logo

иҷтимоиёт

ОБ БАРОИ РУШДИ УСТУВОР. ДАҲСОЛАЕ, КИ БА МАНФИАТИ ТАМОМИ МАРДУМИ ҶАҲОН АСТ

Кишвари мо бо сарварии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ташаббускори ҳалли масоили марбут ба камчинии об эътироф шудааст. Бо пешниҳоди Пешвои миллат Маҷмаи кулли СММ Даҳсолаи байналмилалии амал «Об барои рушди устувор, солҳои 2018 – 2028» - ро қабул кард, ки айни замон амалисозии он идома дорад.
Мушкилоти мазкур борҳо омили буҳрон ва вазъи муташанниҷи  иҷтимоӣ гашта, бо пешрафти иқтисодиёт, хосса саноат,  норасоии об ва буҳронҳо аз ин ҳисоб тавсеа ёфтанд. Давоми  асри гузашта бо сабаби зиёд гаштани шумораи аҳолӣ ва корхонаҳо талабот ба  об нисбат ба пештара сездаҳ маротиба афзудааст. Айни замон масъалаи номбурда яке аз мушкилоти ҳалталаби ҷаҳонӣ мебошад. Мутобиқи маълумоти Созмони Милали Муттаҳид, ҳоло зиёда аз 1,2 миллиард инсон дар шароити доимии норасоии об қарор дошта, тақрибан 2 миллиард нафар мунтазам аз беобӣ азият мекашад ва ин мушкил  пайваста шадидтар мешавад. Ин ҳол   барои иқтисод ва дар маҷмӯъ, барои рушди устувори инсоният монеа пеш мегузорад.
Ҳоло давлатҳои ҷаҳон барои ҳалли масъалаи дастрасӣ ба об аз роҳу усулҳои гуногуни илмию техникӣ истифода мебаранд. Аз ҷумла, воридоту содироти об, истифодаи сарфакоронаи он, бунёди обанборҳои сунъӣ ва  соф намудани обҳои шӯри баҳр ё зеризаминӣ.
Дар асоси ба роҳ мондани воридоту содироти об кишварҳои сероб мамлакатҳои дигарро бо об таъмин менамоянд. Аз ҷумла, барои содироти об  байни Туркия ва Исроил ба муддати бист сол аҳднома ба имзо расидааст, ки тибқи он  барои интиқоли об тавассути баҳр 0,7 доллар барои як метри мукааб об пардохт мешавад. 
Дар натиҷаи сохтани обанборҳои сунъӣ кишварҳо дар ҳолати зарурӣ эҳтиёҷоти аҳолии худро бо об таъмин менамоянд. Ҳамчунин, дар биёбони Қароқуми  Туркманистон татбиқи лоиҳаи бунёди обанбори бузурги ҷаҳон ба маблағи 12 миллиард доллар пешбинӣ шудааст, ки ҷараёни сохтмони он 20 сол давом меёбад. Бо вуҷуди ин, ҳолати таъминоти об дар минтақа ҳоло мураккаб аст, зеро дар шароити биёбон талафот ва бухоршавии об зиёд мебошад. 
Сарфакорӣ дар истифодаи об низ аз роҳҳои муҳими беҳбудӣ бахшидани вазъи таъминоти об дар ҷаҳон маҳсуб меёбад. Дар ин хусус  Конгресси Амрико аллакай соли 1992 қонуни махсусеро оид ба 70 дарсад коҳиш додани ҳаҷми истифодаи об  барои эҳтиёҷоти коммуналӣ ба тасвиб расонда буд. Гузашта аз ин, бо мақсади таъминоти аҳолӣ бо об дар кишварҳои ҷаҳон коркарди оби баҳр бо суръати зиёд густариш меёбад. Агар соли 1960 соф намудани об 0,09 километри мукаабро ташкил медод, соли 1985 нишондоди мазкур ба 7,5 километри мукааб ва  соли 2000 ба  15,3 километри мукааб расидааст, ки аз нуфузи бештар пайдо намудани масоили вобаста ба об шаҳодат медиҳанд.
Бо  ташаббуси инсондӯстонаи Сарвари давлат ҳоло кишварҳои ҷаҳон имконият пайдо намуданд, ки дар доираи амалисозии Даҳсолаи байналмилалии амал «Об барои рушди устувор, солҳои 2018 - 2028» барои ҳалли масъалаи об, истифодаи захираҳои обӣ ва коҳиш додани беобӣ ҳамкориро густариш бахшида, аз роҳу усулҳои гуногуни илмию техникии замон истифода баранд ва мушкилоти дастрасӣ ба обро якҷо ҳал кунанд.
Муслиҳиддин НУРЗОДА, аспиранти ДМТ


Баёни ақида (0)    Санаи нашр: 29.01.2019    №: 21-22    Мутолиа карданд: 183

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед