logo

қонунҳои ҶТ

Қонуни Ҷумҳурии Тоҷикистон Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти оперативӣ-ҷустуҷӯӣ»

Моддаи 1. Ба Қонуни Ҷумҳурии Тоҷикистон аз 22 майи соли 1998 «Дар бораи фаъолияти оперативӣ-ҷустуҷӯӣ» (Ахбори Маҷлиси Олии Ҷумҳурии Тоҷикистон, с. 1998, № 10, мод. 146; с. 1999, № 11, мод. 278; с. 2003, № 8, мод. 453; с. 2005, № 12, мод. 642; с. 2006, № 3, мод. 147, № 7, мод. 339; с. 2007, № 5, мод. 361; с. 2009, № 7-8, мод. 491) тағйиру иловаҳои зерин ворид карда шаванд:
1. Дар тамоми матни Қонун қисмҳо бо рақамҳои арабӣ рақамгузорӣ ва сархатҳо бо дефис (-) ишора карда, калимаҳои «ин Қонун» ба калимаҳои «Қонуни мазкур» иваз карда шаванд.
2. Дар моддаи 1:
-сархати якум дар таҳрири зайл ифода карда шавад:
«-фаъолияти оперативӣ-ҷустуҷӯӣ- намуди фаъолиятест, ки ба таври ошкоро ё махфӣ бо роҳи гузаронидани чорабиниҳои оперативӣ-ҷустуҷӯӣ аз ҷониби мақомоти давлатии бо Қонуни мазкур ваколатдоршуда, бо мақсади ҳифзи ҳаёт, саломатӣ, ҳуқуқ ва озодиҳои конститутсионии инсон ва шаҳрванд, моликият, таъмини амнияти ҷамъият ва давлат аз таҷовузҳои ҷинояткорона амалӣ карда мешавад;»;
-сархати чорум дар таҳрири зайл ифода карда шавад:
«-ҷамъоварии маълумот- гирифтани маълумоти барои ҳалли вазифаҳои мушаххаси фаъолияти оперативӣ-ҷустуҷӯӣ зарур тавассути фиристонидани дархост ба шахси воқеӣ ё ҳуқуқие, ки чунин маълумотро дорад ё метавонад дошта бошад, ҳамчунин дастрас намудани он бо роҳи шиносшавии бевосита бо сарчашмаҳои моддии дахлдор, аз ҷумла манбаи маълумоти оперативӣ, криминалистӣ ва манбаи дигари маълумот (ҳисобот), низоми иттилоотӣ ва дигар сарчашмаҳо;».
3. Ба моддаи 2 сархати нав бо мазмуни зайл илова карда шавад:
«-дарёфт ва ошкор намудани моликияти аз тарафи суд мусодирашаванда.».
4. Моддаи 4 дар таҳрири зайл ифода карда шавад:
«Моддаи 4. Қонунгузории Ҷумҳурии Тоҷикистон дар бораи фаъолияти оперативӣ-ҷустуҷӯӣ
Қонунгузории Ҷумҳурии Тоҷикистон дар бораи фаъолияти оперативӣ-ҷустуҷӯӣ ба Конститутсияи (Сарқонуни) Ҷумҳурии Тоҷикистон асос ёфта, аз Қонуни мазкур, санадҳои дигари меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Тоҷикистон онҳоро эътироф кардааст, иборат мебошад.».
5. Қисми якуми моддаи 5 дар таҳрири зайл ифода карда шавад:
«Фаъолияти оперативӣ-ҷустуҷӯӣ танҳо барои расидан ба мақсад ва иҷрои вазифаҳои муқаррарнамудаи Қонуни мазкур амалӣ карда мешавад.».
6. Дар моддаи 8:
-дар қисми якум калимаи «қонун» ба калимаҳои «қонунгузории Ҷумҳурии Тоҷикистон» иваз карда шавад;
-дар қисми нӯҳум рақамҳои «8-11» ба рақамҳои «9-12» иваз карда шаванд.
7. Дар моддаи 9:
-дар қисми сеюм калимаи «ходимони» ба калимаи «кормандони» иваз карда шавад;
-дар қисми шашум калимаи «судя» ба калимаҳои «ба суд» иваз карда шавад.
8. Дар қисми дуюми моддаи 11 калимаҳои «ва барои исботкунӣ дар парвандаи ҷиноӣ мутобиқи қоидаҳои қонунгузории ҷиноию мурофиавии Ҷумҳурии Тоҷикистон» ба калимаҳои «инчунин барои исбот дар парвандаи ҷиноятӣ тибқи муқаррароти қонунгузории мурофиавии ҷиноятии Ҷумҳурии Тоҷикистон» иваз карда шаванд.
9. Дар моддаи 12:
-дар қисми якум калимаҳои «дар бораи шахсони махфӣ ба онҳо ёрирасонанда» ба калимаҳои «дар бораи шахсони ба онҳо ба таври пинҳонӣ кӯмаккунанда» иваз карда шаванд;
-дар қисми дуюм калимаҳои «дар бораи шахсони махфӣ ба онҳо ёрӣ мерасонанд ва ёрӣ расонидаанд» ба калимаҳои «дар бораи шахсоне, ки ба онҳо ба таври пинҳонӣ кӯмак мекунанд ё кӯмак кардаанд» иваз карда шаванд.
10. Дар банди 2) моддаи 14 баъд аз калимаҳои «супоришҳои хаттии» калимаҳои «мақоми таҳқиқ,» илова карда шаванд.
11. Дар қисми дуюми моддаи 16 баъд аз калимаҳои «дахолат намояд» калимаҳои «ба истиснои шахсоне, ки бевосита тибқи Қонуни мазкур ваколатдор карда шудаанд» илова карда шаванд.
12. Дар қисми сеюми моддаи 17 калимаҳои «ёрии махфии» ба калимаҳои «кӯмаки пинҳонии» иваз карда шаванд.
13. Дар моддаи 18:
-дар қисми ҳафтум калимаҳои «қонунҳо ва дигар санадҳои меъёрии» ба калимаҳои «санадҳои меъёрии ҳуқуқии» иваз карда шаванд;
-дар қисми ҳаштум калимаи «Қонун» ба калимаҳои «санадҳои меъёрии ҳуқуқии Ҷумҳурии Тоҷикистон» иваз карда шавад.
14. Дар қисми сеюми моддаи 21 калимаҳои «пинҳонӣ ёридиҳанда» ба калимаҳои «ба таври пинҳонӣ кӯмаккунанда» иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти Ҷумҳурии
Тоҷикистон               Эмомалӣ РАҲМОН
ш. Душанбе, 3 декабри соли 2009, № 567

 

Қарори
Маҷлиси намояндагони Маҷлиси Олии
Ҷумҳурии Тоҷикистон
Дар бораи қабул намудани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти оперативӣ-ҷустуҷӯӣ»

Мутобиқи моддаҳои 36 ва 40 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти оперативӣ-ҷустуҷӯӣ» қабул карда шавад.

Раиси Маҷлиси намояндагони Маҷлиси Олии Ҷумҳурии Тоҷикистон      С. ХАЙРУЛЛОЕВ
ш. Душанбе, 28 октябри соли 2009, № 1448


Қарори
Маҷлиси миллии Маҷлиси Олии
Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии
Тоҷикистон «Дар бораи фаъолияти оперативӣ-ҷустуҷӯӣ»

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти оперативӣ-ҷустуҷӯӣ» баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти  оперативӣ-ҷустуҷӯӣ»  ҷонибдорӣ карда шавад.

Раиси Маҷлиси миллии Маҷлиси Олии Ҷумҳурии Тоҷикистон   М. УБАЙДУЛЛОЕВ
ш. Душанбе, 19 ноябри соли 2009, № 699


Баёни ақида (0)    Санаи нашр:    №:    Мутолиа карданд: 740

10.12.2018


МАСТЧОҲ. Деҳаҳо симои нав мегиранд

Путин: «Дар ИИАО бозори ягонаи газ, нафт ва маҳсулоти нафтӣ мешавад»

Нахустин ҳамоиши сарони манотиқи кишварҳои СҲШ дар Челябинск гузашт

Медведев: «Россия мушкили амнияти озуқавориро ҳал намуд»

Дар Олмон кӣ Ангела Меркелро иваз мекунад?

Нақлиёти ройгони ҷамъиятӣ дар Люксембург

Ҷаҳон дар як сатр

Кишоварзӣ бахши муҳим дар ноҳияи Деваштич

06.12.2018


74 варзишгар ба Ҷоизаи Президенти Ҷумҳурии Тоҷикистон пешниҳод шуд

Иштироки муовини вазири рушди иқтисод ва савдо дар мулоқоти сатҳи баланд

Баррасии масъалаи содироти маҳсулот ба бозорҳои Аврупо

ПАНҶАКЕНТ. Ифтитоҳи 63 иншоот

Бунёди роҳи танобӣ дар шаҳри Хуҷанд

“ГАНҶИ ҲИЛОЛ”. Тадбирҳо самар медиҳанд

05.12.2018


Баррасии масоили сиёсати хориҷии кишвар

Мулоқоти Шамсиддин Орумбекзода бо Мерилин Йосефсон

Баргузории конференсияи «Нақши сайёҳӣ дар ташаккули тарзи ҳаёти солим»

Путин ва Назарбоев ҳамкориро дар доираи Иттиҳоди иқтисодии АвруОсиё баррасӣ карданд

Куртс ҳамкорӣ бо Россияро шарти сулҳу субот дар Аврупо номид

Вашингтон дар Покистон муколамаи Кобул бо "Толибон"-ро муҳокима мекунад

Трамп дар фикри баррасии мушкили мусаллаҳшавии бошитоб бо Путин ва Си Ҷинпин шуд

Ҳонконгро матлубтарин кишвари дидании сайёҳон дар соли равон хонданд

Ҷаҳон дар як сатр

ЛУКА МОДРИЧ - барандаи "Тӯби тиллоӣ"

5 медали теннисбозони тоҷик

04.12.2018


Ҳамоиш оид ба татбиқи самтҳои асосии сиёсати хориҷии Тоҷикистон

Баргузории фестивали сайёҳӣ

Бунёди гармхона бо усули гидропоникӣ

Олимони тоҷику рус 200-солагии шарқшиносии Россияро таҷлил карданд

Дар Лаҳистон конфронси СММ оид ба тағйирёбии иқлим оғоз ёфт

Ҷанги тиҷоратии ИМА ва Чин анҷом меёбад?

Кишварҳои G-20 мубориза бо маблағгузории терроризмро таҳким мебахшанд

Ҷаҳон дар як сатр

Бозгашти Фузайлов ба футболи тоҷик


Дар сомонаҳои дигари Тоҷикистон хонед