logo

иқтисод

ДУШАНБЕ. БУНЁДИ НОҲИЯИ НАВ ДАР ПОЙТАХТ

Васеъшавии ҳудуди пойтахт дар доираи татбиқи марҳилаи аввали Нақшаи генералии шаҳри Душанбе дар қисмати ҷанубу ғарбӣ аз ҳисоби ноҳияи Рӯдакӣ сурат мегирад. Бо ин мақсад, 7659 гектар замин аз ҳисоби ин ноҳия, аз ҷумла ҷамоатҳои деҳоти Чоряккорон, Сарикиштӣ, Гулистон, Чортеппа, Чимтеппа ва Россия ба ҳудуди шаҳри Душанбе гузаронда мешавад.  Ин имкон медиҳад, ки дар пойтахти кишвар боз як ноҳияи нав бунёд гардад.

Шодимурод Аловуддинов, муовини сардори сарраёсати меъморӣ ва шаҳрсозии шаҳри Душанбе, иброз дошт, ки бунёди ноҳияи нав аз шаҳракҳо ва инфрасохтори дорои аҳамияти иҷтимоию иқтисодӣ, аз ҷумла муассисаҳои таълимӣ, боғчаҳои бачагона, майдончаҳои варзиш, марказҳои хизматрасонию савдо, таваққуфгоҳҳо, беморхонаву дармонгоҳҳо ва амсоли инҳо иборат мебошад. Ҳамчунин, минтақаи саноатӣ бо бунёди корхонаҳои нав ва иншооти барои рушди сайёҳӣ нигарондашуда, ҳудудҳои муҳофизатӣ, аз ҷумла боғу ҷангалзорҳо ва гулгашту хиёбонҳо, ҳудудҳои махсус бо сохтмони биноҳои мутааллиқ ба сохтори мақомоти ҳифзи ҳуқуқ, обтаъминкунӣ, корезӣ ва ғайраҳо ба роҳ монда мешавад. Масалан, ба ҷойи деҳаи Чортут, ки ҳоло ба ноҳияи Рӯдакӣ тааллуқ дорад, ҳудудҳои махсуси обтаъминкунии пойтахт бунёд гардида, минтақаи корезӣ, ки алҳол дар маҳаллаи Гулбутта қарор дорад, ба деҳаи Сарикиштӣ кӯчонда мешавад. Иншооти сохташаванда бо техника ва таҷҳизоти замонавӣ низ муҷаҳҳаз мегардад. Иқдоми мазкур дар доираи дастуру супоришҳои Сарвари давлат муҳтарам Эмомалӣ Раҳмон зимни мулоқот бо роҳбарон ва фаъолони шаҳри Душанбе аз 15 феврали соли 2017 роҳандозӣ шуда, пойтахти кишварро бо гузариш ба марҳилаи нави рушд ба куллӣ дигаргун месозад. Тағйирот қариб дар ҳама шаҳраку ноҳияҳои пойтахт ба назар мерасад. Аз ҷумла, консепсияи меъморӣ ва шаҳрсозии кӯчаи Садриддин Айнӣ аз буриши хиёбони Рӯдакӣ то буриши кӯчаи «Дӯстии халқҳо» 50  бинои  дар ин мавзеъ сохташаванда, 19 бинои баландошёнаи он дар ду шафати роҳи асосӣ бо риояи санъати баланди меъмории милливу бунёдшавандаро дар бар мегирад. Аз мавзеи Зарнисор то канали Ҳисор шаҳраки дипломатӣ низ бунёд мегардад, ки дар он сафоратхона ва консулгариҳо ҷой дода мешаванд. Дар «Олами китоб» - и ноҳияи Шоҳмансур марказҳои замонавии 18 - 20 - ошёна қомат меафрозанд. Сохтмони онҳоро ҶДММ «Шаҳри зебои мо» ба уҳда дорад. Ҳамин тавр, солҳои 2019 - 2021, яъне то таҷлили 30 - солагии Истиқлолияти давлатии Ҷумҳурии Тоҷикистон, дар пойтахти кишвар даҳҳо биноҳои баландошёнаи истиқоматӣ, маъмурӣ, таълимӣ ва марказҳои муосири савдою хизматрасонӣ ба истифода дода мешаванд.  Айни замон дар буриши кӯчаҳои Садриддин Айнӣ ва Аҳмади Дониши пойтахт сохтмони чор бинои 16-ошёна, ки аз лиҳози тарҳи меъморӣ дар шаҳр беназиранд, дар  арафаи  анҷомёбист. Корҳои сохтмонӣ дар дигар кӯчаю хиёбонҳои пойтахт бомаром ҷараён доранд.
О. ВАФОБЕК, «Ҷумҳурият»


Баёни ақида (0)    Санаи нашр: 27.12.2018    №: 257-258    Мутолиа карданд: 359
25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР

«АМОНАТБОНК». РАИСӢ ДАР ИТТИҲОДИ БАЙНИБОНКИИ СҲШ

ДДЗТ. ТАНТАНАИ РӮЗИ ПРЕЗИДЕНТ

12.11.2020


КФО

МОСКВА БАРОИ ЁРӢ БА СУРИЯ БЕШ АЗ $1 МИЛЛИАРД ҶУДО НАМУД

ҶАҲОН ДАР ЯК САТР

11.11.2020


БУНЁДИ 532 ИНШООТИ ТИББӢ


Дар сомонаҳои дигари Тоҷикистон хонед