logo

туризм

САЙЁҲӢ. НАТИҶАГИРИИ КУМИТА АЗ ОЗМУНҲО

Дар меҳмонхонаи «Hayat Regency Dushanbe»-и пойтахт бо иштироки намояндагони Дастгоҳи иҷроияи Президенти Ҷумҳурии Тоҷикистон, вазорату идораҳо, муассисаҳои олии таълимӣ, осоишгоҳҳо, меҳмонхонаҳо, ширкатҳо ва доираҳои сайёҳӣ маросими ҷамъбаст ва қадрдонии ғолибони озмунҳо бахшида ба Соли рушди сайёҳӣ ва ҳунарҳои мардумӣ баргузор гардид.
Мушовири бахши Ёрдамчии Президенти Ҷумҳурии  Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода ва раиси Кумитаи рушди сайёҳӣ Нуъмон Абдуғаффорзода доир ба дастовардҳо ва имкониятҳои рушди сайёҳӣ дар кишвар сухан гуфта, иброз доштанд, ки  бо дастгириҳои пайвастаи Пешвои миллат муҳтарам Эмомалӣ Раҳмон барои бунёди инфрасохтори сайёҳӣ, рушду истеҳсоли маҳсулоти ҳунармандӣ ва ҷалби сайёҳони хориҷӣ тамоми шароитҳо фароҳам оварда шудаанд.
Соли 2018 «Стратегияи рушди сайёҳӣ барои давраи то соли 2030» қабул гардида, ҳадафҳои рушди соҳаро барои 12 соли минбаъда муайян намуд ва дар ин ҷода имкониятҳои сайёҳии Тоҷикистон дар арсаи байналмилалӣ муаррифӣ гаштанд.
Хамин тариқ, зимни ҷамъбасти озмуни «Ҳунарҳои ороишӣ аз санг» Шоҳҷоиза насиби рассом Ҷамшед Ҷӯраев гардида, ҷойи якумро Ҷамъияти дорои масъулияти маҳдуди  «Асрори санг», ҷойҳои дуюмро ҶДММ «Рухом» ва ҶДММ «Карон» дар ноҳияи Дарвоз, ҷойҳои сеюмро ҳунармандон  Умед Ҳамидов (шаҳри Душанбе) ва Ҳакималӣ Камолов (ноҳияи Кӯшониён) ишғол намуданд.
Аз рӯи номинатсияи “Беҳтарин ширкати сайёҳии сол” дар самти воридотӣ  ширкати «Ориент Адвентур» ва дар самти сайёҳии дохилӣ ҶДММ «Сафед - дара» ғолиб эълон гардиданд.
Аз рӯи номинатсияҳои “Осоишгоҳи беҳтарин” ва “Беҳтарин меҳмонхона” осоишгоҳҳои «Зумрад», «Хоҷа оби гарм», «Сатурн» ва меҳмонхонаҳои «Тоҷикистон», «Ҳаятт Реҷенси», «Серена», «Сафир», «Ҳиллтон» ва «Роҳат» дар радифи беҳтаринҳо дар самти ба роҳ мондани хизматрасонии муносиб ба меҳмонону сайёҳон ҳисобида шуданд.
Дар озмун оид ба таҳияи беҳтарин маҷмӯаи «Ҳафт ганҷинаи Тоҷикистон» созмони ҷамъиятии «Маркази рушди туризм» пирӯз гардид.
Барои саҳми муносиб дар хизматрасонӣ ба сайёҳони хориҷӣ Шаҳбоз Акрамзода,  Умеда Қурбонбекова, Ситора Набиева ва Ниёзқул  Неъматов  беҳтарин роҳбаладони соли 2018 дониста шуданд.
Дар бахши омӯзиши таҷрибаи байналмилалӣ ва ба роҳ мондани ҳамкориҳои судманд ширкатҳои «Глобал Транс», «Расул Сохтмон» ва барои иштироки фаъолона дар корҳои ободонӣ бахшида ба 30 - солагии Истиқлолияти давлатии Ҷумҳурии Тоҷикистон ширкати «Морхур» қадр гаштанд. Ҳамзамон, дар озмун миёни ҳунармандони кишвар оид ба истеҳсоли маҳсулоти сайёҳӣ ва савғотии беҳтарин ба сайёҳон ҷойи аввал насиби ҳунарманд Фозилҷон Носиров шуд.
Ғайр аз ин, «Рахш такси», «Сабоҳ такси» ва дигар шарикони рушд, муассисаҳои олии таълимӣ, ки дар риштаи сайёҳӣ мутахассис омода месозанд, ҳамчунин, ВАО-и ватанӣ барои ҳамкории судманд дар таблиғу ташвиқи захираву имкониятҳои сайёҳии Тоҷикистон, саҳм гузоштан дар татбиқи сиёсати давлатии соҳаи сайёҳӣ бо сипосномаи Кумитаи рушди сайёҳӣ сарфароз гардиданд.
Ш. ҚУРБОН, «Ҷумҳурият»


Баёни ақида (0)    Санаи нашр: 29.01.2019    №: 21-22    Мутолиа карданд: 343

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ

«БАҲОРИ ИСТИҚЛОЛ». ХАТСАЙРИ НАВИ САЙЁҲӢ ДАР ТУРСУНЗОДА

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид


Дар сомонаҳои дигари Тоҷикистон хонед