logo

иҷтимоиёт

ДУШАНБЕ. ИМРӮЗ АЗ ДИРӮЗ ЗЕБОТАР АСТ

Пойтахти  Ҷумҳурии Тоҷикистон – шаҳри Душанбе мешукуфад, хусусан солҳои охир, ҳар рӯз зеботару дилработар мешавад. Биноҳои хуштарҳи замонавии истиқоматӣ, истеҳсолӣ, маъмурӣ, хизматрасонӣ қомат меафрозанд. Дар доираи созандагиҳои бомаром 27 декабр раиси шаҳри Душанбе Рустами Эмомалӣ ба фаъолияти муассисаҳои таълими томактабии №№ 131 (ноҳияи Фирдавсӣ), 18 ва 56 (ноҳияи Сино), бинои маъмурии шуъбаи Кумитаи давлатии амнияти миллӣ дар ноҳияи Шоҳмансур ва Озмоишгоҳи марказии назорати истеҳсоли оби нӯшокии КВД «Обу корези шаҳри Душанбе» ҳусни оғоз бахшид.

Тавре аз раёсати иттилоот ва робитаҳои хориҷии дастгоҳи раиси шаҳри Душанбе ба «Ҷумҳурият» хабар доданд, биною муассисаҳо дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи омодагиҳо ба Ҷашни 30 - солагии Истиқлолияти давлатии Ҷумҳурии Тоҷикистон ва иқдомҳои созандаи раиси шаҳри Душанбе Рустами Эмомалӣ бунёд ёфтанд.
Раиси шаҳр дар маҳаллаи Гулбутта муассисаи таълимии томактабии № 131-ро ифтитоҳ намуда, зимни шиносоӣ ба сифати корҳои анҷомёфта баҳои баланд дод ва таъкид кард, ки тарбиятгарон бояд масъулиятшинос бошанд ва барои таълиму тарбияи кӯдакон аз шароитҳои фароҳамомада босамар истифода баранд, зеро кӯдакон ояндаи давлату миллатанд.
Муассиса дар масоҳати 1600 метри мураббаъ бо тарҳи замонавӣ ба маблағи қариб 5 миллион сомонӣ бунёд ёфта, аз се ошёнаю таҳхона, айвончаю ҳуҷраҳои хобу толорҳои бозӣ, варзиш, мусиқӣ, утоқҳои корӣ, ошхонаю иншооти дигари ёрирасон иборат аст ва барои 110 кӯдак пешбинӣ шудааст. Омӯзиш дар муассиса ба забонҳои тоҷикию русӣ ҷараён мегирад.
Муассисаи таълимии № 56 қаблан 160 кӯдакро ба таълиму тарбия фаро мегирифт ва ба таъмиру азнавсозӣ эҳтиёҷ дошт. Баъди азнавсозӣ ва бунёди як бинои нав ҳоло муассиса 280 кӯдакро ба таълиму тарбия фаро гирифтааст. Баъди азнавсозӣ дар саҳни кӯдакистон 12 айвонча, майдончаҳои бозию дилхушӣ ва ҳавзи шиноварӣ бунёд ёфтанд. Муассисаи таълимии томактабии № 18 аз 14 ҳуҷраи хобу 14 ҳуҷраи бозии кӯдакон, утоқҳои либоскашӣ, машқ, мусиқӣ, гимнастика ва иншооти дигари ёрирасон иборат буда, бо харҷи қариб 8 миллион сомонӣ бунёду навсозӣ шудааст.
Бинои шуъбаи КДАМ дар ноҳияи Шоҳмансур дар остонаи Рӯзи кормандони амнияти миллӣ бо иштироки раиси шаҳри Душанбе Рустами Эмомалӣ ва раиси Кумитаи давлатии амнияти миллӣ Саймумин Ятимов ифтитоҳ ёфт. Рустами Эмомалӣ бинои навро туҳфаи арзишманди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба кормандони амнияти миллӣ арзёбӣ карда, таъкид намуд, ки беҳсозии шароити кору зиндагии кормандони сохторҳои қудратӣ ҳамеша дар меҳвари таваҷҷуҳи давлат ва Ҳукумати мамлакат қарор дорад.
Бино аз 4 ошёна, 8 ҳуҷраи корӣ, бойгонӣ, анбор, ҳаммом, толори варзиш ва иншооти дигари ёрирасон иборат буда, бо харҷи 3,5 миллион сомонӣ бунёд ёфтааст. Атрофи иншоотро гулу буттаҳо ва дарахтони ороишӣ зинат додаанд.
Лоиқи таҳсин аст, ки тайи солҳои охир дар самти таъминоти аҳолӣ бо оби нӯшокӣ низ аз ҷониби мақомоти иҷроияи ҳокимияти давлатии шаҳри Душанбе тадбирҳои муассир андешида мешаванд. Рустами Эмомалӣ фаъолияти озмоишгоҳи марказии назорати истеҳсоли оби нӯшокии КВД «Обу корези шаҳри Душанбе»-ро, ки бо мақсади ташхису озмоиши сифати оби нӯшокӣ дар пойтахт бунёд ёфтааст, ҳусни оғоз бахшид.
Озмоишгоҳ аз бинои дуошёнаи дорои таҳхона, ҳуҷраҳои ташхисию корӣ, маҷлисгоҳ иборат буда, ҳуҷраҳои ташхисӣ бо дастгоҳу таҷҳизот, ҳуҷраҳои корӣ бо технологияҳои иттилоотии навтарин муҷаҳҳазанд. Он бо харҷи 12 миллион сомонӣ аз буҷети шаҳр бунёд гардидааст. Дар ин ҷо 30 намуди ташхис гузаронда мешавад. Кормандони озмоишгоҳ изҳор намуданд, ки чунин шароити хуби корӣ барои онҳо дар ягон давр вуҷуд надошт.
Рустами Эмомалӣ таъкид намуд, ки фароҳам овардани шароит барои зиндагии шоистаи мардум ҳамеша дар меҳвари таваҷҷуҳи Пешвои муаззами  миллат қарор дорад ва то Ҷашни 30-солагии Истиқлолияти давлатии Ҷумҳурии Тоҷикистон боз иншооти зиёди иҷтимоию иқтисодӣ сохта мешаванд.
С. АЗИЗӢ, «Ҷумҳурият»


Баёни ақида (0)    Санаи нашр: 31.12.2018    №: 260    Мутолиа карданд: 200

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд

Чин бори нахуст аз ҷиҳати миқдори сафорат дар хориҷа ИМА - ро пас гузошт

Сарвазири Украина ба мардуми кишвар тибби ройгонро ваъда дод

Ҷаҳон дар як сатр

ЧЕМПИОНАТИ CAFA – 2019. Бонувони тоҷик соҳиби медали биринҷӣ шуданд

28.11.2019


НОҲИЯИ АЙНӢ. Боз як маркази нав дар хизмати мардум

27.11.2019


Ҷаласаи Кумитаи тадорукот оид ба омодагӣ ва баргузории ду чорабинии сатҳи байналмилалӣ

Медали биринҷии Сомон аз Ҷопон

Бишкек. Дар ҳамоиши СААД 21 масъала баррасӣ мешавад


Дар сомонаҳои дигари Тоҷикистон хонед