гуфт А. Пошоқулов.
Аз рӯйи барнома, бунёди 30 иншооти маъмурӣ, аз ҷумла бинои марказҳои таъминоти бехатарӣ, озуқаворӣ, маркази назорати давлатии санитарию эпидемиологӣ, қисми мустақили 49 - и ҳарбикунондашудаи хадамоти оташнишонӣ, филиали КВД “Тоҷиксуғурта”, ШВКД Ҷумҳурии Тоҷикистон дар ноҳия, КДФ “Бақайдгирии молу мулки ғайриманқул”, шуъбаи Кумитаи давлатии амнияти миллии Ҷумҳурии Тоҷикистон, прокуратураи ноҳия, бахши ҳифзи муҳити зист, китобхона, маркази саломатӣ, толори варзиш ва бозори замонавӣ аз ҳисоби буҷети ҷумҳуриявӣ ва маблағҳои ташкилоту муассисаҳои гуногун  пешбинӣ гардидаанд.
Айни замон барои сохтмони иншооти зикргардида, 19,2 гектар қитъаи замин ҷудо шуда, дар ин хусус, пешниҳодҳо ба мақомоти иҷроияи ҳокимияти давлатии вилояти Хатлон ва Ҳукумати ҷумҳурӣ ирсол шудааст.
- Бо назардошти банди 28 - и барнома, нақшаи генералии ноҳия аз ҷониби Пажӯҳишгоҳи лоиҳакашии ҶСК  “Шаҳрофар”  таҳия шуд. Дар ин бора қарори Ҳукумати Ҷумҳурии Тоҷикистон аз 26 октябри соли 2017 ба тасвиб расида, тибқи фармоиши Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон дар Ҷамоати шаҳраки Қубодиён сохтмони бинои бисёрошёнаи истиқоматии 48 ҳуҷрадор барои хизматчиёни давлатӣ оғоз ёфт. Дар се соли сипаригардида бошад, 24 иншооти савдо ва маишию хизматрасонӣ мавриди баҳрабардорӣ қарор гирифт ва дигар корҳои сохтмонӣ низ бо маром идома доранд, - афзуд А. Пошоқулов
Дар нуҳ моҳи соли равон ҳаҷми маҷмӯи маҳсулоти дохилӣ қариб 703 миллион сомониро ташкил медиҳад, ки нишондиҳандаҳои мазкур нисбат ба ҳамин давраи соли гузашта  30,7 миллион сомонӣ зиёд аст. Барои пайваста зиёд намудани ҳаҷми  истеҳсоли  маҳсулоти саноатӣ дар заминаи коркарди ашёи  хоми  дохилӣ,  бо  молу  маводи  лозимӣ  таъмин намудани  талаботи  аҳолии  ноҳия  ва  содироти  он, ташаккул додани унсурҳои рақобатпазирии моли истеҳсолшуда чораҳои зарурӣ меандешанд.  То моҳи октябри соли ҷорӣ аз ноҳия ба Ҷумҳурии Ӯзбекистон ва кишварҳои дигари минтақа 3810 тонна маҳсулот содирот шуд.
Маҳмуд ҶӮРАЕВ,
Бузургмеҳр САЛИМОВ,
«Ҷумҳурият»


Баёни ақида (0)    Санаи нашр: 05.12.2018    №: 240    Мутолиа карданд: 273
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед