logo

иқтисод

АЗ ЧОРСАДА ТО ЧОРСАДА. ЗИНДАГӢ РАНГИ ТОЗА МЕГИРАД

Бо мақсади бунёди калонтарин иншооти гидроэнергетикии мамлакат - НБО «Роғун» зарурат пеш омад, ки сокинони якчанд деҳаҳои ноҳияи Нуробод ва шаҳри Роғун аз минтақаи зериобшавандаи неругоҳ ба минтақаҳои дигар кӯчонда шаванд. Барои онҳо дар шаҳру ноҳияҳои Турсунзода, Роғун, Данғара, Рӯдакӣ, Файзобод ва Нуробод қитъаи замини наздиҳавлигӣ, ҳамчунин, маблағ барои бунёди хонаи истиқоматӣ ҷудо карда шуд.

Баҳои баланди Бонки ҷаҳонӣ ба шароити зисти муҳоҷирон
Муассисаи давлатии «Мудирияти минтақаи зериобшавандаи НБО «Роғун» фаъолияти худро дар асоси Қарори Ҳукумати Ҷумҳурии Тоҷикистон  аз 20 январи соли 2009 «Дар бораи аз минтақаи зериобмонии Неругоҳи барқи обии «Роғун» кӯчондани аҳолии шаҳри Роғун ва ноҳияи Нуробод» ба роҳ мондааст. То имрӯз 1643 оила дар шаҳру ноҳияҳои Данғара, Нуробод, Рӯдакӣ, Турсунзода ва Роғун бо қитъаи замини наздиҳавлигӣ таъмин гардидаанд. Айни ҳол хонаҳои тайёршуда 1247 ва сохтмонашон нотамом 143 ададро ташкил дода, 1073 хоҷагӣ бо шумули 5154 нафар дар манзилҳои нав истиқомат доранд. Ҷубронпулии арзиши хона ва дигар амволи муҳоҷирон то 1 апрели соли 2018 маблағи 137,9 миллион сомониро ташкил медиҳад, ки ба 1097 нафар сардорони хоҷагиҳо пурра пардохт шудааст.
Коршиносони Бонки ҷаҳонӣ 7-10 август ва 23-27 октябри соли 2017 барои мушоҳида ва таҳлили  раванди муҳоҷират аз мавзеъҳои зисти аввала ва ҳозираи муҳоҷирони минтақаи якуми зериобшавандаи НБО “Роғун” дидан намуда, сатҳи зиндагӣ, воситаҳои рӯзгузаронӣ ва барқарорсозии манбаъҳои даромадро таҳлил карда, ба корҳои иҷрогардида баҳои баланд доданд.

Аз Чорсада то Чорсада  
Аввалин гурӯҳи муҳоҷирони минтақаи зериобшавандаи НБО “Роғун” аз деҳаи Чорсадаи ноҳияи Нуробод ҳанӯз соли 1987 ба деҳаи Чорсадаи Ҷамоати деҳоти Лолазори ноҳияи Данғара кӯчонда шуда буданд. Имрӯз ҳамаи онҳо соҳиби хонаву дар ва шароити хуби зиндагианд. Дар заминҳои зархезу васеи ноҳияи Данғара хоҷагии деҳқонӣ таъсис дода, аз ин ҳисоб ҳам рӯзгори худро пеш мебаранд ва ҳам дар таъмини бозори маҳаллӣ бо маҳсулоти тоза саҳм мегузоранд. 
Соли 2009 низ аз чанд деҳаи ноҳияи Нуробод, ки минтақаи зериобшавандаи НБО “Роғун” маҳсуб меёфт, як гурӯҳ сокинон ба Ҷамоати деҳоти Лолазори ноҳияи Данғара кӯчиданд. Барои онҳо ва муҳоҷирони дигар деҳаҳо дар маҷмӯъ 256 қитъаи замини наздиҳавлигӣ ҷудо гардид, ки феълан 196 хоҷагӣ бо шумули 2060 нафар дар заминҳои худ хона сохта, зиндагӣ доранд. 12 хоҷагӣ ҳанӯз барои гирифтани замини худ муроҷиат накардаанд.
Эмомиддин Абдуллоев, раиси Ҷамоати деҳоти Лолазор, гуфт, ки дар деҳаҳои ҷамоат аз ноҳияҳои Нуробод, Рашт, Дарвоз ва Ишкошим дар маҷмӯъ наздики 5 ҳазор нафар муҳоҷирони дохилӣ ба сар мебаранд. Барои онҳо тамоми шароити зист фароҳам оварда шудааст. Барои муҳоҷирони нави деҳаи Чорсадаи ноҳияи Нуробод дар ҷамоат деҳаи нав бо номи Чорсада-2 ташкил шудааст. Барои таълиму тарбияи фарзандони онҳо бо харҷи 18 миллион сомонӣ муассисаи таҳсилоти миёнаи умумии № 72 бунёд гардида, мавриди истифода қарор гирифт. Муассисаи мазкур аз се ошёна иборат буда, дар як баст 640 хонандаро ба таълиму тарбия фаро гирифта метавонад.
Аз  шумораи умумии (28 нафар) омӯзгорони муассиса 11 нафарро муҳоҷирон ташкил медиҳанд. Дар деҳаи Даштак бошад, барои муҳоҷирон филиали муассисаи таҳсилоти миёнаи умумии № 38 фаъолият мекунад. Дар ҳар ду деҳа низ маркази саломатӣ сохта, ба истифода дода шудааст. Сокинон бо оби ошомиданӣ низ таъминанд. Дар ҳудуди ҷамоат 712 гектар боғу токзор мавҷуд буда, илова бар ин, ҳамасола дар майдони 1300 гектар пахта кишт карда мешавад. Дар хоҷагиҳои деҳқонӣ қариб барои ҳамаи сокинон кори мавсимӣ ва доимӣ мавҷуд аст.
Соли 2018 дар ҷамоат хоҷагии деҳқонии «Хуросон» таъсис дода шуд, ки самти асосии фаъолияти он парвариш ва фурӯши ниҳолҳои ороишиву ҳамешасабз мебошад. Дар оянда парвариш ва фурӯши гулу буттаҳои ороишӣ низ дар назар аст. Замини хоҷагии мазкур алҳол 5 гектар масоҳат дошта, дар ояндаи наздик то 12 гектар васеъ карда мешавад. Аксари сокинони маҳаллӣ бо кори мавсимӣ ва доимӣ таъминанд. Саҳмдорони хоҷагӣ азм доранд, ки бозори ноҳияро бо ниҳол ва гул таъмин намоянд. Сокинони ноҳияи Нуробод, ки ба боғдорӣ таваҷҷуҳи махсус доранд, метавонанд дар ин ва дигар хоҷагиҳои деҳқонӣ фаъолият намоянд.

Миннатдории моро ба Пешвои миллат расонед!
Раҳматулло Зоировро ҳамчун марди фарҳехтаву кордон баъди аз ноҳияи Нуробод ба ноҳияи Данғара кӯчидан ҳамдеҳагонаш раиси маҳалла интихоб карданд. Инчунин, ӯ дар мактаби деҳа ҳамчун боғбон кор мекунад ва сабзу хуррамии атрофи муассиса гувоҳи заҳмати босамари ин марди заҳматкаш аст. Ӯ зимни суҳбат, изҳор дошт: «Мо аз шароити фароҳамовардаи Ҳукумати Ҷумҳурии Тоҷикистон ва дастгириҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  хушнуд буда, ба Пешвои миллат барои фароҳам овардани шароити хуби зиндагӣ дар ин ноҳияи зебоманзар сипосгузорӣ менамоем. Қабл аз кӯчонданамон ба мо интихоби ҷои нави зистро пешниҳод карданд. Мо бо хоҳиши худ ба ноҳияи Данғара омадем ва хато ҳам накардем. Зеро ноҳияи Данғара дорои боду ҳавои мусоид, заминҳои васеъ ва имконияти хуби кишоварзӣ буда, аз хоки зархези он ҳар касе бо заҳмат метавонад ризқу рӯзӣ ёбад ва рӯзгори худро пеш барад».
Лашкар ШАРИФЗОДА, «Ҷумҳурият»


Баёни ақида (0)    Санаи нашр: 19.02.2019    №: 37    Мутолиа карданд: 459
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед