logo

маориф

ММТ. АНДЕШАҲОЕ, КИ БОЯД ГУФТ!

Солҳои охир дар бисёр кишварҳои олам супоридани имтиҳонҳои дохилшавӣ бо усули нав, яъне тариқи марказҳои тестӣ сурат мегирад. Он дар як муддати кӯтоҳ натиҷаҳои дилхоҳро ба бор овард. Дар ҳар сурат, миш-мишҳои бисёре дар атрофи порагирии муаллимони имтиҳонгиранда камтар шуд.
Вале, чизи дигаре, ки мо - аҳли ҳунарро ба ташвиш оварда, ин аст: Оё Маркази миллии тестӣ қодир аст, ки сатҳи ҳунари довталабон, аз ҷумла актёр, рассом, сарояндаву навозандаи боистеъдодро муайян намояд? Албатта, не! Инро вақт нишон дод. Аз ин лиҳоз, Вазорати маориф ва илми кишвар ба донишкадаҳои эҷодӣ иҷозат дод, ки довталабон имтиҳонҳои касбиро дар худи таълимгоҳ бо иштироки устодони варзидаи соҳа қабул ва баҳогузорӣ намоянд. Ҳамин тавр ҳам кардем, вале ҳайҳот, ки натиҷаи дилхоҳ гирифта натавонистем. Танҳо дар ду соли охир дар шуъбаҳои эҷодии Донишкадаи давлатии фарҳанг ва санъати Тоҷикистон ба номи М. Турсунзода аз дусад нафар довталабони соҳибҳунари умедбахш, ки дар имтиҳони касбияшон ба гирифтани балҳои баланд ноил гардиданд, ҳамагӣ ба чанд нафарашон муяссар шуд, ки коми худ аз шарбати касби интихобкардаашон ширин намоянд. Боқимондаи онҳо бо дилҳои шикастаю умедҳои барбодрафта, мувофиқи нишондоди тарозуи тақдирсози ММТ, ба соҳаҳои барояшон тамоман ноошно тақсим шуданд. Ҷои онҳоро ҳамин гуна дилбохтагони соҳаҳои кишоварзиву сохтмон пур карданд. Ҳангоми бо онҳо ҳамсуҳбат шудан дарк мешавад, ки фарсахҳо аз эҷод дур ҳастанд. Бо дили нохоҳам, аз рӯи ноилоҷӣ ба тақдирашон тан дода, ба хондан шурӯъ намуданд. Магар аз чунин донишҷӯи фавқулода ҳунарманди баландпоя тайёр карда мешавад? Ҳаргиз не!
Аз 23 нафар дохилшудагон ба курси якуми шуъбаи санъати актёрӣ ҳамагӣ як нафар аз санҷиши пешакии устодони соҳа гузаштаасту халос. Аксарашон дорои овозҳои хираву ноҷӯр, қаду қомати номувофиқ ба соҳаву ҳунар буда, чанде дигар мактабҳои таҳсилоти умумиро ҳатто бо забонҳои ғайритоҷикӣ хатм намудаанд. Магар бе овоз ҳофизу бе ҳунар актёр шудан метавон?
Дар ДДФСТ ба номи М. Турсунзода соҳаву шуъбаҳои зиёде ҳастанд, ки он ҷо бемалол аз рӯи талаботи Маркази миллии тестӣ амал кардан ҷоиз мебошад. Вале дар касбҳои эҷодӣ иҷозати расмии Вазорати маориф ва илми кишвар лозим аст, ки аз ибтидо то интиҳо ҳамаи имтиҳонҳои дохилшавӣ дар худи донишкада сурат бигирад. Вагарна, ҳамасола мо аз садҳо рассоми нотакрор, актёрҳои соҳибистеъдод, сарояндагони нодир, навозандагони чирадаст ва варзишгарони номбардори ватанамон маҳрум мегардем.
Чанде аз кишварҳо, ба амсоли Россия, Беларус ва Ӯзбекистон иҷозат додаанд, ки аз ибтидо то интиҳо имтиҳонҳои ҳамаи шуъбаҳои эҷодӣ дар ҳудуди худи донишкада гузарад.
Хуб мешуд, агар дар ҷумҳурии мо низ ин амал ҷорӣ мегардид.
Марям ИСОЕВА,
Тағоймурод РОЗИҚОВ,
Қурбони СОБИР,
Раҷабгул ҚОСИМОВА,
Давлат УБАЙДУЛЛОЕВ,
ҳунарпешаҳои халқии Тоҷикистон,
Абдулҳафиз ҚОДИРОВ,
Арбоби шоистаи санъати Тоҷикистон,
Рустам ВОҲИДОВ,
Ҳунарпешаи шоистаи Тоҷикистон


Баёни ақида (0)    Санаи нашр: 10.04.2019    №: 68    Мутолиа карданд: 513

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт


Дар сомонаҳои дигари Тоҷикистон хонед