logo

сиёсат

ТОҶИКИСТОНУ ПОКИСТОН. ЗАМИНАИ ФАРОХ БАРОИ ГУСТАРИШИ ҲАМКОРИҲОИ ЭНЕРГЕТИКӢ ВА ТИҶОРАТӢ

Рушду нумӯи энергетика барои некуаҳволии мардум нақши калидӣ доранд. Тоҷикистон яке аз кишварҳоест, ки дорои иқтидори бузурги энергетикӣ мебошад. Бунёд намудану дуруст истифода бурдани иншооти энергетикӣ дар Тоҷикистон метавонад минтақаро ба як манбаи неруманд ва мустаҳками пуриқтидор табдил созад.  Дар Паёми навбатии Сарвари давлат низ  соҳаи энергетика мавриди баррасӣ ва таҳлили амиқ қарор гирифт. Ин аз аҳамияти вижаи соҳа шаҳодат медиҳад. Кишвари мо саршор аз сарватҳои табиӣ, хусусан иқтидорҳои энергетикист. Ин сарвати бузург барои рушди равобити энергетикӣ ва тиҷоратии Тоҷикистон ва Осиёи Ҷанубӣ заминаи воқеӣ мегузорад.
Осиёи Ҷанубӣ аз 8 кишвар - Афғонистон, Бангладеш, Бутан, Ҳиндустон, Молдив, Непал, Покистон ва Шри - Ланка иборат буда, аҳолии он зиёда аз 1,7 миллиард нафар аст, яъне 21 фоизи аҳолии дунё. Тоҷикистон бо ҳамаи ин кишварҳо муносибати хуб дорад, аммо бо Ҳиндустон, Покистон ва Афғонистон  робитаҳо хеле бештар густариш ёфтаанд.
Бо назардошти имконоти мавҷуда Тоҷикистон ва Покистон метавонанд дар  ҳамкорӣ бо дигар кишварҳои Осиёи Миёна масири аслии энергетикиеро эҷод кунанд, ки ҳамаи мамолики Осиёи Ҷанубӣ аз сарватҳои беохир, хусусан энергетикии мо, баҳравар гарданд. Ба ин васила, мо метавонем имконоти нави содиротиро фароҳам оварем.
Президенти Ҷумҳурии Тоҷикистон муҳтарам Эмомалӣ Раҳмон сиёсати «дарҳои кушода» - ро дар меҳвари муносибатҳои хориҷӣ қарор додаанд, ки сол ба сол самари бештар овардани он ба пуррагӣ собит шудаанд. Робитаҳо бо Покистон низ дар ҳамин замина густариш меёбанд, яъне манфиати мутақобилан судманд. Покистон  роҳҳои кӯтоҳтарин ва осонтаринро барои густариши тиҷорат ва иқтисод бо ҳамаи кишварҳои Осиёи Миёна, аз ҷумла Тоҷикистон, фароҳам сохтааст ва дар ин самт ҳанӯз талошҳо идома доранд. Тоҷикистон низ саъй дорад, ки  бо истифода аз бандари Гводари Покистон  тиҷоратро бо тамоми кишварҳои олам густариш диҳад.
Тоҷикистон 4 дарсади иқтидори гидроэнергетикии ҷаҳонро доро буда, савумин тавлидкунандаи барқи обӣ ба шумор меравад. Татбиқи лоиҳаҳои барқии Тоҷикистон ба манфиати тамоми кишварҳои Осиёи Марказӣ ва Осиёи Ҷанубӣ, аз ҷумла Покистон мебошад.
Яке  аз дигар самтҳое, ки ҳамкориҳои Тоҷикистону Покистонро такон мебахшад,  амалисозии  лоиҳаи CАSА-1000 мебошад. Ширкатдорони асосии он Тоҷикистон, Қирғизистон, Афғонистон ва Покистонанд. Ҳадафи асосии лоиҳаи CАSА-1000 ин тавлид ва интиқоли барқи обӣ аз  Осиёи Миёна ба Осиёи Ҷанубӣ мебошад. Бо амалисозии ин лоиҳа Покистон 1300 мегаватт барқи арзону тоза дарёфт менамояд.
Тоҷикистон ва Покистон метавонанд дар бахши кишоварзӣ ва саноат низ ҳамкории худро рушд ва тақвият диҳанд. Зеро ҳар ду кишвар дорои  манобеи хуби кишоварзӣ ва саноатӣ, картошка, пахта, шолӣ, меваҷот, гӯгирдсозӣ, семент, либосворӣ, зарфсозӣ, тӯбсозӣ ва ғайра ҳастанд. Тоҷикистон метавонад дар бахши коркарди ғизо ва нассоҷӣ аз таҷрибаи саноати Покистон истифода намояд. Зеро ин кишвар дар тавлид ва коркарди маҳсулоти пахтагин дар ҷаҳон ҷойи сеюмро ишғол  мекунад. Моҳи марти соли 1994 Президенти Ҷумҳурии Тоҷикистон муҳтарам Эмомалӣ Раҳмон аз  Покистон боздиди расмӣ ба амал оварда, дар таърихи муносибатҳои дуҷониба сафҳаи навро оғоз намуд. Соли 1997 консулгарии Ҷумҳурии Тоҷикистон дар шаҳри Исломободи Ҷумҳурии Исломии Покистон ва дертар дар шаҳри Карочӣ кушода шуд. Ҳамзамон, парвозҳо байни Душанбеву Карочӣ роҳандозӣ шудаанд. Дар давоми 26 соли муносибатҳои дипломатии байни ду кишвар зиёда аз 50 ширкат ва  соҳибкорони зиёди покистонӣ дар Ҷумҳурии Тоҷикистон фаъолият менамоянд.
То соли 2011 гардиши мол байни ду кишвар 14, 9 миллион доллари ИМА – ро ташкил медод. Ҳоло  табодули бор байни ду кишвар ба беш аз 100 миллион доллари амрикоӣ расидааст ва тарафҳо талош доранд, ки онро ба 500 миллион доллар расонанд.
Дар соҳаҳои омӯзиши маҳорат ва такмили ихтисос, маориф ва табодули барномаҳои гуногун низ муносибатҳои ду кишвар тадриҷан рушд меёбанд. Алҳол донишҷӯёни зиёди покистонӣ дар макотиби олии Тоҷикистон таҳсил мекунанд.
Шаҳри Душанбе бо шаҳри Лоҳури Покистон аз соли 1973 аҳди бародаршаҳрӣ дорад, ки ин ҳам қадами некест дар таҳкими дӯстӣ ва муносибатҳои ду кишвар.
Мирсаид РАҲМОНОВ,
ходими илмии Институти омӯзиши масъалаҳои давлатҳои Осиё ва Аврупо


Баёни ақида (0)    Санаи нашр: 06.02.2019    №: 28    Мутолиа карданд: 445
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед