logo

ҳукумат

Шӯрои ҷамъиятии Тоҷикистон ҷаласаи ғайринавбатӣ доир кард

4 декабр  дар Бӯстонсарои Ҳукумати мамлакат бо  иштироки Президенти Ҷумҳурии Тоҷикистон Эмомалӣ Раҳмон ҷаласаи ғайринавбатии Шӯрои ҷамъятии Тоҷикистон баргузор гашт.
Дар ҷаласа масоили омодагӣ ба истиқболи ҷашни солгарди 20 – уми Истиқлолияти  давлатии Тоҷикистон, интихоботи навбатии порлумонӣ, сафарбар кардани мардум ба иштироки фаъол дар маблағгузории бунёди нерӯгоҳи Роғун ва дигар масоили муҳими рӯз мавриди баррасӣ қарор гирифтанд.
Ёдовар мешавем, ки ба Шӯрои ҷамъиятии Тоҷикистон роҳбарони ҳизбҳои сиёсӣ, созмону муассисаҳои ҷамъиятӣ, иттиҳодияҳои касбию эҷодӣ, ҷамъиятҳои миллӣ ва дигар ташкилоти соҳибнуфузи мамлакат шомил мебошанд.
Президенти мамлакат Эмомалӣ Раҳмон бо ишора ба аҳамияти тадбирҳои номбурдаи сиёсию иҷтимоӣ ва иқтисодию техникии Ҳукумати Тоҷикистон ва вазъияти минтақа ва ҷаҳон аъзои Шӯрои ҷамъиятиро ба иштироки фаъол дар равандҳои иҷтимоии ҷомеа, тарғибу ташвиқи мардум ба ваҳдату ягонагӣ дар пешорӯи чунин тадбирҳои тақдирсози давлату миллат даъват намуд.
Сардори  давлат Эмомалӣ Раҳмон таъкид дошт, ки солгарди 20 – уми Истиқлолияти  давлатии Тоҷикистонро бояд бо дастовардҳои намоёну арзанда дар рушди иҷтимоӣ - иқтисодӣ ва фарҳангии кишвар истиқбол бигирем.
Дар мавриди нерӯгоҳи Роғун Президенти мамлакат Эмомалӣ Раҳмон иттилоъ дод, ки то кунун дар бунёди он аллакай 1 миллиард доллари амрикоӣ аз худ карда шудааст, аз ҷумла 800 миллион дар солҳои шӯравӣ ва 200 миллион маблағҳои буҷети давлатӣ тайи ду соли ахир.  Сардори  давлат таъкид дошт, ки барои ба кор даровардани навбати аввали ин нерӯгоҳ боз 600 миллион доллари амрикоӣ зарур аст ва изҳори боварӣ намуд, ки бо дастгирии иттиҳодияҳои сиёсию ҷамъиятӣ ва мардуми шарифи Тоҷикистон ин маблағ дар мӯҳлати кӯтоҳ ҷамъ мешавад.
Дар робита ба омодагӣ ба интихоботи навбатии порлумонӣ Президенти мамлакат Эмомалӣ Раҳмон изҳор дошт, ки ин маъракаи муҳими сиёсӣ бояд озоду шаффоф ҷараён бигирад ва ба мақомоти олии қонунбарор ва маҷлисҳои маҳаллӣ бояд мутахассисони баландпоя, шахсони донишманду соҳибмаърифат ва арзанда ба мақоми намояндаи мардумӣ шомил шаванд ва таъкид намуд, ки барои ин бояд тамоми шароити зарурӣ муҳайё карда шавад.
Ҳамчунин таъкид карда шуд, ки аз тамоми ҳизбҳои сиёсӣ ва созмонҳои ҷамъиятӣ низ бояд танҳо ҳамин гуна шахсон ба номзадӣ пешниҳод шаванд.
Сардори  давлат Эмомалӣ Раҳмон аз ҳамагон даъват намуд, ки баҳри таҳкими пояҳои давлатдорӣ, ваҳдати миллӣ ва ҳифзи шоиста аз арзишҳои волои Тоҷикистон манфиатҳои давлату миллатро ҳамеша аз манофеи  шахсию гурӯҳӣ ва ҳизбии худ боло гузоранд.
Дар ҷаласаи ғайринавбатии Шӯрои ҷамъиятии Тоҷикистон ҳамчунин аъзои сершумори он, аз ҷумла роҳбарияти ҳизбҳои сиёсӣ – Файзулло Фатҳуллоев, Муҳиддин Кабирӣ, Шодӣ Шабдолов, Абдуҳалим Ғаффоров, Мансур Собиров ва аъзои фаъоли Шӯро чун Рафиқа Мӯсоева, Мунира Шаҳидӣ, Муҳиба Ёқубова, Абдуғанӣ Маҳмадазимов, Матлуба ӯлҷабоева ва шоира Меҳринисо  суханронӣ карда, сиёсати пешгирифтаи Президенти мамлакат Эмомалӣ Раҳмонро оид ба бунёди нерӯгоҳи Роғун бо маблағгузории дохилӣ ва озодонаю шаффоф гузарондани интихоботи порлумонӣ мавриди пуштибонӣ қарор доданд. 


Баёни ақида (0)    Санаи нашр:    №:    Мутолиа карданд: 796

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед