logo

туризм

ИСФАРА. МИНТАҚАИ ОЯНДАДОРИ САЙЁҲӢ

Исфараи бостонӣ аз он мавзеъҳои хушманзараи кишвар аст, ки бо табиати зебову кӯҳҳои осмонбӯси рангоранг, меваҳои шаҳдбору мардуми меҳмоннавоз ва ёдгориҳои нодираш дер боз қалбҳоро тасхир кардааст.
Ба гуфтаи мудири бахши сайёҳии шаҳр Мушарраф Эгамзод, дар Исфара сайёҳии  таърихию фарҳангӣ, солимгардониву табобатӣ, пиёдагардиву экологӣ ривоҷ ёфта, агротуризму велотуризм, мототуризму сайёҳии саноатӣ дар ҳоли рушданд.
Мавҷудияти беш аз 150 ёдгории бостонӣ барои рушди сайёҳии таърихию фарҳангӣ заминаи мусоид фароҳам овардааст. Аз ҷумла, ёдгории нодири асримиёнагии (асрҳои IX - XI) Ҳазрати Шоҳро муҳаққиқон аз ҷиҳати ороишу гулпартоӣ беназир меҳисобанд. Ба наздикӣ як гурӯҳ намояндагони Маркази байналмилалии нигаҳдошт ва консерватсияи дафтари минтақавии ЮНЕСКО таҳти роҳбарии профессори донишгоҳи Синхуаи Чин Лю Чоу аз ин мавзеъ дидан карда, аз муҳташамии он ба ҳайрат омаданд. Умед аст, ки ба наздикӣ ин мероси гаронарзиши ниёгон ба феҳристи ин созмони бонуфуз шомил гардад.
Манзараҳои дилкашу пайроҳаҳои кӯҳии зебои деҳоти Чоркӯҳ, Сурх, Ворух барои рушди сайёҳии пиёдагардию кӯҳсор мувофиқанд. Масалан, бино ба гуфтаи муҳаққиқон, дар кӯҳҳои Сари Сот 300 ҳазор сол пеш яхбандии бузург ба амал омада, аз он пиряхҳо боқӣ мондаанд, ки басе диққатҷалбкунандаанд.
Дар баробари ин, Исфара бо ҳавои софу обҳои шифобахш беҳтарин макон барои сайёҳии муолиҷавист. Осоишгоҳи “Зумрад”,  ки аз замони шӯравӣ шуҳрат дорад, айни ҳол бо усулҳои нав табобати намудҳои гуногуни бемориро ба роҳ монда, макони асосии туризми табобатӣ ба шумор меравад. Дар он бо истифода аз лойқаи шифобахш, муми кӯҳӣ, нафти нафталанӣ, кашиши зериобии сутунмуҳра ва молиши зериобӣ, дастгоҳҳои физиотерапевтӣ, сӯзаншифоӣ, маҳсшифоӣ,  гиёҳшифоӣ бемориҳои гуногун, аз қабили касалиҳои дилу рагҳои хунгард, узвҳои такяву ҳаракат, ҳозима, роҳҳои нафас, системаи асаб, таносули занона,  табобат мешаванд. Истироҳатгоҳ дар як вақт имкони қабули 350 сайёҳро дошта, то соли 2021 бо бунёди 3 иншооти дигар метавонад 1000 нафарро ба истироҳату табобат фаро гирад.
Шоистаи зикр аст, ки шаҳр барои пазироии сайёҳон дорои шароити зарурӣ буда, роҳбарият ҷиҳати боз ҳам беҳбуд бахшидани инфрасохтор чораҳои мушаххас меандешанд. Боғҳои фарҳангию фароғатӣ, 8 меҳмонхона, истироҳатгоҳи “Шаҳноза” ба хизмати сайёҳон омодаанд ва дар шаҳраку деҳот сохтмони нуқтаҳои хизматрасонӣ ва таъмиру навсозии роҳҳо бомаром идома доранд. Барои таъмини хизматрасонии босифат дар деҳаҳо ҳомстейҳо ташкил шудаанд. Инчунин, бо назардошти он ки велотуризму мототуризм дар ҳоли рушданд, дар деҳоти Шаҳрак базаи сайёҳӣ сохта мешавад.
Айни замон имкониятҳои сайёҳии шаҳр ба воситаи таблоҳои электронӣ, ки дар маҳаллаҳо насб шудаанд, муаррифӣ гардида, барои онҳое, ки бо мақсади туризми аграрию саноатӣ сафар менамоянд, сайри боғҳои зардолу ва корхонаҳои коркарду бандубасти меваи хушк ба роҳ монда шудааст. Ҳоло дар Исфара наздики 40 хатсайр амал менамояд ва сайёҳон имкон доранд, ки аз мавзеъҳои таърихии Ҳазрати Шоҳ, Лангари Моҳиён, Тангии Сурх, Чорсанг, Қалъаи Сурх, Мадрасаи Абдуллохони Навгилем, осоишгоҳи “Зумрад” ва дигар объектҳои туристӣ боздид намоянд.
- Соли гузашта захираҳои сайёҳии шаҳр ба таври зарурӣ муаррифӣ шуданд, - гуфт Мушарраф Эгамзод. – Баргузории конференсияи “Рушди сайёҳӣ - омили пешрафти иқтисоди миллӣ”, форуму намоишгоҳи байналмилалӣ оид ба имкониятҳои сайёҳӣ ва фестивали минтақавии “Марҳабо ба Суғди бостон” дар ин самт қадамҳои устувор маҳсуб меёбанд. Дар доираи ин чорабиниҳо миёни ширкатҳои сайёҳии “Ҷавоҳир тур”,  “Куҳандиз”, “Панҷакент интур”, “Бозори Вору”, “Нодир тур”, “Ориён эдвентур”, “Скай тур”, “Ассотсиатсияи ёрирасони рушди сайёҳӣ” ва “Сайри Мунк”-и кишвар ва ширкатҳои Амороти Муттаҳидаи Араб, Қазоқистон ва Ӯзбекистон 21 санади ҳамкорӣ ба имзо расид, ки барои рушди сайёҳии байналмилалӣ мусоидат менамоянд. Ҳамчунин, харитаи ҷойгиршавии ёдгориҳои таърихию фарҳангӣ тартиб дода шуда, дар мавзеъҳои туристӣ ишораҳои сарироҳӣ гузоштаанд.
Натиҷаи ҳамин тадбирҳост, ки соли 2018 шаҳрро беш аз 30 ҳазор сайёҳи дохилию хориҷӣ тамошо кард. Аксари сайёҳони хориҷӣ шаҳрвандони Федератсияи Россия,  Ӯзбекистон, Қазоқистон, Қирғизистон, Афғонистон, Австрия, Шведсия ва Арабистони Саудианд.
Ҷои шубҳа нест, ин шаҳри ободу озода бо истифода аз имконияти фарохи  туристие, ки дорад, метавонад ба яке аз минтақаҳои аз ҷиҳати сайёҳӣ пешрафтаи на танҳо кишвар, балки минтақа табдил ёбад.
Меҳрангез ҚОДИРОВА, “Ҷумҳурият”


Баёни ақида (0)    Санаи нашр: 18.03.2019    №: 54    Мутолиа карданд: 524
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед