logo

ҳуқуқ

ОИЛА ВА ТАРБИЯИ АХЛОҚИЮ МАЪНАВИИ КӮДАК

Кӯдакону наврасон як қисми бонуфузи аҳолии кишварро ташкил медиҳанд ва онҳо ояндаи давлату миллат мебошанд. Бинобар ин,  дар роҳи дуруст ба камол расондани онҳо набояд саҳлангорӣ намуд, зеро ҷузътарин амали беэътиноӣ нисбат ба тарбияи онҳо метавонад оқибатҳои сангини ногуворро ба бор оварад. Имрӯз амалу кирдори кӯдакон моро водор месозад, ки доир ба пешгирии ҷинояткорӣ ва шароиту омилҳои ба он таъсиркунанда чораҳои зарурӣ андешем.
Пеш аз ҳама, бояд сабабҳо ё ҳолатҳое, ки боиси даст ба ҷиноят задани наврасон мегарданд, муайян шуда, онҳо ба таври ҷиддӣ таҳлил карда шаванд.
Муҳим будани оила маҳз дар он ифода меёбад, ки нигоҳдорандаи арзишҳои волои маънавӣ ба ҳисоб меравад. Ба ташаккули шахсияти кӯдак шароиту муҳити оилавӣ, ба монанди тарзи тарбия ва сатҳи дониш, имконоти моддӣ, таҷрибаи ҳаётӣ ва касбии волидон, шумораи аъзоёни он, фазои муносибатҳо дар оила, ташкили фароғат, урфу одат ва маросимҳои баргузоршаванда таъсир расонда метавонанд. Арзишҳои волои маънавие, ки дар ҷараёни тарбия ба кӯдак талқин карда мешаванд, барои ӯ он вақт аҳамият пайдо мекунанд, ки онҳо бо мавзӯъҳои шавқовар, нав ва таъсирбахш алоқаманд карда шаванд.
Зуҳуроти манфие, ки дар ҷомеа пайдо шудаанд, метавонанд ба фазои оилавӣ, яъне ба муносибатҳои волидону фарзандон низ таъсир расонанд. Пошхӯрии оилаҳо ва ҷудо зиндагӣ кардани волидон ба тарбияи кӯдак низ таъсири манфӣ мерасонад. Зараре, ки ба фарзанд ҳангоми ҷудошавии оилаҳо расонда мешавад, баъзан то охири умр ҷуброн карда намешавад. Оқибати ҷудошавии оилаҳо боиси паст шудани сатҳи умумии зиндагии онҳо низ мегардад ва рӯи ҳам рафта фазои вазнине ба вуҷуд меояд, ки кӯдак ночор дар он зиндагӣ мекунад. Волидоне, ки байни худ муноқиша ва якдигарро таҳқир ҳам мекунанд, кӯшиш доранд кӯдаконро ҳар кадоме вобаста ба ақидаашон ба тарафи худ кашанд. Ин амал хонаводаро ҳамчун институти муҳими муносибатҳои байниҳамдигарӣ носозгор ва беқурб месозад.
Маҳз ҳамон лаҳзае, ки ҳисси ҳимоя дар оила кифоя нест, кӯдак ба гурӯҳи ҳамсолони худ муроҷиат менамояд. Қисми муайяни кӯдакон аз оилаҳои носолим иззату ҳурматро нисбат ба волидонашон хеле барвақт гум мекунанд. Ҳангоми норасоии диққат кӯшиш ба харҷ медиҳанд, ки онро дар доираи ҳамсолон дарёбанд. Дар аксари ҳолатҳо чунин гурӯҳҳо боиси ба миён омадани оқибатҳои нохуше, ба мисли  оворагардӣ, майзадагӣ ва нашъамандӣ мешаванд. 
Мутаассифона, то ҳоло мафҳуми «ҷамъияти ҳамсолон» дуруст ва ҳамаҷониба шинохта нашудааст. Ба ақидаи баъзеҳо доираи васеи рафторҳои пуч ва арзишҳои ночизе, ки онҳоро барғалат фарҳанги ҷавонӣ меноманд, дар бар мегирад. Дар ҳамин радиф, аз ҷониби мо бояд роҳҳои пешгирӣ намудани ҷиояткории ноболиғон муайян шаванд, то омилҳои манфие, ки боиси даст ба ҷиноят задани ноболиғон мегардад, аз байн бардошта шаванд. Табиист, ки даст ба ҷинояткорӣ задани ноболиғон барои ҷамъият хавфи калон дорад.
Р. ИСКАНДАРЗОДА, муовини раиси
суди ноҳияи Синои шаҳри Душанбе     
                           
 


Баёни ақида (0)    Санаи нашр: 17.12.2018    №: 248    Мутолиа карданд: 209

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад


Дар сомонаҳои дигари Тоҷикистон хонед