logo

иқтисод

НОҲИЯИ ҶАББОР РАСУЛОВ. ДЕҲОТ РУШД МЕКУНАД

Дар ду - се соли охир шаҳраки Меҳробод ва рустоҳои ноҳияи Ҷаббор Расулов бо ҳиммати  соҳибкорони маҳаллӣ ва татбиқи лоиҳаҳо бо ҷалби сармояи хориҷӣ ободу хуррам гашта, садҳо иншооти хурду миёнаи тавлидотӣ, хизматрасонӣ ва фарҳангиву варзишӣ мавриди баҳрабардорӣ қарор гирифтанд.

Комилҷон Салимзода, раиси ноҳия аз он қаноатманд аст, ки соҳибкорони маҳаллӣ даъвати Пешвои муаззами миллат муҳтарам  Эмомалӣ Раҳмонро ҷиҳати саҳм гузоштан дар ободии диёр бо амри дилу эҳсоси баланди ватандӯстӣ пазируфта, барои бунёди иншооти дорои аҳамияти иқтисодиву иҷтимоӣ ва фарҳангӣ ташаббусу иқдомҳои наҷиб зоҳир мекунанд.
- Фазо ва муҳити хуби созандагист, ки дар ноҳия теъдоди соҳибкорон дар қиёс ба солҳои қаблӣ афзуда, ба 4 ҳазору 344 нафар расидааст. Ҳоло соҳибкорони дар хориҷи дур фаъолияткунандаи мо низ изҳори хоҳиш доранд, то дар ободонию шукуфоии диёри аҷдодии худ саҳм гиранд. Масалан, соҳибкор Дилфуза Саидова, аз кишвари Малайзия, ният дорад, ки дар шаҳраки Меҳробод  маҷмааеро иборат аз бинои 7 - ошёна сохта ба истифода диҳад. Инчунин, соҳибкор Акмал Бӯттаев бо назардошти ниёз ба кӯдакистон  ваъда дод, ки то охири сол онро замонавии ҷавобгӯй ба тамоми талаботи рӯз барои 200 ҷой бунёд кунад. Фақат ҳамин сол дар ҳудуди ноҳия 55 иншооти таъйиноти гуногун сохта мешавад. Соли сипаришуда маблағи ҷалби  сармояи хориҷӣ ба ноҳия ба 12 миллиону 500 ҳазор сомонӣ расид ва он барои бунёди иншооти ҳаётан муҳими аҳолӣ, назири марказҳои саломатӣ, синфхонаҳои иловагӣ, кашидани хати оби нӯшокӣ масраф шуд. Соли равон дар ҷамоатҳои деҳоти Гулхона ва Ҳаёти Нав низ  марказҳои замонавии саломатӣ сохта ба истифода дода  мешаванд, - гуфт зимни суҳбат Комилҷон Салимзода.
Ноҳияи Ҷаббор Расулов дар масъалаи бунёду  таъмири роҳҳои замонавии мошингард на танҳо дар вилояти Суғд, балки дар ҷумҳурӣ аз ҷумлаи пешоҳангон аст. Роҳи мошингарди Деҳмой - Меҳробод - Маданият дар масофаи 16,9 километр тибқи лоиҳаи Бонки ҷаҳонӣ бо маблағи 11,9 миллион доллари амрикоӣ азнавсозию таъмир шуда, 22 октябри соли гузашта бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ифтитоҳ ёфт.
- Азми ҷиддӣ дорем, ки соли равон низ бо сарчашмаҳои гуногуни маблағгузорӣ – соҳибкорон, буҷети маҳаллӣ ва ҷалби сармояи хориҷӣ таъмиру азнавсозии боз  зиёда аз 17 километр роҳҳои дохили ноҳияро дар сатҳи баланди талаботи рӯз ба анҷом расонем. Зеро роҳҳои ободу мумфаршшуда, қабл аз ҳама, обрӯву эътибори миллату кишваранд ва барои рушди деҳот мусоидат мекунанд. Ҷиҳати рушду нумӯи иқтисодии ноҳия мо омодаем, ки ҳамкориро бо кулли соҳибкорони маҳалливу хориҷӣ вусъат бахшида, ба ҳадафи ниҳоӣ - ободии диёр, рӯзгори осуда ва зиндагии шоиста бирасем, - иброз дошт раиси ноҳия.
Ҷовиди АШТӢ, «Ҷумҳурият»


Баёни ақида (0)    Санаи нашр: 10.01.2019    №: 9    Мутолиа карданд: 163

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад


Дар сомонаҳои дигари Тоҷикистон хонед