logo

сиёсат

ҚАДАМИ ПЕШВОИ МИЛЛАТ МУБОРАК АСТ

28 декабри соли рафтаро ятимон ва кормандони мактаб - интернати рақами 1 барои кӯдакони ятими шаҳри Душанбе рӯзи хотирмону фаромӯшношуданӣ меҳисобанд. Дар ин санаи фархунда Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин муассиса ташриф оварданд ва аз шароити зисту таълими хонандагон ва кормандон дидан карданд.
Бояд ёдовар шуд, ки Президенти кишвар муҳтарам Эмомалӣ Раҳмон бори чорум аст, ки ба ин таълимгоҳ ташриф меоранд ва бо шароити зисту таълими ятимону кормандон ошно мешаванд. Ба ҳар бори омаданашон таълимгирандагонро шодиву фараҳ фаро мегирад. Онҳо хуб дарёфтаанду медонанд, ки қудуми Пешвои миллат муборак буда, аз аҳволу таълимашон самимона пурсон мешаванду ҳамроҳашон гарму ҷӯшон суҳбат меороянд.
Дар ду соли охир мақомоти иҷроияи ҳокимияти давлатии шаҳри Душанбе муассисаро бо 30 тахтаи электронӣ, 65 компютер, 11 ноутбук ва 76 камераи назоратӣ таъмин намуд. Ҳамчунин, ба хотири ҷалби наврасон ба варзиш ва  рушди ин соҳа ду майдончаи варзиш, як толори варзиш ва ду толори маҷлисгоҳ бунёд кард. Таълимгирандагон имкони беҳтари омӯхтани технологияи компютерӣ, забонҳои хориҷиро доранд.
Ҳамин тавр, ин муассисаи таълимӣ дорои ҳамаи шароитҳои зарурист. Дар се ошёнаи он 22 синфхонаи фаннӣ, 19 кабинети корӣ, 18 хонаи хоб бо 330 кат, 2 ҳуҷраи бозии кӯдакон ҷой доранд. Аз озмоишгоҳҳои фаннӣ ва толори фарҳанг ба таври васеъ истифода мебаранд. Мактаб - интернат бо системаи гармидиҳӣ низ таъмин аст.
Ин муассисаи таълимӣ барои кӯдакони ятим, ки яке аз калонтарин мактаб - интернатҳои ҷумҳурӣ ба ҳисоб меравад, соли 1972 дар заминаи мактаб - интернат барои кӯдакони ятим ва бепарастор таъсис ёфтааст. Бо гузашти солҳои зиёд, хосса дар даврони навин, ба талабот ҷавобгӯ набуд. Дар вохӯрии Президенти мамлакат муҳтарам Эмомалӣ Раҳмон бо масъулону фаъолони шаҳри Душанбе (15 феврали соли 2017) соҳибкори ватандӯст, директори ҷамъияти дорои масъулияташ маҳдуди «Сарманзил» Маҳмудҷон Муродов иқдом намуд, ки аз ҳисоби даромади софи корхонааш муассисаи таълимии мазкурро пурра аз таъмири асосӣ барорад. Ба ҳангоми ташрифи Сарвари давлат ӯ ваъда дод, ки барои 600 нафар бошандагони мактаб-интернат хобгоҳи замонавӣ сохта ба истифода диҳад.
Албатта, ташрифу боздид, ҳидояту раҳнамоӣ ва дастуру супоришҳои муҳтарам Эмомалӣ Раҳмон як умр дар хотири ятимон ва кормандони муассиса мемонад. Ба яқин, дар дунё ҳеҷ сарвари давлате нест, ки мислашон барои ятимон вақти қимати худро сарф намоянду ба шароити зисту таълимашон аз наздик шинос шаванд. Инчунин, бо онҳо падарона суҳбат биороянду панду андарз бидиҳанд, раҳнамоияшон бинамоянд. Ва ҳам барои ҳар кадом туҳфаи гаронарзиш тақдим бикунанд. Ин ҳама ғамхориҳову дастгириҳо бо дӯстдориву муҳаббати хосса онҳо ва моро вазифадор месозанд, ки беҳтар аз пештар биомӯзем, фаъолият намоем ва дар рушду пешрафти Ватани азизамон саҳми арзанда бигирем.
Ҷамолиддин АМИРХОНОВ,
директори муассисаи давлатии таҳсилоти
умумии асосӣ - «мактаб - интернати рақами 1
барои кӯдакони ятим»-и шаҳри Душанбе


Баёни ақида (0)    Санаи нашр: 11.01.2019    №: 10    Мутолиа карданд: 192

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед