logo

ҳуқуқ

НОБОЛИҒОН. ҶИНОЯТКОРӢ АЗ МАВЗӮЪҲОИ ТАШВИШОВАР БОҚӢ МЕМОНАД

Ҳимояи ҳуқуқ ва манфиатҳои қонунии ноболиғон, ҳамзамон пешгирии ҷиноят ва дигар ҳуқуқвайронкунӣ аз ҷониби онҳо ҳамеша дар маркази таваҷҷуҳи Хадамоти пешгирии ҳуқуқвайронкунӣ байни ноболиғон  ва ҷавонони ВКД (ХПҲНҶ ВКД) бошад ҳам, ҳамоно дар ин самт мушкилиҳо зиёд ба чашм мерасанд. Танҳо дар 11 моҳи соли равон аз тарафи ноболиғон 826 ҷиноят содир гардидааст, ки нисбат ба соли гузашта 37,2 дарсад зиёд мебошад.
Тибқи иттилои хадамоти мазкур, бо мақсади амалӣ намудани талаботи  қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи маҳдуд намудани истифодаи маҳсулоти тамоку» дар самти пешгирии ҷинояткорӣ ва ҳуқуқвайронкунӣ, муноқишаҳои байни хонандагон, шомилшавии онҳо ба ҳизбу ҳаракатҳои экстремистӣ ва равияҳои динӣ, дар миқёси ҷумҳурӣ аз ҷониби кормандони воҳидҳои кор бо ноболиғон ва ҷавонон 4898 маротиба  рейд ва амалиётҳои муштарак гузаронда шудааст. Дар ин давра барои оворагардӣ 4391 нафар, талбандагӣ 618, кашидани бор дар бозорҳо 463, ҷамъоварии маблағи роҳкиро дар воситаҳои нақлиёти мусофиркаш 353, шустани воситаҳои нақлиёт дар ҷойҳои муқаррарнагардида 518, дар вақти дарс машғул шудан ба бозиҳои компютерӣ 3065, истеъмоли нӯшокиҳои спиртӣ 31, фурӯшандагӣ дар ҷойҳои муқаррарнагардида 740, дуд додани сипанд 334 нафар ва дигар ҳуқуқвайронкунӣ дар байни ҷавонону ноболиғон ба қайд гирифта шудааст.
- Дар содир кардани ҷиноятҳо аз тарафи ноболиғон мо наметавонем танҳо мақомоти дахлдор ва ё мактабро айбдор намоем, чун масъулияти бештари онҳо ба уҳдаи падару модар аст, - иброз дошт Зебуннисо Холдорбекова, муовини сардори шуъбаи ноболиғони ХПҲНҶ ВКД. Дар 826 ҷинояти аз ҷониби ноболиғон  содиршуда, 682 писар ва 24 духтар иштирок кардаанд. Дар ҷиноятҳои гурӯҳӣ 69 ноболиғ иштирок намудааст, ки аз инҳо 60 нафараш дар якҷоягӣ бо калонсолон ҷиноят содир кардаанд. Аз шумораи умумии ноболиғоне, ки ба ҷиноят даст задаанд, 206 нафар хонандаи муассисаҳои таҳсилоти умумӣ, 4 нафар мактаби миёнаи махсус, 6 нафар аз омӯзишгоҳҳои касбӣ буда, 490 нафар ба кор ва хондан машғул нестанд.
Назар ба андешаи Зебуннисо Холдорбекова, афзоиши ҷиноят миёни ноболиғон ба якчанд омил, аз ҷумла маҳрум гаштани онҳо аз  падар ё модар, яъне ҷудо шудани оилаҳо аз ҳамдигар, дастрасӣ ба сомонаҳои иҷтимоию шабакаи интернетӣ тавассути  телефонҳои мобилӣ, тамошои кинофилмҳои хусусияти ғайри тарбиявидошта дар кафе-интернетҳо, дар муҳоҷирати меҳнатӣ қарор доштани падар ё модар ва вогузор намудани тарбияи онҳо ба хешовандон, бепарвоии волидон оид ба тарбияи фарзандон, бетарафии ҷомеа дар тарбияи насли наврас вобаста мебошад.
Мақсад аз андешидани тадбирҳо, пешгирии содиршавии ҷиноятҳо, алалхусус, муноқишаҳои авбошии гурӯҳӣ ва дигар ҳуқуқвайронкуниҳои маъмурӣ аз ҷониби ноболиғон ва ҷавонон мебошад. Назорати ҷиддии наврасону ҷавонон вазифаи муҳими ҷомеа маҳсуб меёбад.
Чун таҳти сарварии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои насли наврас ва ҷавон шароити хуби донишандӯзӣ муҳайё гардидааст, онҳо вазифадоранд, ки илму донишҳои муосир, касбу ҳунарҳои замонавӣ омӯхта ба ободиву пешрафти Ватан бо ғайрату неруи тоза ва бо қадамҳои устувор саҳм гузоранд.
Сафаргул АЛИМОВА,
«Ҷумҳурият»


Баёни ақида (0)    Санаи нашр: 31.12.2018    №: 260    Мутолиа карданд: 208

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед