logo

иқтисод

СУБОТИ МОЛИЯВӢ. ШӮРОИ МИЛЛӢ ТАЪСИС ЁФТ

Бори аввал дар таърихи кишвар Шӯрои миллии суботи молиявӣ дар Ҷумҳурии Тоҷикистон таъсис ёфт ва ба кори худ оғоз бахшид. Тавре аз шуъбаи матбуоти БМТ ба «Ҷумҳурият» хабар доданд, ҷаласаи якуми Шӯрои миллии суботи молиявӣ дар Бонки миллии Тоҷикистон таҳти роҳбарии раиси Шӯро – вазири рушди иқтисод ва савдо Неъматулло Ҳикматуллозода ва бо иштироки намояндаи Дастгоҳи иҷроияи Президенти ҷумҳурӣ, роҳбарони Вазорати молия, Бонки миллии Тоҷикистон, Хазинаи суғуртаи пасандозҳои шахсони воқеӣ ва коршиносони Бонки ҷаҳонӣ баргузор шуд.
Дар ҷаласа муқаррароти дохилӣ оид ба ташкили кори Шӯро тасдиқ гардида, масъалаҳои таъмини суботи молиявӣ, аз ҷумла омилҳои устувории молияи давлатӣ, заминаҳои макроиқтисодии муътадилии бозори асъор, вазъи низоми бонкӣ, фаъолияти Хазинаи суғуртаи пасандозҳои шахсони воқеӣ ва нақши он дар нигоҳ доштани суботи молиявӣ, мавриди баррасӣ қарор гирифтанд.
Зикр гардид, ки Ҷумҳурии Тоҷикистон ба тағйироти вазъи сиёсию иқтисодии ҷаҳони имрӯза ҳамеша таваҷҷуҳ зоҳир менамояд ва дар самти беҳсозии фазои молиявии кишвар ва ҷалби сармояи хориҷӣ ба иқтисодиёти миллӣ пайваста тадбирҳои мушаххас андешида мешаванд. Дар баробари ин, барои нигоҳ доштани рушди устувори иқтисодиёти кишвар, бахусус низоми молиявӣ-бонкӣ, ки бахши муҳими он маҳсуб меёбад, шарикони рушд, аз ҷумла Хазинаи байналмилалии асъор ва Бонки ҷаҳонӣ, ҷиҳати гузарондани ислоҳот ва татбиқи лоиҳаҳои муштараки инвеститсионӣ нақши муҳим мебозанд.
Аъзои Шӯро оид ба идоракунии хавфҳои ҷойдошта дар низоми молиявӣ ва бонкӣ, рушди фаъолияти бозори коғазҳои қиматнок, масъалаҳои андозбандӣ, низоми идоракунии молияи кишвар, инчунин, оид ба беҳтар кардани фазои сармоягузорӣ ва иқтидори Хазинаи суғуртаи пасандозҳои шахсони воқеӣ ибрози назар карда, пешниҳодҳои худро манзури Шӯро намуданд.
Ҷаласаи Шӯро оид ба таъсис додани Гурӯҳи кории техникӣ барои ташкили корҳо ҷиҳати баргузории ҷаласаҳои минбаъда қарори дахлдор қабул карда, вазорату идораҳои масъулро, ки намояндаҳои онҳо ба ҳайати Шӯро шомиланд ва дар устувории низоми молиявӣ саҳми калидӣ доранд, барои таҳияи нақшаи чорабиниҳо баҳри устувор нигоҳ доштани низоми молияи давлатӣ, механизми маблағгузории касри Хазинаи суғуртаи пасандозҳои шахсони воқеӣ, андешидани тадбирҳои муассир ҷиҳати пешниҳод намудан ба Ҳукумати Ҷумҳурии Тоҷикистон, инчунин, мубодилаи саривақтии иттилоот ва фаъолияти ҳамоҳанг ҷиҳати расидан ба ҳадафҳои пешгузошта муваззаф намуд.
Шӯрои миллии суботи молиявӣ дар Ҷумҳурии Тоҷикистон мақоми байниидоравии машваратии доимоамалкунанда буда, бо қарори Ҳукумати Ҷумҳурии Тоҷикистон таъсис дода шудааст ва ҳадафи асосии он баррасии масъалаҳои таъмини суботи молиявӣ, ошкор намудани хавфҳо дар низоми молиявӣ ва пешниҳоди тадбирҳо баҳри коҳиш додани хавфҳо мебошад.
Тибқи низомномаи Шӯро, ба ҳайати он вазири рушди иқтисод ва савдо – раиси Шӯро, вазири молия – муовини раиси Шӯро, раиси Бонки миллии Тоҷикистон – котиби ҳамоҳангсоз, раиси Хазинаи суғуртаи пасандозҳои шахсони воқеӣ ҳамчун узви доимӣ ва намояндаи Дастгоҳи иҷроияи Президенти Ҷумҳурии Тоҷикистон ба ҳайси иштирокчии доимӣ ва нозири мустақили Шӯро дохиланд.
С. РАҶАБЗОДА, «Ҷумҳурият»


Баёни ақида (0)    Санаи нашр: 09.01.2019    №: 8    Мутолиа карданд: 81

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед