logo

иқтисод

ХОРУҒ. ТАЪМИНОТ БО ОБИ ОШОМИДАНӢ БЕҲТАР МЕГАРДАД

Корҳои сохтмонии марҳилаи дувуми лоиҳаи таъминсозии  шаҳри Хоруғ бо оби ошомиданӣ оғоз ёфтанд.
Дар маросими оғози  тадбиқи лоиҳа, ки дар маҳаллаи Дашти Болои шаҳр баргузор  гардид, иҷрокунандаи вазифаи раиси Вилояти Мухтори Кӯҳистони Бадахшон Ёдгор Файзов зикр намуд, ки Ҷумҳурии Тоҷикистон яке аз ташаббускорони асосии пешниҳоди судманди сатҳи ҷаҳонӣ дар самти пешгирӣ аз оқибатҳои тағйирёбии иқлим ва дастрасӣ ба оби тозаи ошомиданӣ ба шумор рафта, татбиқи пешниҳоди Пешвои миллат муҳтарам Эмомалӣ Раҳмон дар арсаи ҷаҳонӣ давоми 10 соли оянда ба манфиати кулли сокинони сайёра хоҳад буд.

Агар 10 сол пеш дастрасии сокинони шаҳру ноҳияҳои  вилоят  ба оби нӯшокӣ 47 дарсадро дар бар мегирифт, имрӯз ин нишондиҳанда 80 дарсадро ташкил медиҳад. Танҳо дар чанд соли охир барои дастрасии беҳтари сокинони шаҳр ба оби тозаи  ошомиданӣ 4 миллион доллар сарф шуд, аммо ҳанӯз ҳам камбуди оби ошомиданӣ ба назар мерасад. Ҳукумати кишвар ва мақомоти маҳаллии ҳокимияти давлатӣ ба он ҷаҳду талош доранд, ки  ҳар  чи  зудтар  ин  мушкили  сокинони кишвар, аз  ҷумла  шаҳри  Хоруғро ҳал  намоянд. Раиси вилоят  бо  итминони  комил  гуфт, ки баъди ду сол сокинони шаҳр чи будани беобиро комилан фаромӯш мекунанд.
Дар маросими оғози корҳои сохтмонӣ сокинону меҳмонон ва шарикони рушд иштирок намуданд.
Маблағгузори лоиҳа Ҳукумати Швейтсария буда, он тасмим  гирифтааст, ки дар масофаи 2,7 километр тавассути қубури қутраш  150-миллиметра аз шоҳқубури Боғевдара то маҳаллаи Хичордев хати оби нӯшокиро пайваст намояд. Роҳбари дафтари Швейтсария оид ба рушд дар Тоҷикистон Валбург Рус таъкид дошт: «Дар муҳлати кӯтоҳтарин лоиҳаро бо сатҳу сифати баланд ба анҷом мерасонанд. Он беш аз 5,5 ҳазор аҳолии шаҳр ва 100 идораву муассисаҳояшро дар бар мегирад ва бо татбиқи пурраи он аҳолӣ бо оби тозаи нӯшокӣ таъмин мешаванд».
Дар доираи лоиҳа, ҳамчунин, роҳи мошингард ба масофаи 750 метр бунёд мешавад, ки рафтуомади сокинони маҳаллаи Дашти Болоро тавассути ин масир наздик месозад. Аз сӯи дигар, бунёди зинапоя сокинонро аз хатари эҳтимолии сангфароӣ  ҳифз мекунад. Амалисозии лоиҳаи мазкурро Ҷамъияти дорои масъулияти маҳдуди «Помир-энергосервер» ва Корхонаи воҳиди давлатии «Бадахшонроҳсоз»-и Вазорати нақлиёти Ҷумҳурии Тоҷикистон ба зимма доранд. Дар марҳилаи аввал 50 нафар сокинони шаҳр ба кор ҷалб мешаванд. Лоиҳа то моҳи июни соли 2019 бояд анҷом ёбад. Барои бунёди хати оби нӯшокӣ 1,4 миллион сомонӣ маблағи шарикони рушд равона шудааст.    
Раҳмони ГУЛЗОР,
«Ҷумҳурият»


Баёни ақида (0)    Санаи нашр: 17.12.2018    №: 248    Мутолиа карданд: 237

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед