logo

иҷтимоиёт

КҲФ. АЗ ТАҲКИМИ ХАДАМОТИ НАҶОТДИҲӢ ТО ГУСТАРИШИ ҲАМКОРИҲОИ БАЙНАЛМИЛАЛӢ

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон соли 2018 як силсила санадҳои меъёрӣ - ҳуқуқӣ, аз ҷумла Барномаи рушди Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон барои солҳои 2018-2022, Стратегияи Ҷумҳурии Тоҷикистон оид ба коҳиши хатари офатҳои табиӣ дар солҳои 2019 - 2030 - ро таҳия намуд, ки бо қарорҳои Ҳукумати Ҷумҳурии Тоҷикистон тасдиқ шуданд.
Ба иттилои Рустам Назарзода, раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, соли 2018 дар Тоҷикистон 167 ҳолати фавқулодаи хусусияти табиидошта сабт шуд, ки 23 ҳодиса ба аҳолӣ ва иқтисоди кишвар зарари моддӣ расонд. Боронҳои пайдарпай, ки рӯзҳои 16 - 18 май борид, сабабгори омадани сел дар ноҳияҳои Панҷ ва Фархори вилояти Хатлон шуданд. Барои андешидани чораҳои зарурӣ гурӯҳҳои корӣ таъсис ёфта, ҳамчунин, бо мақсади муайян намудани хисорот комиссия дар ҳайати намояндагони Кумитаи сохтмон ва меъмории назди Ҳукумати Ҷумҳурии Тоҷикистон, Сарраёсати геологияи назди Ҳукумати Тоҷикистон ва мақомоти дахлдори вилояти Хатлон таъсис шуд. Дар натиҷаи офати табиат дар вилояти Хатлон 26 хона пурра ва 16 хонаи дигар қисман хароб шуданд. 
Бо вуҷуди чорабиниҳои тарғиботӣ вобаста ба риоя намудани қоидаҳои бехатарӣ ҳангоми шиноварӣ, мутаассифона, ҳалокати шаҳрвандон сабт шудааст. Аз ҷумла, соли гузашта 140 нафар дар кӯлу дарёҳо ғарқ шуданд.
Яке аз самтҳои муҳими фаъолияти кумита ташкил ва роҳандозии корҳои садамавиву наҷотдиҳӣ мебошад. Соли 2018 наҷотдиҳандагони кумита дар амалиётҳои бартарафсозии оқибати ҳолатҳои фавқулодаи табиӣ ва техногенӣ иштирок намуда, дар 597 амал 170 нафарро аз марг наҷот доданд, ки ба 48 нафари онҳо эҳтимоли ғарқшавӣ таҳдид мекард.
Соли 2018 кумита бо Ҷумҳурии Ӯзбекистон созишномаи байнидавлатӣ имзо намуд ва, ҳамчунин, Нақшаи чорабиниҳо бо Вазорати ҳолатҳои фавқулодаи Ҷумҳурии Беларус, Ёддошти тафоҳуми ҳамкориҳо дар самти пешгириву бартарафсозии ҳолатҳои фавқулода бо Ҳиндустон, протоколи дуҷонибаи аввалин мулоқот оид ба таҳкими ҳамкориҳои наздисарҳадии омодагиҳо ва вокуниш ба ҳолатҳои фавқулода миёни Ҷумҳурии Исломии Афғонистону Ҷумҳурии Тоҷикистон ба имзо расиданд. 
Бо мақсади тақвияти пойгоҳи моддӣ-техникии кумита дар доираи лоиҳаҳои Хазинаи Трасти Федератсияи Россия ва Ҳукумати Ҷопон охири соли 2017 ва тӯли соли 2018 кумита 31 адад техникаи махсус ва 196 номгӯйи таҷҳизот дарёфт кард. 
Бо мақсади омӯзиш ва бозомӯзии кадрҳо, ҳамчунин, баланд бардоштани ихтисоси онҳо бо истифода аз таҷрибаи кишварҳои пешрафта дар масъалаҳои пешгирӣ ва бартарафсозии оқибати офатҳои табиат соли сипаришуда 62 нафар хизматчии ҳарбии кумита барои омӯзиш ба хориҷи кишвар фиристода шуда, 256 нафари дигар давраҳои омӯзишии гуногунро дар ҳудуди ҷумҳурӣ гузаштанд. 
Татбиқи босамари Барномаи рушди Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон барои солҳои 2018 - 2022 ва Стратегияи миллии коҳиши офатҳои табиӣ дар солҳои 2019 - 2030, баланд бардоштани малакаи касбӣ ва интизоми ҳарбии кормандон, таҳкими хадамоти наҷотдиҳӣ ва дастаҳои зудамали наҷотдиҳӣ, густариши ҳамкориҳои байналмилалӣ дар самти пешгирву бартарафсозии оқибати ҳолатҳои фавқулода, аз ҳадафҳои умдаи кумита дар соли 2019 мебошанд.
Лашкар ШАРИФ, “Ҷумҳурият”


Баёни ақида (0)    Санаи нашр: 13.02.2019    №: 33    Мутолиа карданд: 330
26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД


Дар сомонаҳои дигари Тоҷикистон хонед