logo

ҳуқуқ

ЭКСТРЕМИЗМ. ЧӢ ТАВР ҶАВОНОНРО АЗ МАҒЗШӮИИ МУБАЛЛИҒОНИ ОН ЭМИН ДОРЕМ?

Ҳар боре дар ягон кишвари дунё амали террористӣ содир ва риштаи умри чандин нафар одамони бегуноҳ канда мешавад, ҷонбезори гумроҳе миёни издиҳом худро метарконад, ақли солим қабул карда наметавонад, ки ин одамхоронро ҳам модар зода бошад. Кулли онҳо ҷавонанд, ки бо чунин амалҳои разилона ва ғайриинсонӣ теша ба решаи худ мезананд.
Дар чунин мавридҳо нисбат ба онҳо метавон фармудаи халқро ёд овард: хас каму ҷаҳон пок. Аммо ин фирор аз ҳақиқат мешуд. Ин ҷо бояд ҳама сари он андешанд, ки чаро ин нафарон даст ба аъмоли зишт мезананд, чӣ онҳоро водор месозад, ки аз ҷони ҷавони худ, аҳли оила, ёру дӯст, диёри хеш гузар кунанд? Гузашта аз ин, ҷавоби мардуми бегуноҳ кушташударо кӣ медиҳад?
Имрӯз, мутаассифона, амали террористию экстремистӣ торафт ҳодисаи муқаррарӣ гаштааст. Зеро чун вабо ба тамоми дунё паҳн шуда, ҳатто ягон кишвари абарқудрати ҷаҳон ҳам аз хатари он эмин нест. Замоне қотилони гурӯҳи террористии “Ал - қоида” бо ҷиноятҳои мудҳиши худ дунёро ларзонда буданд. Чанд соли охир ба ҷои он “Давлати исломӣ” пайдо шуд ва сарзамини Ироқ, Сурия, Урдун, Лубнон ва соири кишварҳои Шарқи Наздикро оғуштаи хуни бегуноҳон, миллионҳо мардумро кӯчию дарбадар кард. Эътилофи байналмилалӣ ҷангиёни ин гурӯҳи террористиро дар Ироқ шикаст дод ва чанде пеш мардуми ироқӣ яксолагии ғалаба бар ин одамхоронро таҷлил намуд. Дар Сурия низ силоҳбадастони ин гурӯҳ вазъияти хуношом ба вуҷуд оварданд. Басо мардуми осоишта кушта шуд, хонаю дари ободро партофта гуреза гаштанд. Хушбахтона, ду сол қабл низомиёни Россия ба ҳимояи мардуми суриёӣ ва кумаки артиши ин кишвар омада, ҷангиёни “ДИ”- ро торумор карданд.
Аммо ҷомеаи ҷаҳониро табли нусрат задан бармаҳал аст. Гузашта аз ин, силсилаи амалҳои мудҳиши террористӣ дар Олмон, Фаронса, Дания ва Англия ба сиёсатмадорони Иттиҳоди Аврупо ҳушдори ҷиддиест, ки ҷангиёни гурӯҳи террористии “Давлати исломӣ” метавонанд дар Аврупо “фронти дуюм” кушоянд. Ғайр аз ин, тибқи маълумоти расмӣ, шумори тарафдорони “Давлати исломӣ” дар Афғонистон торафт меафзояд. Ва барои ба ин мақсадҳои нопоки худ расидан аз ягон восита рӯй намегардонанд. Махсусан, барои мағзшӯии ҷавонон ва ҷалби онҳо ба сафҳои худ аз муосиртарин технологияҳои коммуникатсионӣ истифода мебаранд. Хосса аз шабакаҳои иҷтимоӣ.
Дар бораи сабабҳои ба гурӯҳҳои террористӣ гаравидани ҷавонон коршиносону олимон, сиёсатмадорон, намояндагони дин дар васоити ахбори умум фикру мулоҳизаҳои хешро борҳо баён кардаанд.
Дар ин иртибот мехоҳам чанд мулоҳизаамро баён дорам. Имрӯз дар бораи шабакаҳои иҷтимоӣ бисёр мегӯянд, ки сомонаҳои экстремистии онҳо пули пайванди мубаллиғони “ДИ” бо ҷавонон гаштааст. Зеро тавассути Интернет дастрасии ҷинояткорон ба аудитория, муоширати анонимӣ (беном) осон аст, ғайр аз ин, паҳнсозии глобалӣ, суръати баланди интиқоли иттилоот, арзонӣ ва содагии истифода, имкониятҳои зиёди чандрасонаӣ айни муддаояшон аст. Аз ин рӯ, ҳазорҳо сомона бо маводҳои хусусияти экстремистидошта фаъол буда, аз ин миён зиёда аз 150 сомона ба забони русист, ки рӯ ба афзоиш доранд. Ва ҷавонони мо пеш аз ҳама, бо сомонаҳои русӣ сари кор мегиранд. Ҳамзамон, бо рушди хизмати алоқаи мобилӣ нусхабардории адабиёти экстремистӣ ба телефони мобилӣ, ирсоли онҳо тавассути MMS ва SMS - паёмакҳо тавсеа меёбад. Экстремистҳо аз гурӯҳҳои анъанавии муоширати иҷтимоӣ низ фаъолона истифода мебаранд.
Ин ҳама шаҳодати он аст, ки мубориза барои ақли ҷавонон, аз ҷумла насли ҷавони мо, торафт тезутунд мешавад. Бояд таъкид кард, ки танҳо бо дастгирии фаъолонаи аҳли ҷомеа ба ҳадаф метавон расид, яъне ҷавононро аз мағзшӯиҳои экстремистӣ эмин дорем ва ба роҳи касбу донишомӯзӣ, ободкорӣ равона созем.
Ҳусейн ҲАМИДЗОДА,
сардори бахши таъминоти ҳуқуқии Хадамоти зиддиинҳисории назди Ҳукумати Ҷумҳурии Тоҷикистон


Баёни ақида (0)    Санаи нашр: 27.12.2018    №: 257-258    Мутолиа карданд: 213

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед