logo

иқтисод

ТОҶИКОБОД. МАРҲИЛАИ НАВИ СОЗАНДАГӢ

Соли 2018 бо рӯйдодҳои таърихӣ дар ҳаёти иҷтимоию иқтисодӣ ва сиёсии кишвари азизамон саҳифаҳои тоза кушод. Пеш аз ҳама, Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ аз 22 декабри соли 2017 рушду шукуфоии сарзамини кишварро такон бахшид ва барои фаъолияти ҳар як сокини ҷумҳурӣ давоми соли 2018 роҳнамои судманд буд. Мардуми сарбаланди ноҳияи Тоҷикобод низ онро бо рӯҳбаландӣ пазируфта, давоми сол ба дастовардҳои зиёд ноил гардиданд. Суҳбати хабарнигори рӯзномаи «Ҷумҳурият» бо иҷрокунандаи вазифаи раиси ноҳияи Тоҷикобод Ҳамидулло Маҳмадшозода низ дар ин бора аст:

Соли 2018 оғози Даҳсолаи байналмилалии амал «Об барои рушди устувор, солҳои 2018-2028» гардид. Ин тадбири муҳими сатҳи байналмилалӣ бо ташаббус ва иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои боз ҳам боло рафтани обрӯю эътибори Тоҷикистон дар арсаи ҷаҳон мусоидат кард. Дар доираи барномаи даҳсола дар ҷумҳурӣ чорабиниҳои зиёд баргузор гардиданд ва роҳандозии тадбирҳои дигар идома дорад.
Албатта, барҷастатарин рӯйдоди соли 2018 ба кор оғоз кардани чархаи аввалини Неругоҳи барқии обии «Роғун» мебошад. Онро метавон ҳатто ҳодисаи нодири аср номид. «Роғун», чуноне Президенти кишвар иброз доштанд, марҳилаи тамоман тозаеро дар ҳаёти Тоҷикистон оғоз намуд ва оянда ба манбаи нур дар тамоми Шарқ табдил хоҳад ёфт.
Дар доираи Соли рушди сайёҳӣ ва ҳунарҳои мардумӣ эълон гардидани соли 2018 дар тамоми ҷумҳурӣ, аз ҷумла ноҳияи Тоҷикобод ва шаҳри Душанбе, чорабиниҳои зиёд доир гардиданд, ки дар онҳо ҳунармандони ноҳия иштироки фаъол доштанд. Аммо фаромӯш набояд кард, ки  мақсад аз Соли рушди сайёҳӣ ва ҳунарҳои мардумӣ танҳо ташкили намоиши ҳунарҳои мардумӣ ва тарғибу ташвиқи мавзеъҳои тамошобоби ноҳия нест. Дар ин самт дар мавзеъҳои хушманзара инфрасохтори гуногуни сайёҳӣ, аз ҷумла нуқтаҳои фурӯши маҳсули ҳунарҳои дастӣ, бунёд намудан аз вазифаҳои аввалиндараҷаанд.
Албатта, рушди сайёҳӣ ва ҳунарҳои мардумӣ танҳо ба як сол маҳдуд буда наметавонад. Зарур аст, ки дар оянда бо истифода аз имкониятҳо дар ин бахш корҳои амалиро бештар ба роҳ монем. Маҳз бо ҳамин мақсад солҳои 2019 - 2021 Солҳои рушди деҳот, сайёҳӣ ва ҳунарҳои мардумӣ эълон гардиданд.
Айни замон дар ноҳия барои сазовор истиқбол гирифтани Ҷашни 30 - солагии Истиқлолияти давлатии Ҷумҳурии Тоҷикистон корҳои ободонию созандагӣ босуръат ҷараён доранд. Сохтмони якчанд иншооти ҷашнӣ, аз ҷумла бинои суди ноҳиявӣ, марказҳои тиҷоратӣ ва кӯдакистон дар маркази ноҳия, маркази технологӣ дар назди муассисаи таҳсилоти миёнаи умумии №17 - и деҳаи Мазори Поён, бунгоҳи тиббӣ дар деҳаи Капалӣ ва мумфаршу чароғонкунии кӯчаҳои маркази ноҳия (марҳилаи якум) бо ҳиммати соҳибкорон анҷом ёфтанд. Бунёди 6 майдончаи варзиш дар ҳамаи ҷамоатҳои деҳоти ноҳия, биноҳои синфхонаҳои иловагӣ дар назди муассисаҳои таҳсилоти миёнаи умумии № 27 – и  деҳаи Дараи Нӯшор ва  №10 – и  деҳаи Гулистон, бинои маъмурии шабакаи барқӣ, дарвозаи даромадгоҳи ноҳия ва ғайра бомаром ҷараён дорад. Дар асоси нақшаи чорабиниҳо давоми дую ним сол бояд 74 иншооти ҷашнӣ сохта ба истифода дода шавад. Аз ин 20 иншоот сохтмони азим буда, бо маблағгузории Ҳукумати мамлакат, вазорату идораҳо ва буҷети маҳаллӣ бунёд меёбад
Ҳаҷми маҷмӯи маҳсулоти дохилӣ, мувофиқи маълумоти оморӣ, дар ёздаҳ моҳи соли 2018  ба 183 миллиону 860 ҳазор сомонӣ расид, ки нисбат ба моҳҳои январ - ноябри соли гузашта 7 дарсад зиёд аст. Дар ёздаҳ моҳи соли сипаришуда нақшаи андоз ва дигар пардохтҳои ҳатмӣ 101 дарсад таъмин гардид ва ба буҷети ноҳия ба ҷойи 5017950 сомонии дар нақша пешбинишуда 5061681 сомонӣ маблағ ворид шуд.
Кишоварзӣ соҳаи асосӣ ва пешбарандаи рӯзгори мардум ба ҳисоб рафта, бе рушди ҳамаҷонибаи он дар ноҳия таъмин кардани некуаҳволии мардум ғайриимкон аст. Тибқи маълумоти оморӣ, баҳори соли 2018 дар майдони умумии 5281 гектар замин зироатҳои гуногун кишт шуд, ки назар ба соли пешӣ 128 гектар зиёд мебошад.  Ғайр аз кишти ғалладона, ки майдони умумии он 177 гектар кам гардидааст, майдони кишти дигар зироатҳо зиёд шуд. Аз 1081 гектар замин дар 74 гектари он картошка кишт гардид.
Баробари рушди картошкапарварӣ тараққиёти соҳаи боғдорӣ низ барои мардуми ноҳия манфиатовар аст. Тибқи нақша, имсол бояд дар ноҳия 19 гектар боғи нав бунёд гардид.
Бисёр рамзист, ки дар арафаи Соли нави мелодӣ Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ дар бораи самтҳои асосии сиёсати дохилию хориҷии  кишвар ба халқи шарифи Тоҷикистон пешниҳод гардид. Ин ҳуҷҷати раҳнамо аллакай дастури фаъолияти мардуми ноҳияи Тоҷикобод низ қарор гирифтааст.
Умед дорам, ки хизматчиёни давлатӣ, роҳбарони муассисаю корхонаҳо ва тамоми заҳматкашони ноҳия соли 2019-ро бо масъулияти баланд оғоз менамоянд. Вусъати корҳои ободонию бунёдкорӣ ба истиқболи Ҷашни 30 - солагии Истиқлолияти давлатӣ, омодагӣ ба кишту кори баҳорӣ, дигаргунии ҷиддӣ ворид намудан ба раванди таълиму тарбия, нигоҳдории тандурустӣ, фарҳанг, иҷтимоиёту маънавиёт аз ҷумлаи вазифаҳои мушаххасанд, ки барои иҷрояшон камар мебандем.
Дилшод АМИРОВ, «Ҷумҳурият»


Баёни ақида (0)    Санаи нашр: 09.01.2019    №: 8    Мутолиа карданд: 369
30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК


Дар сомонаҳои дигари Тоҷикистон хонед