logo

иқтисод

ЛАХШ. ТАЪМИНИ АМНИЯТИ ОЗУҚАВОРӢ ДАР МАДДИ АВВАЛ

Кишоварзони ноҳияи Лахш соли 2018 - ро бо натиҷаҳои хуб ҷамъбаст намуда, ҳосили дилхоҳи маҳсулоти кишоварзӣ, аз ҷумла мева, картошка ва ғалладона, ба даст оварданд. Маҷмӯи умумии даромади  кишоварзон  маблағи 357 миллиону 646,9 ҳазор  сомониро ташкил   дод, ки  нисбат ба соли пешӣ 37 миллиону 321,5 ҳазор  сомонӣ ё 111,7 дарсад зиёд  мебошад.
Дурнамои кишти зироатҳои кишоварзӣ, махсусан картошка, барзиёд иҷро гардид ва ба ҷойи 2500 гектари тибқи дурнамо пешбинигардида дар хоҷагиҳои давлатӣ ва деҳқонии ноҳия 3033 гектар картошка кишт карда шуд. Тибқи маълумоти оморӣ,  кишоварзони  ноҳия  дар ҳамаи бахшҳои  хоҷагидорӣ 101321 тонна картошка ҷамъоварӣ  намуданд, ки нисбат ба соли пешӣ 14304  тонна зиёд  буда, 116,4  дарсади дурнаморо ташкил медиҳад.
Кишоварзони ноҳия як қисмати маҳсулот, аз ҷумла картошка ва меваро ба бозорҳои Душанбе, Ваҳдат, Ёвон, Варзоб ва шаҳру ноҳияҳои дигари ҷумҳурӣ ба фурӯш мебароранд.  Соли 2018 кишоварзони  ноҳия  дар бозорҳои «Қарияи Боло», «Деҳқон» ва «Меҳргон» - и  шаҳри Душанбе ярмаркаҳои фурӯши маҳсулоти кишоварзӣ ташкил карда, 1120 кг асал, 140 тонна картошка, 12 тонна мева ва 1237 кг гӯштро бо нархҳои нисбат ба бозор арзон ба сокинону меҳмонони шаҳри Душанбе пешниҳод  намуданд.
- Сабаби асосии зиёд гардидани ҳаҷми истеҳсоли маҳсулоти кишоварзӣ дар он аст, ки барои кишоварзон шароит ва имкониятҳои хуб  фароҳаманд. Онҳо бо оби полизӣ таъминанд, барои беҳтар гардондани ҳолати мелиоративии заминҳо ва ба гардиши кишоварзӣ ворид намудани заминҳои аз гардиши кишоварзӣ берунмонда тадбирҳои муассир андешида мешаванд. Дар Ҷамоати деҳоти Сартало бо ибтикори мақомоти иҷроияи маҳаллии ҳокимияти давлатии ноҳия ва ҷалби соҳибкорони ватанӣ тавассути насб намудани ду насоси обкашӣ қариб 100 гектар ва дар Ҷамоати деҳоти Алға зиёда аз 10 гектар замини бекорхобидаю партов обёрӣ карда шуд, - гуфт зимни суҳбат раиси ноҳия Файзулло Баротзода.
Ҳамчунин, бо талошҳои мақомоти иҷроияи маҳаллии ҳокимияти давлатӣ давоми соли 2018 масолеҳи зарурии сохтмонӣ ҷудо гардид ва тавассути ҳашарҳои дастаҷамъӣ шабакаҳои обёрии Пиёзӣ, Ғулама, Чонқирғиз ва Сартало таъмиру навсозӣ шуданд
Тибқи «Барномаи давлатии соҳилмустаҳкамкунӣ дар Ҷумҳурии Тоҷикистон барои солҳои 2015-2020» аз тарафи  идораи беҳдошти замин ва обёрии ноҳия соҳили дарёи  Оби Кабут дар масофаи  262 метр бо маблағи 52,6 ҳазор сомонӣ мустаҳкам карда шуд.
Айни  замон дар ноҳия барои  нигоҳдории  маҳсулоти  кишоварзӣ, бахусус картошкаю  мева,  ҳамагӣ 14 анбори мавсимии нигоҳдории картошка (аз ҷумла, картошкаи тухмӣ) мавҷуд аст, ки иқтидори умумиашон 4062 тоннаро ташкил медиҳад.  Ҳоло  дар ин анборҳо 9192 тонна тухмӣ барои кишти соли 2019 захира гардидааст, ки ҷиҳати 2298 гектар басанда мебошад. Тибқи нақша, имсол бояд дар майдони  2800 гектар  картошка кишт шавад, вале деҳқонони ноҳия ният доранд, ки масоҳати кишти онро ба 3000 гектар расонанд.                                  
Дилшод АМИРОВ,
«Ҷумҳурият»


Баёни ақида (0)    Санаи нашр: 11.02.2019    №: 31    Мутолиа карданд: 154

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед