logo

иқтисод

ШУКРОНА. БАРДОШТ АЗ ТАМОШОИ НОҲИЯИ ШАМСИДДИНИ ШОҲИН, КИ ШУКУФТАН ДОРАД

Тӯли 27 соли соҳибистиқлолии ҷумҳурӣ ноҳия ба дастовардҳои хеле бузург ноил  гардида, соҳаҳои иқтисодию иҷтимоии он ба таври назаррас пеш мераванд.  Бунёди роҳи автомобилгарди байналмилалии қитъаи Шӯрообод – Шоҳон, муассисаҳои таълимии замонавии муҷаҳҳаз бо ҳуҷраҳои фаннӣ, биноҳои қасри фарҳанг ва  мақомоти иҷроияи маҳаллии ҳокимияти давлатии ноҳия  бо  сифати аъло анҷом ёфтаанд.  Дар деҳаҳои дурдаст мактаб, бунгоҳҳои саломативу беморхонаҳо сохта шуданд.  Кӯчаю гузаргоҳҳои  марказӣ асфалтпӯш буда,  боғи фарҳанг ва меҳмонхонаи замонавӣ дар хизмати мардум қарор доранд.
- Омодагиҳо барои пешвози сазовори Ҷашни 30 – солагии Истиқлолияти давлатӣ дар сатҳи баланд идома доранд. Имсол  45 иншооти хурду бузург  ба маблағи 52 миллион  сомонӣ мавриди баҳрабардорӣ қарор гирифт. Ҳамзамон, нақшаи чорабиниҳои бунёдкорию созандагӣ барои солҳои 2018 - 2021 таҳия шуда, тибқи вазифагузориҳои гурӯҳи корӣ то моҳи сентябри соли 2021 боз бунёди 130 иншооти таъйиноти гуногун бояд пурра амалӣ шавад. Дар маркази ноҳия биноҳои маъмурии мақомоти иҷроияи маҳаллии ҳокимияти давлатӣ бо сарфи беш аз 6 миллион, қасри фарҳанг ба маблағи беш аз 5 миллион сомонӣ  барои 455 ҷойи нишаст дар арафаи анҷомёбист.
Ҳамчунин, тибқи фармоиши Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон сохтмони варзишгоҳи марказии ноҳия бо 6 ҳазор ҷойи нишаст ба маблағи 12 миллион сомонӣ оғоз ёфтааст. Аз моҳи январи соли 2019 бо маблағгузории Бонки рушди Осиё ва дастгирии Вазорати тандурустӣ ва ҳифзи иҷтимоии аҳолии ҷумҳурӣ сохтмони бинои сеошёнаи беморхонаи марказӣ ба роҳ монда мешавад, - изҳор дошт Почохон Зарифзода, раиси ноҳия.
Ба гуфтаи ӯ, мардуми бонангу номуси ноҳия ҳамеша аз сиёсати пешгирифтаи Пешвои муаззами миллат шукргузор буда, баҳри саодати фардои  миллату Меҳани худ  саҳми муносиб  мегузоранд. Ҳамчунин, бо мақсади  иҷрои дастуру супоришҳои Президенти мамлакат  муҳтарам Эмомалӣ Раҳмон ҷиҳати тарғибу ташаккули тарзи ҳаёти солим, ғамхорӣ ба насли ҷавон аз тарафи соҳибкори ватанӣ Мирмад Зарифов дар деҳаи Шӯрообод майдончаи варзиш сохта шуд.
Ноҳия аз лиҳози ҷуғрофӣ низ мавзеи хуби сайёҳӣ ба ҳисоб рафта, боду ҳавои мусоид, табиати биҳиштосо ва афсункори он барои ҷалби сайёҳони дохилию хориҷӣ мусоидат мекунад. Дар доираи Соли рушди сайёҳӣ ва ҳунарҳои мардумӣ, мақомоти иҷроияи маҳаллии ҳокимияти давлатии ноҳия боз ҳам чораҳои зарурӣ роҳандозӣ намуд. Бобати муаррифии мавзеъҳои сайёҳӣ дар шабакаи интернет сомонаи алоҳидаи  хатсайрҳои сайёҳии Имом Алии Аскарӣ ва мамнӯъгоҳи Даштиҷум фаъол гардонда шуд. Соҳибкорони маҳаллӣ барои қабули сайёҳон бо тарҳи зебову замонавӣ меҳмонхонаҳои боҳашамат сохта истодаанд. Соҳибкори ҳимматбаланд, Шамс Назаров дар шафати Шоҳроҳи бузурги абрешим, ки аз маркази ноҳия гузашта, кишварро ба ҷаҳони беруна мепайвандад, боғи намунавӣ иборат аз меҳмонхонаи замонавии дорои  шароитҳои васеи маиширо  барои қабули меҳмонону сайёҳон сохта ба истифода додааст. Боғ 5 ҳазор бех ниҳоли сояафкану мевадор дошта, дар саҳни ҳавлиаш катҳои чӯбини пур аз нақшу нигори тоҷикона  ҷой дорад. Ҳамчунин, соҳибкори маҳаллӣ Аламхон Нуров дар канори  шоҳроҳ меҳмонхонаи хуштарҳи  дуошёнаи ҳозиразамон бунёд намуда истодааст, ки рӯзҳои наздик мавриди баҳрабардорӣ қарор мегирад.
Ободкорию созандагӣ ва навгониҳои куллӣ аз он далолат медиҳанд, ки мардуми сарбаланду баору номуси  ноҳия дастуру супоришҳои Роҳбарияти Олии мамлакатро сармашқи кори худ дониста, баҳри шукуфоии сарзамини биҳиштосоямон камари ҳиммат бастаанд.
Холназар КАСИРОВ, «Ҷумҳурият»


Баёни ақида (0)    Санаи нашр: 14.12.2018    №: 247    Мутолиа карданд: 250
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед