logo

иқтисод

САНГВОР. МИНТАҚАИ ОЯНДАДОРИ САЙЁҲӢ

«Шароити мусоиди табиӣ ва иқлими Тоҷикистон барои ба роҳ мондани хизматрасонии муосири сайёҳӣ ва инкишофи намудҳои гуногуни он имкониятҳои беҳтарин муҳайё кардааст». 
Эмомалӣ РАҲМОН

Бо эълон шудани соли 2018 ҳамчун Соли рушди сайёҳӣ ва ҳунарҳои мардумӣ бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон  доир ба  манотиқи рангоранги сарзамини кишвар  дар васоити ахбори омма, аз ҷумла  тавассути "оинаи нилгун", наворҳои ҷолиб ва дар матбуоти даврӣ мақолаҳои зиёд  нашр шудаанд. Вале, ҳанӯз ҳастанд мавзеъҳои дилрабо ва таърихие, ки таҳқиқоту муаррифии бештарро мехоҳанд.

Ҳар  минтақаи кишвар табиат ва иқлими ба худ хос дошта, дар алоҳидагӣ метавонад сайёҳони сершуморро ҷалб намояд. Мардуми бофарҳангу меҳнатқарини ноҳияи Сангвор низ  дар ҳамвориҳо, водиҳои сарсабзи  қаторкӯҳҳо сокин гашта, фарҳанг, касбу ҳунар, русуму анъанаҳои ҷолиб доранд. Сарзамини ноҳия низ аз табиати нотакрор ва  набототу ҳайвоноти гуногун иборат аст. Дар кӯҳсори ин ҷо ҳайвонҳои нодир, аз қабили оҳу,  хирс, хукҳои ёбоӣ, нахчир, паланг, барс, рӯбоҳ, қашқалдоқ, суғур ва парандаҳои гуногун мавҷуданд.  Тамошои манзараҳои дилфиреби он, обу ҳавои тоза, кӯҳҳои осмонбӯс, нағмаи мурғони хушилҳом, кӯлу дарёҳо, чашмаҳои шифобахш ва зиёратгоҳҳо бахше аз сарватҳои  бебаҳои ин сарзамин  мебошанд.
Ба гуфти раиси ноҳия Зарифхӯҷа Шоҳиён баҳри босамар истифода намудани чунин имкониятҳои васеъ аз ҷониби мақомоти иҷрояи маҳаллии ҳокимияти давлатӣ тадбирҳои муассир андешида шуданд. Тибқи иттилои мавсуф вобаста ба Соли рушди сайёҳӣ ва ҳунарҳои мардумӣ  нақшаи чорабиниҳои махсус тасдиқ гардида, амал менамояд. Дар асоси онҳо дар маркази ноҳия ва ҷамоатҳои деҳот фестивали маҳсулоти ҳунармандӣ ва таомҳои миллӣ баргузор гардида, дастранҷи ҳунармандон ба маъраз гузошта шуд.  Дар ҳама чорабиниҳои дигари ноҳиявӣ низ ҳунарҳои мардумӣ ва таомҳои миллӣ намоиш дода мешаванд. Масъулон вазифадор гардидаанд, ки дар меҳмонхонаҳо ва хостелҳои сарироҳӣ гӯшаи намоишии маҳсулоти ҳунарҳои мардумиро  ташкил намоянд.
Тавре мудири бахши иҷтимоии ноҳия Шодӣ Раҳмонов иброз дошт, - диёри Сангвор дорои шароити васеи  рушди соҳаи сайёҳӣ мебошад. Иқлим, олами ҳайвоноту наботот, чашмаҳои шифобахш, зиёратгоҳҳои маъруф ва мардуми ҳунарманду меҳмоннавози он  барои ташкили осоишгоҳҳои табобатӣ, экотуризм ва дигар намудҳои хизматрасонии сайёҳӣ дар сатҳи ҷумҳуриявию  байналмилалӣ мусоидат менамоянд.  Дар радифи имкониятҳо вусъати фаъолияти  соҳибкорон оид ба ташкили агентиҳои хизматрасонии сайёҳӣ зарур омадааст.
Ёдгории таърихии оромгоҳи Ҳазрати Бурхи Валӣ, ки таърихи 5 - ҳазорсола дорад, дар ин ноҳияи дурдаст ҷойгир буда, сертамошотарин зиёратгоҳи ҷумҳурӣ мебошад. Ҳамчунин, беш аз 30 оромгоҳи шахсиятҳои бузурги илму ирфон дар ин гӯшаи зебоманзари кишвар мавҷуд аст, ки имрӯзҳо аз минтақаҳои гуногуни ҷумҳурӣ ва  мамлакатҳои дигари олам садҳо нафар  ба диданашон меоянд.  Мавзеи  зебои фароғатии Ҳавзи Кабуд ва даҳҳо ёдгориҳои таърихию фарҳангӣ, ки номи ноҳияро дар дигар манотиқи ҷумҳурӣ ва берун аз он машҳур сохтаанд, рушди ояндаи соҳаро дар ноҳия таъмин менамоянд. Ағбаҳои сердолу дарахти Полезаку Харсанг дар қисматҳои марказӣ ва Хобу Рубот дар ҷанубу шарқии ноҳия мавҷуданд, ки барои сайёҳони хориҷӣ ҷолиби диққатанд. Аз ҳудуди ноҳия дарёи Хингоб мегузарад, ки он ба масофаи 250 километр  тӯл кашида,  ба дарёи Вахш мепайвандад. Ноҳия  аз сатҳи баҳр дар баландии 1600 то 3000 метр ҷойгир буда, тобистонаш  салқину рӯҳнавоз аст. Барои баҳрагирӣ аз ин имкониятҳои фарохи рушди сайёҳии ноҳия бунёди инфрасохтори соҳа зарур мебошад, ки ҳоло самти муҳими фаъолияти мақомоти иҷроияи ҳокимияти давлатии ноҳия қарор гирифтааст.
Дилшод  АМИРОВ, «Ҷумҳурият»


Баёни ақида (0)    Санаи нашр: 19.12.2018    №: 250    Мутолиа карданд: 221

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед