logo

туризм

АЗ САЙЁҲИИ ЗИМИСТОНА САМАРАНОК ИСТИФОДА НАМЕБАРЕМ, ЧАРО?

Яке аз намудҳои сайёҳӣ, ки тайи солҳои охир ба он таваҷҷуҳи зиёд дода мешавад, туризми зимистона мебошад. Ба гуфтаи коршиносон, Тоҷикистон аз лиҳози ҷойгиршавии ҷуғрофӣ ва иқлими мусоид барои ба роҳ мондани ин навъи туризм мувофиқ буда, метавонад дар минтақа ба яке аз марказҳои асосии сайёҳии зимистона табдил ёбад. Вале, чуноне аз маълумотҳои оморӣ бармеояд, ташрифи сайёҳон ба Тоҷикистон дар фасли сармо кам аст. Пас, чӣ бояд кард, ки дар ин давра теъдоди сайёҳон боз ҳам бештар гардад?
Тоҷикистон кишвари кӯҳсор буда, 93 дарсади онро кӯҳҳо ишғол менамоянд. Шароити кӯҳистон имконият медиҳад, ки навъҳои гуногуни сайёҳии зимистона, аз ҷумла лижарониву экскурсионӣ, шикору муолиҷавӣ ва ғайра дар кишвар рушд кунад. Табиат ба мо имкониятҳои фарох додааст, аммо аз онҳо ба таври бояду шояд истифода бурда намешавад. Вобаста ба ин, мудири кафедраи туризми Донишкадаи соҳибкорӣ ва хизмат Фазлиддин Қодиров чунин гуфт:
Вақти он расидааст, ки дар кишвар баҳри истифодаи самараноки захираҳои туризми зимистона тадбирҳои муассир андешида шаванд. Бояд қайд кард, ки манотиқи Бадахшону Зарафшон барои ба роҳ мондани ин навъи туризм аз ҳар ҷиҳат мувофиқанд. Худи номи Помир, бо қуллаҳои сарбафалаккашидааш, барои сайёҳон бренд аст. Умуман, манзараҳои Тоҷикистон дар тамоми фаслҳои сол ҷолибанд. Масалан, чаро дар Искандаркӯл намудҳои гуногуни сайёҳии зимистонаро ривоҷ надиҳем? Ё Сафед-Дараро барои истироҳату фароғат дар фасли тобистон омода насозем? Фақат бояд иншооти инфрасохториро бо назардошти истироҳати тобистонаю зимистона бунёд намуд.
Мавриди зикр аст, ки бунёди осоишгоҳҳои иқлимӣ дар домони табиат ва ба ин васила роҳандозии табобат ба рушди туризми зимистона такони ҷиддӣ бахшад. Ин навъи сайёҳӣ дар кӯҳҳои Алп хеле ривоҷ ёфтааст. Дар ин ҷо шумораи зиёди осоишгоҳҳо мавҷуданд, ки талабот ба онҳо дар фасли зимистон низ зиёд аст. Сайёҳон ҳатто як сол пеш ҷой банд мекунанд. Тоҷикистон айнан ҳамин гуна шароитро дорад. Чаро аз ин шароити табиӣ фарогиртар истифода набарем?
Дар баробари ин, яке аз намудҳои маъмули варзиши зимистона, ки байни сайёҳон маҳбубият дорад, лижатозӣ мебошад. Махсусан, сайёҳони Аврупо ба ин навъи варзиш мароқи беандоза доранд. Дар Тоҷикистон бошад, танҳо пойгоҳи лижаронии Сафед-Дара ҷавобгӯи стандартҳои байналмилалист.
Бо назардошти ин, мутахассисон пешниҳод менамоянд, ки барои омӯзиши имконияту иқтидорҳои воқеӣ ҷиҳати такмили минбаъдаи сайёҳии зимистона дар мамлакат комиссияи махсуси коршиносони соҳа ташкил карда шавад, то дар шароити кишвар бунёд намудани иншооти инфрасохториро муайян созанд. Яъне, кадом минтақаи кишвар барои кадом навъи сайёҳӣ мувофиқу мусоид аст, маълум гардад. Пас аз ин, мутахассисон лоиҳаҳои иншоотро тарҳрезӣ намоянду мақомоти маҳаллӣ бо ҷалби соҳибкорон объектҳоро бунёд созанд.
Таҳлилҳо нишон медиҳанд, ки Тоҷикистон барои роҳандозии намудҳои гуногуни сайёҳии зимистона имконияти зиёд дорад ва омӯзиши ҳамаҷонибаи захираҳо тараққиёти минбаъдаи онро муайян хоҳад намуд.  
Меҳрангез ҚОДИРОВА, «Ҷумҳурият»


Баёни ақида (0)    Санаи нашр: 11.12.2018    №: 244    Мутолиа карданд: 487
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед